Deuteronomy 32:14 - De Beebaa Dabu

¹⁴ Ia ne haangai ia i vai uu haduhadu o denga kaau ma vai uu o denga ssiibi ma guudi, ma mee moomuna o denga ssiibi gauligi ma ssiibi daane, ma ssiibi ma guudi o Bashan, madali denga grain danuaa hugadoo; koe ne unu uvaini danuaa o denga grape.

Deuteronomy 32:14 Referans Kwoze

Genesis 49:11

E nnoa ange naa dana donkey gi dahi grapevine, gai dana donkey gauligi gi de laa manu danuaa mmao, gai ia e taa naa ono malo i denga uvaini, gai ono malo i vai o denga grape.

Psalm 147:14

Ia gu hai gi nnoho paba dangada i honga de henua, gai gu hagaboobosu goodou i denga grain danuaa hugadoo.

Psalm 81:16

Aagai au e haangai adu naa goe i denga grain danuaa hugadoo, ma de hai gi bosu goe i denga hooni o lo te baba.”

Micah 7:14

Hagaloosia ange oo dangada i doo dogo, go de hagabuulingaa ssiibi o doo boolonga, go dangada e nnoho laa donu huu i gilaadeu i lodo henua, i de mommee iai de gelegele danuaa. Dugua denga manu gi gaimee saele i Bashan ma Gilead bei dagodo mee nogo hai madagidagi.

Amos 4:1

Hagalaangona muna nei, goodou denga kaau haahine o Bashan, i honga de mounga o Samaria, goodou denga haahine e vaivai haia de gau hagaau aloha, ma de hagahai ngadaa gilaadeu e duasala; goodou e hai ange gi oodou bodu, “Gaamai ange hanu mee e unu!”

Ezekiel 39:18

Goodou e gai naa kano o denga daane dau o de hebagi, ma de unu dodo o denga dagi o henua i lalo — e dagodo be go dodo o denga ssiibi daane, ma ssiibi gauligi, ma guudi, aama denga kaau daane, gilaadeu alodahi ni manu gu haangai ma gu pedi mai i Bashan.

Isaiah 7:22

Gai ia e gai vai uu haduhadu, i hiidinga de kona de lagolago vai uu o denga manu laa. Gai dangada alodahi e doe i honga de henua e gai naa vai uu haduhadu ma hooni.

Isaiah 7:15

Ia e gai naa vai uu haduhadu ma hooni, i de masavaa aana e iloo ai de kino i de baubau gai ga hilihili de mee danuaa.

Psalm 22:12

Denga kaau lagolago e duuli luoogu baasi; denga kaau mmahi o Bashan e duuli au;

De Beebaa go Job 20:17

Ia e dee gidee naa denga saalingaa vai, ma denga vai e ssali mai ai laa hooni ma vai uu haduhadu.

2 Samuel 17:29

ma hooni, ma vai uu, ma hanu ssiibi, aama cheese e hai i vai uu o denga kaau, e gaimee ai David ma dangada alodahi madali ia. Go hiidinga gilaadeu ne hagataba, “Dangada gu maakau naa donu i de hiikai ma de daalea aama de hieunu i de vao.”

Judges 5:25

Sisera ne dangidangi ange i hanu vai unu, Jael ne gaamai gi de ia hanu vai uu, ia ne gaamai hogi hanu vai uu haduhadu i lo te boolo mahamaha.

Genesis 18:8

Gai Abraham ga kave hanu vai uu haduhadu, ma vai uu ma de kaau aana gu hagadabena laa ga gaavange e gaimee ai gilaadeu. Gai ia ga duu i olaadeu gaogao i lalo de manu somo laa, i de masavaa olaadeu e gaimee ai.

Revelation 14:20

Gai mee nei ne dagadagahi i de mommee kumi uvaini i tua de aduhale, gai denga dodo ne ssali mai i de mommee kumi uvaini, ga hagahonu age ga dae age gi taula i de ngudu o de hoosa, gai de looloa o de mommee iai dodo laa se 180 maele.

Numbers 18:12

Au gu gaavadu hogi gi goodou denga lolo danuaa hugadoo, ma denga uvaini hoou aama grain a dangada e ngadi gaavange gi Tagi Maolunga, mai i denga huamanu e hagihagi i taamada.

De Beebaa go Job 29:6

gai dogu haiava nogo seesee ai e honu i vai uu haduhadu, gai agu lolo olive e ssali mai i lo te baba.

Deuteronomy 28:47

Go hiidinga koe tee daumaha ange gi Tagi Maolunga doo Maadua i de malangilangi ma de lodo danuaa, i de masavaa oou e lava ai,

Nehemiah 9:25

Gilaadeu ne kave denga aduhale buibui, ma gelegele danuaa, ma denga hale e hoohonu i denga hagadaagangaa mee danuaa alodahi, ma vai gu hoda gi lo te baba, ma denga veelengaa grape, ma denga veelengaa olive, ma manu iai hua lagolago. Deelaa ai, gilaadeu ne gaimee ga boobosu ma de pedi, aama de malangilangi i doo abodonu laumalie.

Nehemiah 9:26

Aagai gilaadeu tee hagallongo i au muna ma de hai baasi adu gi de goe. Gilaadeu ne daahuli gee i au hainga ma de daa ga maakau oo pelaabisi, go gilaadeu ne agoagona gilaadeu gi aahe mai ai gilaadeu gi de goe. Gai ne kona mmao delaadeu hagangadi mee goe.

Hosea 11:4

Au ne dagi gilaadeu i de abodonu ma de lodo aloha ange gi gilaadeu. Au ne aau de laagau hagahai hegau i honga olaadeu ua, ma de ino iho ga haangai ange gilaadeu.