Deuteronomy 31:17 - De Beebaa Dabu

¹⁷ De masavaa laa gai au e lili naa i gilaadeu, ga tili gilaadeu ma de huli gee luoogu mada i gilaadeu, gai gilaadeu e odi naa i de maakau. Denga mee baubau ma hai ngadaa lagolago e hai ange naa gi gilaadeu, gai gilaadeu e hagataba naa i de laangi laa, ‘E dee go hiidinga taadeu Maadua gu dee noho i odaadeu daha, ne tuu mai ai nei hai ngadaa nei gi gidaadeu?’

Deuteronomy 31:17 Referans Kwoze

Isaiah 8:17

Au e tali ange Tagi Maolunga, go de ia e hagamuunia luoono mada i dangada o Jacob. Gai au e tali ange naa donu ia.

Psalm 104:29

Koe ne hagammuni luoo mada, gai gilaadeu gu maatagu; noo koe gu kave olaadeu manava, gai gilaadeu gu maakau, ga aahe ange gi de gelegele.

2 Chronicles 15:2

gai ia ne hano ga hedae ange gi Asa, ga hai ange gi de ia, “Asa, ma denga daane alodahi o Judah ma Benjamin, goodou hagalaangona agu muna. Tagi Maolunga e noho madali goodou, noo goodou e nnoho madali ia. Noo goodou e ssala ia, gai goodou e gidee naa donu ia, aagai noo goodou e tili ia, gai ia e tili naa hogi goodou.

Judges 6:13

Gai Gideon ne hai ange gi de ia, “Dogu dangada aamua, au e ssili adu muhuu, noo Tagi Maolunga e noho i omaadeu daha, gai gu aha gu tuu mai ai nei denga hai ngadaa nei alodahi gi gimaadeu? Gai i hee iai denga hegau hagalele mouli a omaadeu dubuna madagidagi gu tala mai gi gimaadeu, ma gu hai mai, ‘Tagi Maolunga ne hagassao mai gidaadeu i Egypt’? Gai iainei Tagi Maolunga gu tili gimaadeu ma de dugu ange gimaadeu gi de gau Midian gi vaivai haia.”

Numbers 14:42

Goodou aude hulo oodou hagadaumee kana hagadee kii goodou, go hiidinga Tagi Maolunga e dee hano donu madali goodou.

Jeremiah 23:33

“Gai ga siilia adu naa huu e dahi dangada, be go dahi pelaabisi, aabe go dahi dangada haimeedabu, ga hai adu, ‘Aahee muna hagadaemaha a Tagi Maolunga?’ gai koe hai ange, ‘Ni muna hagadaemaha aha? Au e tili naa goodou, go Tagi Maolunga e hagadaba.’

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Psalm 30:7

Tagi Maolunga, koe ne hai dogu mounga gi duu gi makaga, i doo abodonu mai gi de au; aagai au ne manavasaa ogu lodo i de masavaa aau ne hagammuni ai luoo mada.

1 Chronicles 28:9

Gai koe, dagu dama go Solomon, koe gi iloo de Maadua o doo damana, ma de hai hegau ange gi de ia i oo lodo alodahi ma au maanadu alodahi, go hiidinga Tagi Maolunga e iloo dagodo o denga lodo alodahi, ma de donu ange gi maanadu alodahi. Noo koe e ssala ia, gai koe e gidee naa donu ia; aagai noo koe e huli gee i de ia, gai ia e huli gee naa hogi i de goe ga hano ai.

Hosea 9:12

Gai e dee galemu naa donu delaadeu haele age alaadeu dama, gai au e kave gee naa gilaadeu, ga dae ai gi teai se gilaadeu e doe. E vakaa naa gilaadeu, i de masavaa oogu e hano gee mai ai i olaadeu daha!

Ezekiel 39:29

Au gu dee huli gee luoogu mada i gilaadeu, gai au e hai naa gi hano iho dogu Hagasaalunga gi honga o de gau Israel, go de Ia Aamua go Iahweh e hagadaba.”

Jeremiah 23:39

deenei ai, tilo, au e poo naa goe ga tili gee goe mai i mada luoogu mada, go goodou ma de aduhale aagu ne gaavadu naa gi goodou ma oodou dubuna madagidagi.

Isaiah 63:17

Tagi Maolunga, gu aha gu dugu mai ai naa goe gimaadeu gi hulo gee i oo haiava ma de hagamakaga omaadeu lodo, gimaadeu gu dee maatagu i de goe? Ahe mai i hiidinga o oo dangada hai hegau, go denga aamuli gu bolo adu gi de goe.

Psalm 90:11

Goai e donu ange gi mahi o doo lili? Gai doo lili e laumalie mmao bei de madagu i de goe.

Psalm 89:46

Tagi Maolunga, dee hee maa taulooloa? Koe ga mmuni naa donu i gimaadeu ga hano ai? Dee hee maa taulooloa doo bole bei de ahi mmahi?

Psalm 27:9

Koe gi dee hagamuunia luoo mada i de au, koe gi dee alualumia doo dangada hai hegau i doo lili; go koe nogo balea mai au. De Maadua, dogu Ia Hagaola, koe gi dee kino aabe gi hano gee mai i ogu daha.

Psalm 2:12

Oso ina Tama Daane, kana lili naa ia, gai goodou gu moolau donu de maakau i honga de haiava; go hiidinga ia e moolau donu de lili. E manuuia gilaadeu alodahi e haia ia go delaadeu buibui.

De Beebaa go Job 34:11

Gai ia e hagao ange tangada gi bei dagodo o ana hegau, ia e hai gi aahe ange donu huu gi tangada ana hegau.

De Beebaa go Job 13:24

Gu aha gu hagammuni ai naa luoo mada ma de dau au gi se hagadaumee niiou?

Nehemiah 9:32

Deenei ai, demaadeu Maadua, go de Maadua maolunga ma de mmahi aama de hagamadagu, go de ia e daohia de hagatoo donu hagaheloongoi o dono lodo aloha, koe gi dee hagangadi mee ina denga hai ngadaa alodahi gu paa nei i gimaadeu, ma omaadeu hodooligi, ma omaadeu dagi, ma omaadeu dangada haimeedabu, ma omaadeu pelaabisi, ma omaadeu maadua aama oo dangada alodahi, mai i de masavaa o denga hodooligi o Assyria ga dae mai ai gi anailaa nei.

2 Chronicles 24:20

Gai de Hagasaalunga o de Maadua ne hano iho gi honga o Zechariah tama daane a tangada haimeedabu go Jehoiada, gai ia ga duu age i magavaa o dangada, ga hai ange gi gilaadeu, “E hagadaba de Maadua, ‘Gu aha goodou gu hagahaisala ai naa hainga a Tagi Maolunga? Goodou e dee maua naa donu gi hagadagadaga age, go hiidinga goodou gu tili Tagi Maolunga, deelaa ai, ia gu tili hogi goodou.’ ”

Deuteronomy 29:20

Gai Tagi Maolunga e dee degi ange naa donu gi de ia, aagai de lili o Tagi Maolunga ma dono maagoda e hai baasi ange donu gi tangada nei, bei dagodo o de useahi. Gai hagamalaia alodahi gu sisi laa i lo te beebaa nei, e hai ange naa gi de ia, gai Tagi Maolunga e hai naa gi dee manadua dono ingoo i lalo de langi.

Deuteronomy 31:18

Gai au e huli gee naa donu i gilaadeu i laangi laa, i hiidinga o hegau baubau alodahi alaadeu e hai, ma delaadeu daumaha ange gi denga diinonga ange laa.

Judges 10:6

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga; gilaadeu ne daumaha ange gi denga Baal, ma Ashtaroth, ma denga diinonga o Syria, ma diinonga o Sidon, ma diinonga o Moab, ma diinonga o de gau Ammon, aama diinonga o de gau Philistia. Gilaadeu ne tili Tagi Maolunga gu dee daumaha ange gi de ia.

1 Kings 8:57

Tagi Maolunga, taadeu Maadua gi noho i odaadeu daha, bei dono hai ne noho ai laa hogi i daho odaadeu dubuna madagidagi; ia gi dee hano gee ai aabe e tili gidaadeu.

2 Kings 22:13

“Goodou suuia ngau ma dangada alodahi o Judah, mage siilia ai i daho Tagi Maolunga, gi iloo dagodo o mee gu sisi i lo te beebaa gu gidee nei. Tagi Maolunga gu kona mmao dono lili i gidaadeu, go hiidinga odaadeu dubuna madagidagi tee daohi muna i lo te beebaa nei; gai gilaadeu tee hagassula muna alodahi gu sisi gidaadeu gi hai hegau ai.”

Isaiah 2:6

Koe gu tili doo huaadangada, go dangada o Jacob. Go hiidinga gu soa dangada e daalaa mee e dee iloo mai i denga henua i dua; gilaadeu e tala mee e dee iloo bei hegau a de gau Philistia, ma de hagaheloongoi ange gi de gau henua gee.

Jeremiah 36:7

Agu made gilaadeu e dalodalo ange naa gi Tagi Maolunga, gai gilaadeu alodahi e tili naa alaadeu hegau baubau, go hiidinga Tagi Maolunga gu kona mmao de lili ma de bole ma de hagatau e hai baasi ange gi de huaadangada nei.”

Jeremiah 40:2

Gai tagi o de gau hagaloosi ne kave Jeremiah, ga hai ange gi de ia, “Tagi Maolunga doo Maadua gu hagatoo donu bolo de mommee nei e duu ange naa donu gi de hai ngadaa.

Hosea 10:4

Gilaadeu e tala hanu ngadi muna, ma de hai denga ngadi hagatoo donu hagaheloongoi; deelaa ai, de hagaduasala gu sula age bei dagodo o denga helii hagammau e ssomo age laa i de mommee gu hagabalabala.

Micah 3:4

Gai gilaadeu e tangi ange naa gi Tagi Maolunga, aagai ia e dee basa ange naa donu gi gilaadeu. Ia e huli gee naa i gilaadeu i de masavaa laa, i hiidinga de baubau alaadeu hegau.

Deuteronomy 7:21

Goodou aude maatagu donu i gilaadeu, go hiidinga Tagi Maolunga doodou Maadua e noho i oodou daha, gai ia se Maadua maolunga ma de hagamaatagu.

Deuteronomy 30:18

gai au e tala adu gi goodou ailaa nei, bolo goodou e daia naa donu ga maakau. Goodou e dee daulooloa naa donu doodou mouli i honga de henua oodou ga hulo naa e henua ai, i baasi dai o Jordan.

Deuteronomy 30:19

Gai au e hagahi ange de langi ma henua i lalo e hai ai de gau hagadonu gi hai baasi adu ai goodou, bolo au gu dugu i oodou mada i mua de mouli ma de magau, de manuuia ma de hagamalaia. Deenei ai, goodou hilihilia de mouli, gi mouli ai goodou ma oodou dama,

2 Chronicles 21:10

Gai Edom goi hai baasi ange huu gi Judah ga dae mai ai gi anailaa nei. Gai de aduhale go Libnah ne hai baasi ange hogi gi Jehoram i de masavaa laa, go hiidinga ia ne tili Tagi Maolunga, de Maadua o ono dubuna madagidagi.

Psalm 44:10

Koe ne hai gimaadeu gi saavini gi hulo gee mai i omaadeu hagadaumee; gai gilaadeu gu kave omaadeu goloa.

Isaiah 5:25

Deelaa ai, Tagi Maolunga gu lili mmao i ono dangada, gai ia ne hagaabo dono lima ga daa gilaadeu gu maakau. Denga mounga gu ngalungaalue; de gau maakau gu daakodo saele i honga denga haiava bei denga gainga. Gai mee nei alodahi tee maua donu i de hagahelui dono lili, gai dono lima goi hagaabo donu huu.

Jeremiah 8:19

Hagalaangona adu leo o ogu dangada e tangi ai i honga de henua alodahi: “E aha, Tagi Maolunga gu dee noho nei i Zion? E aha, dono Hodooligi gu dee maleva laa i kilaa?” ⌊E hagadaba Tagi Maolunga,⌋ “Gu aha gilaadeu gu hai ai au gi lili i olaadeu diinonga, ma olaadeu diinonga henua gee deai haigamaiana?”

Jeremiah 33:5

Hanu e hebagi ange gi de gau Babylon, gilaadeu e hhao naa denga hale i angaanga o de gau maakau, aagu e daa gi maakau i dogu lili ma dogu bole. Gai au e huli gee naa gi dee gidee ai e au de aduhale nei, i hiidinga o alaadeu hegau baubau alodahi.