Deuteronomy 30:7 - De Beebaa Dabu

⁷ Gai Tagi Maolunga doodou Maadua e gaavange naa denga hagamalaia nei alodahi gi oodou hagadaumee, ma dangada e kino i goodou ma de vaivai hai goodou.

Deuteronomy 30:7 Referans Kwoze

Deuteronomy 7:15

Gai Tagi Maolunga e hai naa gi dee mmagi goodou i denga hagadaagangaa magi, aagai ia e hai naa gilaadeu e kino i goodou gi mmagi i magi nei.

Isaiah 10:12

Deelaa ai, de masavaa naa huu a de Ia Aamua e hagalava ai ana hagatau alodahi ange gi de mounga go Zion ma Jerusalem, gai ia e hagadaba naa, “Au e hagaduasala naa de hodooligi o Assyria, i hiidinga dono lodo maolunga ma luoono mada hagamaolunga.

Numbers 24:14

Tilo, au ga ahe nei gi daho ogu dangada. Aagai koe humai, gai au ga tala adu, dagodo o mee a de huaadangada nei e hai adu gi de goe ma oo dangada, i laangi e loomai.”

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Obadiah 1:10

Go hiidinga dau vaivai hai doo daina go Jacob, koe e dogaa naa donu, koe e oha ga maoha ga hano ai.

Amos 1:13

E hagadaba Tagi Maolunga: “Tolu hanonga o de gau Ammon e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne hangahanga dinae o denga haahine hai tama i Gilead, gi kii ange de lahalaha delaadeu henua.

Amos 1:11

E hagadaba Tagi Maolunga: “Tolu hanonga o Edom ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga ia ne doolohi ono daina ga daa i de gadilaasa, ia tee lodo aaloha ange gi gilaadeu. Gai ia tee tuu donu de hebagi i hiidinga dono lili, ia ne golo age dono lili ga hano ai.

Amos 1:9

E hagadaba Tagi Maolunga: “Tolu hanonga o Tyre e haisala ai, ga dae ai loo gi de haa hanonga, gai au e dee tuu donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom; gilaadeu tee manadua de hagatoo donu hagaheloongoi madali olaadeu daina.

Amos 1:6

E hagadaba Tagi Maolunga: “Tolu hanonga o Gaza e haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne noonoa dahi huaadangada ga gaavange gi de gau Edom.

Amos 1:3

E hagadaba Tagi Maolunga: “Tolu hanonga o Damascus ne haisala ai, ga dae ai loo gi de haa hanonga, gai au e dee tuu naa donu dono hagaduasala. Go hiidinga gilaadeu ne duuduu Gilead i de mee duuduu grain e hai laa i iron.

Ezekiel 25:15

“E hagadaba de Ia Aamua go Iahweh: Go hiidinga de gau Philistia ne duudagi donu huu de sui ange hegau a olaadeu hagadaumee, ma de maanadu de daa dangada i delaadeu kino ma de llili,

Ezekiel 25:12

“E hagadaba de Ia Aamua go Iahweh: Go hiidinga de gau Edom ne sui ange hegau a dangada o Judah ne hai, ga hai ai ga kona delaadeu haisala,

Ezekiel 25:8

“E hagadaba de Ia Aamua go Iahweh: Go hiidinga Moab ma Seir ne hagataba, ‘Tilo, dangada o Judah gu bei donu denga huaahenua alodahi ange laa,’

Ezekiel 25:6

Deenei ai, e hagadaba de Ia Aamua go Iahweh: Go hiidinga goodou ne baabaa oodou lima ma de llele gi lunga ma lalo ga malangilangi i hiidinga doodou kino i de henua go Israel,

Ezekiel 25:3

Hai ange gi gilaadeu: ‘Goodou hagalaangona muna a de Ia Aamua go Iahweh. E hagadaba de Ia Aamua go Iahweh: Go hiidinga goodou e hakadanga i dogu mommee dabu, i de masavaa ne hai ai ga dee gilimalali, ma de masavaa ne ngadi dagodo ai de henua o Israel, aama de gaavee gee o dangada o Judah gi dahi henua gee,

Jeremiah 25:29

Tilo, au gu daamada de hai gi humai dahi hai ngadaa gi de aduhale iai dogu ingoo; e aha, goodou e maanadu bolo goodou e dee hagaduasala? Goodou e hagaduasala donu, go hiidinga au e hagahi mai naa de gadilaasa gi hai baasi ange gi dangada alodahi e nnoho i henua i lalo, go Tagi o denga hagabuulinga hebagi e hagadaba.’

Exodus 23:22

Aagai noo goodou e hagallongo ange gi ana muna, ga hai mee alodahi aagu e tala adu, gai au e hagadaumee ange naa gi oodou hagadaumee, ma de hai baasi ange gi gilaadeu e hai baasi adu gi goodou.

Deuteronomy 30:8

Gai goodou e aahe ange naa ga hagallongo ange gi Tagi Maolunga, ma de daohi ana muna alodahi, aagu e tala adu nei gi goodou anailaa nei.

Numbers 24:9

Israel e dogoduli naa bei de laiono, gai e bei de laiono hahine — goai e maua i de hhango ia? Gilaadeu e hagamanuuia ina goe, e hagamanuuia naa, gai gilaadeu e hagamalaia ina goe, e hagamalaia naa.”

Jeremiah 30:16

Aagai dangada alodahi e oohaa goe e oha naa donu, oo hagadaumee alodahi e noonoa naa ga gaavee gee. Dangada ne gaiaadia oo mee e gaiaadia naa hogi alaadeu mee, gilaadeu alodahi e haia gi de mahi oo goloa e haia gi de mahi naa hogi olaadeu goloa.