Deuteronomy 30:17 - De Beebaa Dabu

¹⁷ Aagai noo goodou e daahuli gee oodou lodo ga dee hagallongo ange ai gi ana muna, gai e hulo ga daumaha ange gi denga diinonga ange laa ma de hai hegau ange gi gilaadeu,

Deuteronomy 30:17 Referans Kwoze

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

2 Timothy 4:4

Gilaadeu e tili naa de muna abodonu, gai ga daudali ange i denga ngadi daalanga.

Proverbs 1:32

Gai de daahuli gee o de gau llodo ssenga e daa gilaadeu ga maakau; gilaadeu e maakau naa donu, i delaadeu maanadu bolo gilaadeu e danuaa donu huu;

Hebrews 12:25

Goodou dagidiiloo gi dee hagangadi mee ina e goodou de ia e basa adu nei. Go hiidinga noo tee maua gi ola dangada ne hagangadi mee ina muna a de ia ne basa ange gi gilaadeu i henua i lalo, gai e kii ange donu taadeu dee maua gi ola, noo gidaadeu e dee daudali i muna a de ia e basa mai gi gidaadeu i de langi.

Proverbs 14:14

Tangada e huli gee laa i de mee heohi e kave naa donu de hagaoanga o ana hegau, gai tangada danuaa e kave naa hogi de hagaoanga o ana hegau.

1 Kings 11:2

gilaadeu ni haahine mai i denga huaahenua a Tagi Maolunga gu hai ange laa gi de gau Israel, “Goodou e dee hai bodu ange gi gilaadeu, gilaadeu e dee hai bodu adu hogi gi goodou, go hiidinga gilaadeu e hai naa goodou gi daumaha ange gi olaadeu diinonga.” Gai Solomon ne hagapigi ange gi denga haahine laa i hiidinga dono aloha i gilaadeu.

1 Samuel 12:25

Aagai noo goodou e duudagi de hai de baubau, gai goodou ma doodou hodooligi e daa naa donu ga maakau.”

Deuteronomy 17:17

Gai ia gi dee haia hogi gi soa haahine oona e hai bodu ange aagena, gi dee dahuli gee ai ono lodo. Ia gi dee hagammahi hogi gi haia gi lagolago ana selevaa ma goolo.

Numbers 32:15

Noo goodou e daahuli gee i de ia, gai ia e tili naa hogi de huaadangada i de vao; gai goodou e hai naa ga maakau gilaadeu alodahi.”

Deuteronomy 30:16

Gai au e hai adu gi goodou ailaa nei, goodou aaloha i Tagi Maolunga doodou Maadua, ma de daudali i ono lodo ma de daohi ana hainga ma ana hainga gu hagasauaa ma ana hagamodu, gi mouli ai goodou ga hagadili gi soa. Gai Tagi Maolunga doodou Maadua ga hagamanuuia ai goodou, i doodou nnoho i de henua oodou ga hulo naa e kave e henua ai.

Deuteronomy 30:18

gai au e tala adu gi goodou ailaa nei, bolo goodou e daia naa donu ga maakau. Goodou e dee daulooloa naa donu doodou mouli i honga de henua oodou ga hulo naa e henua ai, i baasi dai o Jordan.

Deuteronomy 11:16

Gai goodou dagidiiloo gi dee hagasengalia goodou, gai goodou ga daahuli gee ai i de au, ga hai hegau ange gi denga maadua ange laa, ma de daumaha ange gi gilaadeu.

Joshua 22:15

Gai gilaadeu ne hulo gi daho de aamuli o Reuben, ma de aamuli o Gad, aama dahi luu baasi o de aamuli o Manasseh i de henua go Gilead, ga hai ange gi gilaadeu,

1 Samuel 12:21

Goodou aude hulo gi daudali ange i denga ngadi diinonga e deai laa olaadeu haigamaiana ma tee maua i de hagaola goodou, go hiidinga gilaadeu ni ngadi mee donu.