Deuteronomy 30:15 - De Beebaa Dabu

¹⁵ Tilo, anailaa nei gai au gu dugu i oodou mada i mua de mouli ma tanuaa, aabe go de magau ma de baubau.

Deuteronomy 30:15 Referans Kwoze

Deuteronomy 11:26

Tilo, anailaa nei, gai au e dugu i oodou mada i mua de hagamanuuia ma de hagamalaia:

Deuteronomy 30:19

Gai au e hagahi ange de langi ma henua i lalo e hai ai de gau hagadonu gi hai baasi adu ai goodou, bolo au gu dugu i oodou mada i mua de mouli ma de magau, de manuuia ma de hagamalaia. Deenei ai, goodou hilihilia de mouli, gi mouli ai goodou ma oodou dama,

Mark 16:16

Gai be goai e hagadonusia ga babudaisi gai ia e hagamouli. Aagai be goai e dee hagadonusia, gai ia e hagaduasala donu.

Deuteronomy 32:47

Gai e dee ni ngadi muna donu huu e tala adu gi goodou, aagai go doodou mee donu e mouli ai. Gai go muna nei oodou e mouli ai ga daulooloa, i de henua oodou ga hulo naa e kave i baasi i dai o Jordan.”

Galatians 5:6

Go hiidinga e deai donu haigamaiana de tuu dagaholiage aabe go tee tuu dagaholiage i daho Klisdo Iesu, aagai go de gai donu huu e hai hegau laa i de aloha.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Deuteronomy 30:1

De masavaa naa huu o hagamanuuia ma hagamalaia aagu e tala adu e loomai ai gi goodou, gai goodou manadua mee nei i doodou nnoho, i denga huaahenua a Tagi Maolunga e hai goodou gi mavaevae saele aagena,

1 John 3:23

Gai aanei ana muna: gidaadeu gi hagadonusia i de ingoo o dana Dama Daane, go Iesu Klisdo, ma de hagadau aaloha, bei dana hai gu tala mai ai gi gidaadeu.

Genesis 2:17

aagai koe e dee maua i de gai hua o de manu somo e maua ai gi iloo tanuaa ma de baubau, go hiidinga de laangi naa huu aau e gai ai ono hua, gai koe e magau donu.”

Deuteronomy 30:14

Aagai muna nei e paa adu donu gi goodou, gai e daakodo donu i lodo oodou ngudu aama oodou lodo, gi maua ai e goodou i de daudali ai.

Proverbs 12:28

De haiava heohi go de mouli donu, gai e deai donu se magau i lo te haiava nei.

Isaiah 1:19

Noo goodou e llodo ma de hagallongo mai gi agu muna, gai goodou e gai naa hua danuaa hugadoo o de henua;

Jeremiah 21:8

Gai koe daalaa ange hogi gi de huaadangada nei, hai ange: ‘E hagadaba Tagi Maolunga: Tilo, au gu dugu i oodou mada i mua de haiava o de mouli ma de haiava o de magau.

Micah 6:8

Koe tangada, ia gu hagaago adu gi de goe de mee danuaa, gai se aha a Tagi Maolunga e lodo koe gi haia? E dee go de hai hegau i de mee heohi, ma de lodo aloha, aama de seesee i de lodo maolalo madali doo Maadua?

Jeremiah 42:21

Gai au gu tala adu gi goodou anailaa nei, mee alodahi aana ne gaamai au gi daalaa adu gi goodou, gai goodou e dee hagallongo ange gi Tagi Maolunga doodou Maadua.