Deuteronomy 30:10 - De Beebaa Dabu

¹⁰ noo goodou e hagallongo ange gi Tagi Maolunga doodou Maadua, ga daohi ana muna ma ana hainga gu hagasauaa, gu sisi laa i lo te beebaa o hainga nei, ma de daahuli mai gi Tagi Maolunga doodou Maadua, i oodou lodo alodahi aama oodou hagasaalunga alodahi.

Deuteronomy 30:10 Referans Kwoze

Deuteronomy 4:29

Aagai noo goodou e ssala Tagi Maolunga doodou Maadua i doodou nnoho i kilaa, gai goodou e gidee donu ia noo goodou e hagaduu ngae ga ssala ia i oodou lodo alodahi aama oodou hagasaalunga alodahi.

1 Corinthians 7:19

De tuu dagaholiage be go tee tuu dagaholiage e deai donu ono haigamaiana, aagai de mee hagamogomogo go de daohi muna a de Maadua.

Nehemiah 1:9

aagai noo goodou e aahe mai gi de au, ma de daudali i agu muna gu tala adu gi goodou, e dee galemu donu goodou gu mavaevae saele gi de bido laa o henua i lalo, gai au e hagaahe mai naa donu goodou gi de mommee aagu gu hili e dugu ai dogu ingoo.’

Deuteronomy 30:8

Gai goodou e aahe ange naa ga hagallongo ange gi Tagi Maolunga, ma de daohi ana muna alodahi, aagu e tala adu nei gi goodou anailaa nei.

Deuteronomy 30:2

gai goodou ma oodou dama ga aahe mai gi Tagi Maolunga doodou Maadua, ga daudali i ana muna, i oodou lodo alodahi aama oodou hagasaalunga alodahi, bei dagu hai gu tala adu ai gi goodou anailaa nei,

Acts 26:20

Au ne tala ange i mua gi dangada i Damascus, muli mai go Jerusalem ma Judea alodahi, aama ange hogi gi denga Gentile, gi daahuli ange ai gilaadeu gi de Maadua, ma de hai hegau e heohi ange laa gi dagodo o de daahuli olaadeu lodo.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

Ezekiel 33:19

Gai de masavaa naa huu o tangada baubau e dahuli gee ai i ana hegau baubau, ga hai hegau i de mee danuaa ma de heohi, gai ia e mouli donu i dana hai mee nei.

Ezekiel 33:14

Gai noo au e hai ange gi tangada baubau, ‘Koe e magau donu,’ aagai noo ia e dahuli gee i ono haisala ga hai hegau i de mee danuaa ma de heohi —

Ezekiel 33:11

Hai ange gi gilaadeu, ‘Au e hagatoo donu i dogu mouli, go de Ia Aamua go Iahweh e hagadaba: Au e dee malangilangi donu i de magau o tangada baubau, aagai tangada baubau gi dahuli gee i ana hegau baubau, gi mouli ai i. Goodou daahuli gee, goodou daahuli gee i oodou hegau baubau! De gau Israel, ni haigamaiana aha doodou maakau?’

Ezekiel 18:21

Aagai noo tangada baubau e dahuli gee i baubau alodahi aana gu hai, gai ia ga daohi agu mee gu hagasauaa ma de hai hegau i de hagamodu heohi, gai ia e mouli donu; ia e dee magau.

Deuteronomy 29:21

Gai Tagi Maolunga e vvae gee naa ia mai i denga aamuli o Israel ga hagaduasala, i denga hagamalaia alodahi o de hagatoo donu hagaheloongoi gu sisi laa i lodo beebaa o hainga nei.

Deuteronomy 30:11

Gai muna aagu gu tala adu anailaa nei e dee hai ngadaa donu, aabe e mmao gee i goodou.

Deuteronomy 6:5

Koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, aama oo mahi alodahi.

Zechariah 6:15

Gai dangada e nnoho laa i mommee mmao e loomai naa ga bale de hagaduu o de temple o Tagi Maolunga. Gai goodou e tonu ange naa bolo go Tagi o denga hagabuulinga hebagi ne haia ngau gi humai gi oodou daha. Gai mee nei alodahi e hai naa donu ga bei, noo koe e hagaduu ngae ga hagallongo ange gi muna a Tagi Maolunga doodou Maadua.”