26 Aagai Tagi Maolunga ne lili i de au i oodou hiidinga, ia tee lodo e hagallongo dagu dangidangi. Gai Tagi Maolunga ne hai mai, “Gu lava, aude ahe ange gi basa mai gi de au i de mee nei!
ga hai ange gi gilaadeu, “Anailaa nei gai au gu 120 ogu ngadau, au gu dee maua i de dagi goodou. Gai Tagi Maolunga gu hai mai gi de au, ‘Koe e dee hano donu gi de baasi laa o Jordan.’
Gai ia ne damaa hanadu ange ga hagabaguu gi lalo ga hagabaa luoono mada gi honga de gelegele ga dalodalo, ga hai ange, “Dogu Damana, noo e maua, gai gaavee gee de ubu nei mai i ogu daha; aagai e dee go ogu lodo e hai, gai go oo lodo.”
Gai Tagi Maolunga ga hai ange gi de ia, “Deenei de henua aagu gu hagatoo donu ange gi Abraham, ma Isaac aama Jacob, ma gu hai ange, ‘Au e gaavange de henua nei gi oodou aamuli.’ Au ne hagaago adu gi gidee e goe i luoo mada, aagai koe e dee hano gi dae aagena.”
Iesu ne hai ange gi luaana dama, “Gooluu e dee iloo donu ooluu mee e dangidangi ai. Gooluu e maua i de unu i de ubu oogu gu dai unu ai?” Gilaau ne hai ange gi de ia, “Gimaau e maua!”