Deuteronomy 29:3 - De Beebaa Dabu

³ Goodou ne gidee denga mee hagamaatagu, ma hagailonga aama mee hagalele mouli mmao.

Deuteronomy 29:3 Referans Kwoze

Deuteronomy 29:2

Gai Moses ne hagahi de gau Israel alodahi ga hai ange: Goodou ne gidee mee alodahi a Tagi Maolunga ne hai i de henua go Egypt, ange gi Pharaoh, ma ono dangada hai hegau alodahi, aama dono henua.

2 Chronicles 20:33

Aagai denga mommee daumaha tee oha; gai dangada tee dugu ange hogi olaadeu lodo gi de Maadua o olaadeu dubuna madagidagi.

Isaiah 6:10

Hagamakaga ina lodo o de huaadangada nei, haia olaadeu dalinga gi longoduli, gai haia olaadeu ganomada gi dee kide. Kana gidee e gilaadeu i olaadeu ganomada ma de langona i olaadeu dalinga, gai gilaadeu gu tonu ange i olaadeu lodo, ga daahuli olaadeu lodo, gai gilaadeu gu ieiangi.”

Jeremiah 5:21

Goodou hagalaangona muna nei, e de gau llodo ssenga ma de ssenga, goodou e hanu oodou ganomada, aagai e dee gidee, goodou e hanu oodou dalinga, aagai e dee langona.

Ezekiel 12:2

“Tama a tangada, koe e noho i magavaa o dahi huaadangada hagamaanege. E hanu olaadeu ganomada e tilo ai, aagai gilaadeu e dee gidee; e hanu olaadeu dalinga e hagallongo ai, aagai gilaadeu e dee langona, go hiidinga gilaadeu se huaadangada hagamaanege.