Biblia Todo Logo
Bib sou entènèt

- Piblisite -




Deuteronomy 29:25 - De Beebaa Dabu

25 Gai dangada e hagataba naa, “Go hiidinga gilaadeu tee daohi de hagatoo donu hagaheloongoi a Tagi Maolunga de Maadua o olaadeu dubuna madagidagi, ne hai madali gilaadeu, go de hagatoo donu hagaheloongoi aana ne hai madali gilaadeu, i de masavaa aana ne hagassao mai gilaadeu i de henua go Egypt.

Gade chapit la Kopi




Deuteronomy 29:25
20 Referans Kwoze  

gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, gai gilaadeu tee duudagi de daohi dagu hagatoo donu hagaheloongoi, deelaa ai, au tee anga ange gi gilaadeu, go Tagi Maolunga e hagadaba.


Gai dangada alodahi e gidee gilaadeu gu gai gilaadeu, olaadeu hagadaumee e hagataba, ‘Gimaadeu e tigi haisala donu, go hiidinga gilaadeu gu haisala ange donu gi Tagi Maolunga, go delaadeu mommee nnoho heohi, go Tagi Maolunga, de tali a olaadeu maadua madagidagi.’


Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.


Gai de muna e basa ange ai deenei: ‘Go hiidinga gilaadeu gu tili de hagatoo donu hagaheloongoi a Tagi Maolunga delaadeu Maadua, gai gu daumaha ange gi denga diinonga ma de hai hegau ange gi gilaadeu.’ ”


Au ne lili i ogu dangada, ga hai gi dee se mee dabu dogu boolonga; au ne dugu adu goe gi hagadee kii ina gilaadeu, gai koe tee lodo aloha ange gi gilaadeu. Koe ne hagahai hegau kona donu hogi de gau madumaatua.


Gai gilaadeu gu hulo ma gu hai hegau ange aama de daumaha ange gi hanu diinonga gee; gai gilaadeu tee iloo donu denga diinonga nei i mua, gai ia tee hagaago ange diinonga nei gi gilaadeu.


Gai dangada e hagataba naa, ‘Go hiidinga gilaadeu gu tili Tagi Maolunga, delaadeu Maadua, ne hagassao ina mai laa olaadeu dubuna madagidagi i de henua go Egypt, gai gilaadeu ga daudali ange gi denga diinonga, ga daumaha ange ma de hai hegau ange gi gilaadeu. Aanei hiidinga a Tagi Maolunga ne hai ai gi loomai denga hai ngadaa nei alodahi gi gilaadeu.’ ”


Gai de gau Israel ne hai hagammuni denga hegau dee heohi e hai baasi ange laa gi Tagi Maolunga, delaadeu Maadua. Gilaadeu ne hagatuu denga mommee daumaha i denga aduhale alodahi, mai mommee iai hale dagitilo ga dae ai gi denga aduhale buibui.


Gilaadeu ne tili ana hainga gu hagasauaa, ma dana hagatoo donu hagaheloongoi ne hai madali olaadeu dubuna madagidagi, aama ana mee gu hagakana ange ai gilaadeu. Gai gilaadeu gu daumaha ange gi denga diinonga e deai olaadeu haigamaiana, ga hai ai ga deai olaadeu haigamaiana. Gilaadeu ne ago ange i denga huaahenua e paa ange gi gilaadeu, e dee galemu donu Tagi Maolunga gu hai ange, “Goodou aude ago ange i gilaadeu,” gai gilaadeu ne hai donu mee a Tagi Maolunga ne hai ange gilaadeu gi dee haia.


Gilaadeu ne tili au gai ga sigidaumaha ange mee maanongi gi denga diinonga, ga hagadaemaha ai ogu lodo i alaadeu hegau alodahi ne hai. Deenei ai, au e hai baasi ange gi de mommee nei i dogu lili, gai e dee maua donu i de haganoho.’


Ia ne hai baasi ange hogi gi de hodooligi go Nebuchadnezzar, go de hodooligi ne haia laa ia gi hagatoo donu i de ingoo o de Maadua. Ia tee hagamaolalo gai ne hagamakaga ono lodo aama tee dahuli ange ono lodo gi Tagi Maolunga, de Maadua o Israel.


Aagai goodou gu dilia laa Tagi Maolunga, ma de ngalo dogu mounga dabu, gai e hagadabena dahi deebele ange gi tiinonga go Gad, ma de hhao denga ubu uvaini gu hilo ange gi tiinonga go Meni;


gai koe ga hai ange gi gilaadeu, ‘Go hiidinga oodou dubuna madagidagi ne huuhuli gee i de au, go Tagi Maolunga e hagadaba, gai ga daudali ange i denga diinonga; gilaadeu ne hai hegau ange aama de daumaha ange gi gilaadeu. Gilaadeu ne tili au ma tee daohi agu hainga.


Gai de hale nei e bei naa dagodo dahi hagabuudungaa mee maoha; gai dangada alodahi e loomai laa ono gaogao e llele naa olaadeu mouli ma de kada ga hagataba, ‘Gu aha Tagi Maolunga gu hai ai nei de henua ma de hale nei bee nei?’


Gilaadeu ne daumaha ange gi diinonga o denga huaahenua, gai olaadeu lodo gu noodia i de mee nei.


Gai dangada o denga huaadangada soa e loomai naa laa gaogao de aduhale nei, ga hagadau ssili ga hagataba, ‘Gu aha Tagi Maolunga gu hai ai nei de aduhale laumalie nei bee nei?’


go hiidinga baubau alaadeu ne hai ga lili ai au, i delaadeu dudu denga mee maanongi ma de daumaha ange gi denga diinonga alaadeu ma olaadeu dubuna tigi iloo.


Swiv nou:

Piblisite


Piblisite