Deuteronomy 29:24 - De Beebaa Dabu

²⁴ Gai denga huaahenua ange laa e ssili naa ga hagataba, “Gu aha Tagi Maolunga gu hai ai laa de henua bee laa? Gai gu aha gu kona ai laa dono bole?”

Deuteronomy 29:24 Referans Kwoze

Romans 2:5

Aagai de makaga o oo lodo ma tee dahuli oo lodo, ne hai gi laumalie de lili e hagadabena adu gi de goe i de laangi o de bole, go de masavaa a de Maadua e hagasula mai ai dana hagamodu heohi.

Ezekiel 14:23

Gai gilaadeu e hagaaneane naa oo lodo, i de masavaa aau e gidee ai alaadeu dahulinga ma alaadeu hegau, gai goodou e iloo naa bolo au tee ngadi hai donu huu mee laa, go de Ia Aamua go Iahweh e hagadaba.”

Lamentations 4:12

Denga hodooligi o henua i lalo tee hagadonusia, dangada e nnoho i henua i lalo tee hagadonusia hogi, bolo denga hagadaumee ma dangada e kino i Jerusalem e maua i de ulu i ono haitoga.

Isaiah 65:11

Aagai goodou gu dilia laa Tagi Maolunga, ma de ngalo dogu mounga dabu, gai e hagadabena dahi deebele ange gi tiinonga go Gad, ma de hhao denga ubu uvaini gu hilo ange gi tiinonga go Meni;

Jeremiah 5:19

Gai de masavaa naa huu a oodou dangada e hagataba ai, ‘Gu aha Tagi Maolunga taadeu Maadua gu hai mai ai mee nei alodahi gi gidaadeu?’ gai koe ga hai ange, ‘Goodou ne tili au gai ga daumaha ange gi denga diinonga i doodou henua donu, deenei ai, goodou e hai hegau ange naa gi de gau henua gee i dahi henua gee.’

Jeremiah 16:10

Gai de masavaa naa huu aau e tala ange ai muna nei gi dangada, gai gilaadeu ga ssili adu, ‘Gu aha Tagi Maolunga gu hagasula ai naa dahi hai ngadaa laumalie e hai baasi mai ai gi gimaadeu? Gai se baubau aha amaadeu gu hai? Gai se haisala aha amaadeu gu hai ange gi Tagi Maolunga demaadeu Maadua?’

Jeremiah 40:2

Gai tagi o de gau hagaloosi ne kave Jeremiah, ga hai ange gi de ia, “Tagi Maolunga doo Maadua gu hagatoo donu bolo de mommee nei e duu ange naa donu gi de hai ngadaa.

Leviticus 26:32

Au e oha naa gi maoha doodou henua, gai oodou hagadaumee e nnoho laa i kilaa, e llele naa olaadeu mouli i ono dagodo.

2 Kings 17:15

Gilaadeu ne tili ana hainga gu hagasauaa, ma dana hagatoo donu hagaheloongoi ne hai madali olaadeu dubuna madagidagi, aama ana mee gu hagakana ange ai gilaadeu. Gai gilaadeu gu daumaha ange gi denga diinonga e deai olaadeu haigamaiana, ga hai ai ga deai olaadeu haigamaiana. Gilaadeu ne ago ange i denga huaahenua e paa ange gi gilaadeu, e dee galemu donu Tagi Maolunga gu hai ange, “Goodou aude ago ange i gilaadeu,” gai gilaadeu ne hai donu mee a Tagi Maolunga ne hai ange gilaadeu gi dee haia.

2 Kings 18:12

Mee nei ne hai i hiidinga de gau Israel tee hagallongo ange gi muna a Tagi Maolunga, delaadeu Maadua, gai gilaadeu ne hagahaisala dana hagatoo donu hagaheloongoi, go muna alodahi a Moses, tangada hai hegau o Tagi Maolunga ne tala ange gi gilaadeu. Gilaadeu tee hagallongo ange aagena aabe ne daudali ai.

Jeremiah 31:32

Gai e dee bei donu dagu hagatoo donu hagaheloongoi ne hai madali olaadeu dubuna madagidagi, i dagu laangi ne poo ai olaadeu lima ga hagassao mai gilaadeu i de henua go Egypt, go hiidinga gilaadeu ne oha dagu hagatoo donu hagaheloongoi, e dee galemu donu go au delaadeu dangada aamua, go Tagi Maolunga e hagadaba.

Ezekiel 16:59

Gai e hagadaba de Ia Aamua go Iahweh: Au e hagaduasala naa goe gi bei au hegau gu hai, go hiidinga koe ne hagangadi mee de hagatoo donu ma de oha de hagatoo donu hagaheloongoi.