Deuteronomy 29:23 - De Beebaa Dabu

²³ De henua alodahi e daakodo ai naa denga soolo ma lehu — gu deai manu e ssomo ai, e deai hogi manu e matili age ai, gai gu deai manu e maua gi ssomo ai. Gai e oha naa bei dagodo o Sodom ma Gomorrah, ma Admah ma Zeboiim, go mommee a Tagi Maolunga ne oha i dono lili ma dono bole.

Deuteronomy 29:23 Referans Kwoze

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Jeremiah 17:6

Ia e bei de manu somo baa i lalo i de vao e deai laa vai iai, e deai naa donu se mee danuaa aana e gide. Ia e somo i de mommee e deai vai iai, gai se henua iai soolo, e deai dangada e nnoho ai.

Isaiah 34:9

Denga saalingaa vai o Edom e hai naa ga ni mommee iai tar, gai de gelegele e hai naa ga se maga ahi ula; de henua alodahi e hai naa ga se mommee iai tar.

Genesis 14:2

ne loomai e hebagi ange gi Bera, de hodooligi o Sodom, ma Birsha, de hodooligi o Gomorrah, ma Shinab, de hodooligi o Admah, ma Shemeber, de hodooligi o Zeboiim, aama de hodooligi o Bela, e bei go Zoar.

Luke 17:29

aagai de laangi huu o Lot ne hano gee mai ai i Sodom, gai de ahi ma denga maga ahi ga too iho i de langi ga daa gu maakau gilaadeu alodahi.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Ezekiel 47:11

Aagai mommee vaivai ma bela e dee maua naa donu gi ni vai danuaa; gai e hai naa gi daakodo ai denga soolo.

Jeremiah 20:16

Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Judges 9:45

Gai Abimelek ne hebagi ange gi de aduhale laa i de laangi laa alodahi; gai ia ga hagadee kii de aduhale laa, ga daa gu maakau dangada e nnoho ai, gai ia ga oha de aduhale laa ga hagamalili ange soolo gi honga dono gelegele.

Revelation 19:20

Gai de manu alasala laa ne nnoa, madali dono pelaabisi hadu muna ne haia laa denga hagailonga i ono mada i mua, ga hagasenga ai dangada, gilaadeu gi gaavee de maaga o de manu alasala laa, ma de daumaha ange gi dono diinonga. Gai gilaau ngaadahi gu maga ange gi lo te ahi ula i denga sulfur e sali laa bei de vai.

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

De Beebaa go Job 18:15

Dono hale gu daakodo ai mee e dee niiana; gai denga maga ahi gu doha saele i dono mommee noho.

Romans 9:29

Gai e bei donu de hai a Isaiah gu tala ai laa i mua, “Noo Tagi o denga hagabuulinga hebagi tee hagaola hanu i omaadeu hagadiilinga, gai gimaadeu ne bei donu dagodo o Sodom ma Gomorrah.”

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

2 Kings 22:13

“Goodou suuia ngau ma dangada alodahi o Judah, mage siilia ai i daho Tagi Maolunga, gi iloo dagodo o mee gu sisi i lo te beebaa gu gidee nei. Tagi Maolunga gu kona mmao dono lili i gidaadeu, go hiidinga odaadeu dubuna madagidagi tee daohi muna i lo te beebaa nei; gai gilaadeu tee hagassula muna alodahi gu sisi gidaadeu gi hai hegau ai.”

Isaiah 1:7

Doodou henua gu ngadi dagodo, oodou aduhale gu dudu i de ahi; de gau henua gee gu kave oodou gelegele i oodou madamada alodahi; de henua gu ngadi dagodo gai gu oohaa e de gau henua gee.

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Isaiah 64:11

Demaadeu temple dabu ma de mahamaha, go de mommee omaadeu maadua ne tuhi ai goe, gu dudu i de ahi; gai omaadeu goloa hagamogomogo alodahi gu maoha ma e daakodo ai.

Jeremiah 49:18

Gai e bei hogi de oha o Sodom ma Gomorrah, madali denga aduhale e paa ange, go Tagi Maolunga e hagadaba, gai e deai naa donu se dangada e nnoho gaainga i kilaa; e deai naa hogi dangada e nnoho i kilaa.

Leviticus 26:32

Au e oha naa gi maoha doodou henua, gai oodou hagadaumee e nnoho laa i kilaa, e llele naa olaadeu mouli i ono dagodo.

1 Kings 9:8

Gai de hale nei e bei naa dagodo dahi hagabuudungaa mee maoha; gai dangada alodahi e loomai laa ono gaogao e llele naa olaadeu mouli ma de kada ga hagataba, ‘Gu aha Tagi Maolunga gu hai ai nei de henua ma de hale nei bee nei?’

1 Kings 9:9

Gai dangada e hagataba naa, ‘Go hiidinga gilaadeu gu tili Tagi Maolunga, delaadeu Maadua, ne hagassao ina mai laa olaadeu dubuna madagidagi i de henua go Egypt, gai gilaadeu ga daudali ange gi denga diinonga, ga daumaha ange ma de hai hegau ange gi gilaadeu. Aanei hiidinga a Tagi Maolunga ne hai ai gi loomai denga hai ngadaa nei alodahi gi gilaadeu.’ ”

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”