Deuteronomy 29:18 - De Beebaa Dabu

¹⁸ Gai goodou dagidiiloo gi deai se daane be se hine, be se huaabodu, aabe se aamuli e daahuli gee i Tagi Maolunga doodou Maadua ailaa nei, ga daumaha ange gi diinonga o denga huaahenua. Gai kana ange diiloo gi deai se goodou e bei dagodo o de manu somo, iai aga e hhua mai ai denga hua hagammau, ma de mmala i oodou magavaa.

Deuteronomy 29:18 Referans Kwoze

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Jeremiah 9:15

Deenei ai, e hagadaba Tagi o denga hagabuulinga hebagi, de Maadua o Israel: “Tilo, au e haangai ange naa de huaadangada nei i gai mmala ma de hagaunu gilaadeu i vai hagammau.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Acts 8:23

Au e iloo bolo oo lodo e honu i de magiaa, ma de noodia i de baubau.”

Amos 6:12

E aha, denga hoosa e saavini laa i honga hadu? E aha, tangada e hagabalabala laa kilaa i denga kaau daane? Aagai goodou gu hai de hagamodu heohi gi se mee hagammau gai e hai denga hegau heohi gi ni mee mmala —

Hosea 10:4

Gilaadeu e tala hanu ngadi muna, ma de hai denga ngadi hagatoo donu hagaheloongoi; deelaa ai, de hagaduasala gu sula age bei dagodo o denga helii hagammau e ssomo age laa i de mommee gu hagabalabala.

Deuteronomy 29:19

Gai tangada bee nei, e langona naa muna o de hagatoo donu nei, gai ia e tuhi naa donu huu ia, ga hagadaba, “Au e noho baba naa donu huu, e dee galemu donu dagu hai donu huu ogu lodo,” — tangada bee nei e hai naa ga hai ngadaa de henua iai vai aama de henua e deai vai iai.

Deuteronomy 32:32

Delaadeu grapevine ne gaamai i Sodom, gai se manu mai i denga veelenga o Gomorrah. Olaadeu grape e hoohonu i mee hagammau, gai olaadeu gau looloa e mmala.

Psalm 69:21

Gilaadeu ne gaavange mee hagammau gi lodo agu gai, ma de hagaunu au i denga mee mmala.

Jeremiah 8:14

⌊Dangada e hagataba,⌋ “Gu aha gidaadeu gu nnoho ai naa donu huu? Gidaadeu ga hagabuni! Gidaadeu ga saavini e mmuni i lodo aduhale buibui ga maakau ai i kilaa! Go hiidinga Tagi Maolunga taadeu Maadua gu baba ange e daa gidaadeu gi maakau ma de gaamai vai hagammau gidaadeu gi unumia, i hiidinga gidaadeu gu haisala ange gi de ia.

Jeremiah 23:15

Deenei ai, e hagadaba Tagi o denga hagabuulinga hebagi i dagodo o denga pelaabisi: “Tilo, au e hai naa gilaadeu gi gaina mee mmala ma de hagaunu gilaadeu i vai hagammau, i hiidinga denga pelaabisi o Jerusalem gu hai gi laumalie baubau i honga de henua alodahi.”

Psalm 10:13

Gu aha tangada baubau gu hagangadi mee ai de Maadua i ana muna? Gai gu aha gu hagadaba ai ia i ono lodo, “Ia e dee hagaduasala naa donu au i agu mee gu hai”?

Jeremiah 23:17

Gilaadeu e duudagi huu de hai ange gi dangada e hagangadi mee ina dogu ingoo, ‘E hagadaba Tagi Maolunga: Goodou e nnoho paba naa donu;’ gai e hai ange gi dangada alodahi e hagamakaga ina olaadeu lodo, ‘E deai donu se hai ngadaa e duu adu gi goodou.’