Deuteronomy 28:8 - De Beebaa Dabu

⁸ Gai Tagi Maolunga e hagamanuuia naa doo hale doange gai aama au hegau alodahi e hai; Tagi Maolunga doo Maadua e hagamanuuia naa goe, i de henua aana e gaavadu gi de goe.

Deuteronomy 28:8 Referans Kwoze

Deuteronomy 15:10

Gai koe lodo aloha ange gi de ia ga gaavange gi lava danuaa ana mee. Gai noo koe gu hai de mee nei, gai Tagi Maolunga doo Maadua ga hagamanuuia au hegau alodahi e hai.

Leviticus 26:10

Gai goodou goi gai naa donu huu oodou hua grain ne hagihagi ga doange i de ngadau gu hano, i de masavaa oodou e aau mai ai mee e doe, gi dahi ai mommee e doange ai oodou grain hoou.

Psalm 133:3

Gai e bei de mee maluulu o Hermon, e hano iho laa gi honga de mounga go Zion. Go kilaa a Tagi Maolunga e hagamanuuia ai; go kilaa hogi iai de mouli e dee ngado mai.

Luke 12:18

Gai ia ga hagadaba, ‘Deenei dagu mee e hai: au e oha naa ogu hale doange gai, gai au ga hagatuu age hanu gi kii ange de nnui, gai au ga doange ai agu huamanu aama agu mee alodahi.

Matthew 6:26

Goodou kalo ange diiloo denga manu llele: gilaadeu e dee doo, be hagihagi, aabe hagabudu alaadeu gai i mommee doange; aagai doodou Damana i de langi laa e haangai ange gilaadeu. Gai goodou e kii ange donu i de hagamogomogo i denga manu nei.

Psalm 42:8

Tagi Maolunga e hagaago mai dagodo o dono lodo aloha i de laangi; gai de boo dana daahili e madali au, gai au e dalodalo ange gi de Maadua o dogu mouli.

Leviticus 25:21

Au e hagamanuuia naa goodou i de ono ngadau, gai de gelegele e hhua lagolago naa gi dohu ange gi e dolu ngadau.

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Psalm 144:13

Omaadeu mommee doange gai gi hoohonu i denga hagadaagangaa gai. Amaadeu ssiibi gi hagadili gi lagolago ange i de mano, gai manu i lodo amaadeu veelenga gi lagolago ange i tahisemada;

2 Kings 6:27

Gai ia ga hai ange, “Noo Tagi Maolunga e dee bale adu goe, gai go hee aagu e gaamai ai hanu mee e bale adu ai goe? Go agu hua i de mommee hili huamanu aabe go de mommee kumi uvaini?”

Matthew 13:30

Gai dugua gi ssomo age alodahi ga dae ai gi de masavaa e hagihagi ai, gai au ga hai de gau hagihagi gi hagabudulia denga helii gi noonoodia gi ni noodanga e dudu ai, gai ga hagabudulia denga grain gi moolia gi haoa gi lo tagu mommee doange gai.’ ”

Psalm 44:4

Go koe dogu Hodooligi ma dogu Maadua; go de ia ne hagamodu ina gi kii Jacob.

Deuteronomy 15:4

Gai e deai naa donu se dangada e hagaau aloha i oodou magavaa, go hiidinga Tagi Maolunga doodou Maadua e hagamanuuia goodou, i de henua aana e gaavadu e henua ai goodou,

Deuteronomy 28:7

Gai Tagi Maolunga e dugu adu naa goe, gi hagadee kii ina denga hagadaumee e hebagi adu gi de goe. Gilaadeu e hagabuni naa ga loomai i dahi haiava, aagai e saavini naa ga hulo gee i e hidu haiava.

Deuteronomy 28:20

Tagi Maolunga e hai naa gi loomai denga hagamalaia gi de goe, ma de hai gi senga ange goe, ma de hagahai ngadaa goe i mee alodahi aau e hai, ga dae ai gi dana oha au mee alodahi, ma de daa goe gi magau, i hiidinga o hegau baubau aau ne hai ga hano gee mai ai i de ia.

Deuteronomy 14:29

Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Psalm 128:2

Koe e gai naa hua o au hegau, gai koe manuuia naa ma de duadonu.