Deuteronomy 28:64 - De Beebaa Dabu

⁶⁴ Gai Tagi Maolunga e hai naa goodou gi mavaevae saele gi nnoho i magavaa o denga huaadangada alodahi, mai i dahi luu bido o henua i lalo ga dae ai gi de bido ange laa. Gai goodou ga nnoho ai i kilaa ga daumaha ange gi denga diinonga laagau ma hadu, go diinonga oodou ma oodou dubuna madagidagi tee iloo.

Deuteronomy 28:64 Referans Kwoze

Leviticus 26:33

Gai au e hai naa goodou gi mavaevae saele i denga henua gee, au e hai naa gi daia goodou gi maakau i de gadilaasa. Doodou henua e hai naa ga se mommee e deai dangada e nnoho ai, gai oodou aduhale e oha naa ga maoha.

Jeremiah 16:13

Deenei ai, au e maga naa goodou gi hulo gi de henua oodou ma oodou dubuna madagidagi tee iloo laa, gai goodou ga hai hegau ange ai gi denga diinonga i de laangi ma de boo. Gai au e dee damaa aloha adu naa donu gi goodou.’

Nehemiah 1:8

Hagamaanadu i au muna gu tala ange gi Moses, ma gu hai ange, ‘Noo goodou e dee hai hegau i de muna abodonu, gai au e hai naa goodou gi mavaevae saele i denga huaahenua ange laa,

Deuteronomy 28:36

Gai Tagi Maolunga e hai naa goe ma de hodooligi e dagina goe gi hulo gi dahi huaahenua aau ma oo dubuna madagidagi e dee iloo. Gai koe ga daumaha ange ai gi denga diinonga laagau ma hadu.

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Jeremiah 50:17

Israel e bei dahi hagabuulingaa ssiibi e doolohia laa i de laiono ga hai gu mavaevae saele. Tangada ne holomia ia i mua go de hodooligi o Assyria; gai tangada hagaodi ne hadihadia ono ivi go Nebuchadnezzar, de hodooligi o Babylon.”

Genesis 4:14

Tilo, anailaa nei gai koe gu hai au gi dee noho i de henua, gai koe e hagammuni naa luoo mada i de au; au e hai naa ga se dangada e silivaahea saele ma tee noho baba i honga de henua, gai be goai naa huu e hedae mai gi de au, gai ia e daa donu au gi magau.”

Deuteronomy 4:32

Goodou siilia dagodo o mee gu hai i laangi gu hulo, i mua doodou masavaa, ma mai i de laangi a de Maadua ne hai ai tangada i henua i lalo; goodou ga ssili gi iloo e goodou mai i dahi bido o de langi ga dae ai gi de bido ange laa. Be gu hanu laa mee hagalele mouli bee nei gu hai, aabe gu hanu nei mee bee nei a dangada gu langona?

Deuteronomy 29:26

Gai gilaadeu gu hulo ma gu hai hegau ange aama de daumaha ange gi hanu diinonga gee; gai gilaadeu tee iloo donu denga diinonga nei i mua, gai ia tee hagaago ange diinonga nei gi gilaadeu.

Deuteronomy 30:1

De masavaa naa huu o hagamanuuia ma hagamalaia aagu e tala adu e loomai ai gi goodou, gai goodou manadua mee nei i doodou nnoho, i denga huaahenua a Tagi Maolunga e hai goodou gi mavaevae saele aagena,

Deuteronomy 32:17

Gilaadeu ne sigidaumaha ange gi denga hagasaalunga baubau gilaadeu e dee ni maadua abodonu — ni maadua niilaadeu tee iloo i mua, ni maadua se goodo ssula age, gai ni mee niiodou dubuna madagidagi tee maatagu ai.

Deuteronomy 32:26

Au ne hagadaba, ‘Au e hai naa gilaadeu gi mavaevae saele, ma de hai gi deai dangada e manadua gilaadeu;’

2 Kings 17:6

Gai ssiva ngadau huu o Hoshea, gai de hodooligi o Assyria ga hagadee kii Samaria, ga kave de gau Israel gi Assyria, ga dugu gilaadeu i Halah ma Gozan i gaogao ssaalingaa vai go Habor, aama lodo aduhale o de gau Media.

2 Kings 25:21

Gai de hodooligi o Babylon ne daa gilaadeu gu maakau i Riblah, i de henua go Hamath. Deenei de hai o dangada o Judah ne gaavee gee mai i delaadeu henua.

Psalm 44:11

Koe ne hai gimaadeu bei denga ssiibi gu hagadabena e daa gi maakau, ma de hai gimaadeu gi mavaevae saele i denga henua gee.

Isaiah 6:12

ga dae ai gi de hai a Tagi Maolunga gi hulo dangada gi denga henua mmao, gai gu lagolago mommee i honga de henua gu ngadi daakodo.

Jeremiah 9:16

Au e hai naa gilaadeu gi mavaevae saele gi nnoho i denga huaahenua alaadeu ma olaadeu dubuna tigi iloo laa. Au e doolohi naa gilaadeu ma dagu gadilaasa, ga dae ai gi dagu daa gilaadeu gi odi i de maakau.”

Jeremiah 15:14

Au e hai naa goodou gi hai hegau ange gi oodou hagadaumee i dahi henua oodou e dee iloo, gai dogu lili e bei naa de ahi mmahi e ula laa ga hai baasi adu ai gi goodou.”

Lamentations 1:3

Judah gu gaavee gi dahi henua gee, i dua dono vaivai haia ma de hai hegau hagaduasala ina. Ia e noho i magavaa o denga huaahenua; ia tee gidee dahi mommee e hagammabu ai. Gilaadeu alodahi ne doolohia ia gu daea adu ia, i dono masavaa e hai ngadaa ai.

Ezekiel 20:23

Gai au ne hagatoo donu ange hogi gi gilaadeu i de vao, bolo au e hai naa gi mavaevae saele gilaadeu gi denga huaahenua, ma de hai gilaadeu gi hulo gi nnoho i denga henua ange laa,

Ezekiel 36:19

Au ne hai hogi gi mavaevae saele gilaadeu gi nnoho i denga huaahenua ma de nnoho saele i denga henua ange laa; au ne hagaduasala gilaadeu gi bei alaadeu hegau ma alaadeu dahulinga baubau.

Zechariah 7:14

Au e humai naa bei dagodo o ssio ga hai gi mavaevae saele gilaadeu i denga henua alaadeu e dee iloo laa. Gai de henua olaadeu nogo nnoho ai e ngadi dagodo naa, gu deai dangada e nnoho saele ai, de henua mahamaha laa gu ngadi dagodo.”

Deuteronomy 13:8

gai koe aude hano madali ia, aude daudali i ana muna, aude lodo aloha ange gi de ia, aude dugua ia gi mouli, gai koe aude hagamuunia ina ia;

Amos 9:9

Gai tilo, au e tala hagasoe de muna, ga nonu ange naa dangada o Israel gi daho denga huaahenua, bei de hai e nonu ai laa denga grain, gai e deai naa donu se damaa hadu daudahi e doo gi honga de gelegele.

Zechariah 2:10

Tamaa hine o Zion, koe gi daahili ma de malangilangi, go hiidinga au e humai naa e noho i oo daha, go Tagi Maolunga e hagadaba.