Deuteronomy 28:58 - De Beebaa Dabu

⁵⁸ Noo koe e dee kana ange e daohi muna alodahi o de hainga gu sisi i lo te beebaa nei, ma tee madagu i de ingoo mahamaha ma de hagamaatagu laa — go Iahweh doo Maadua —

Deuteronomy 28:58 Referans Kwoze

Isaiah 42:8

Go au go Iahweh; deenei dogu ingoo! Au e dee gaavange naa donu dogu mahamaha gi dahi dangada gee, aabe e gaavange dogu tuhi gi denga diinonga.

Matthew 10:28

Goodou gi dee maatagu i gilaadeu e daia ga magau de angaanga nei, aagai e dee maua e gilaadeu i de daa gi magau de hagasaalunga. Gai goodou gi maatagu i de Maadua, go de ia e maua i de daa ngaadahi de hagasaalunga ma de angaanga i de ahi.

Malachi 1:14

E malaia tangada gu hagatoo donu bolo ia e hai dana sigidaumaha i dahi ana ssiibi daane, aagai ne sigidaumaha ange gi de Ia Aamua i dahi manu e hanu mee baubau i dono angaanga. Go hiidinga au se Hodooligi maolunga, gai dogu ingoo se ingoo hagamaatagu i daho denga huaahenua, go Tagi o denga hagabuulinga hebagi e hagadaba.

Jeremiah 5:12

Gilaadeu tee tala de muna abodonu i dagodo o Tagi Maolunga, gilaadeu ne hagataba, “E deai naa donu ana mee e hai! E deai ange naa donu se hai ngadaa e duu mai gi gimaadeu; gimaadeu e dee gidee naa donu de gadilaasa aabe go de onge.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Psalm 72:19

Hagadegi ina dono ingoo mahamaha ga hano ai; gai dono ingoo mahamaha gi dele i henua i lalo alodahi. Amen gai Amen!

Psalm 50:7

“Ogu dangada, goodou nnoho mai hagalaangona, gai au ga basa adu, Israel, au e hagabaubau oo dagodo. Go au de Maadua, doo Maadua.

Nehemiah 9:5

Gai denga daane de aamuli o Levi, go Jeshua, ma Kadmiel, ma Bani, ma Hashabneiah, ma Sherebiah, ma Hodiah, ma Shebaniah, ma Pethahiah, ne hai ange, “Goodou tuu age duuhia Tagi Maolunga doodou Maadua, go de ia e deai sono daamada aabe se hagaodi! Alodahi gi duuhia doo ingoo mahamaha, go de ingoo e maolunga ange i de hagadegi aama tuhi alodahi.

Deuteronomy 28:15

Aagai noo koe e dee hagallongo ange gi muna a Tagi Maolunga doo Maadua aabe e tilo ga hai hegau i ana muna alodahi, ma ana mee gu hagasauaa aagu e tala adu gi de goe anailaa nei, gai denga hagamalaia nei alodahi e hai adu naa donu gi de goe.

Deuteronomy 6:13

Goodou maatagu i Tagi Maolunga doodou Maadua, ma de daumaha ange donu huu gi de ia aama de hagatoo donu i dono ingoo.

Exodus 20:2

“Go au go Iahweh, doo Maadua, ne hagasao ina mai laa goe i de henua go Egypt, go de henua oou nogo hai hegau hagaduasala ina ai.

Exodus 15:26

Ia ne hai ange, “Noo goodou e kana ange e hagallongo muna a Tagi Maolunga doodou Maadua, ma de hai hegau i de mee heohi i mada luoono mada, noo goodou hagallongo ange gi ana hainga ma de daudali i ana hainga gu hagasauaa alodahi, gai au e dee gaamai naa gi goodou denga hagadaagangaa magi aagu ne gaavange laa gi de gau Egypt, i hiidinga go au donu go Iahweh e hagaieiangi ina goodou.”

Deuteronomy 28:59

gai Tagi Maolunga e hagaduasala naa goe ma oo hagadiilinga, i denga mee hagamaakau ma de hagamaatagu i de masavaa daulooloa, ma magi baubau e dee maua laa gi ieiangi.

Psalm 48:10

De Maadua, doo tuhi e dae gi henua i lalo alodahi; bei dagodo oo ingoo: gai doo lima madau e honu i de heohi.

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Psalm 99:3

Dangada gi duuhia doo ingoo maolunga ma de hagamaatagu! Ia e dabu mmao.

Jeremiah 5:22

E aha, goodou e dee maatagu naa i de au? go Tagi Maolunga e hagadaba. E aha, goodou e dee maatagu i de tuu i mada luoogu mada? Goodou e dee bolebole i doodou tuu i ogu mada i mua? Au ne hai de gelegele dea go de ngaadonga o tai, gai se buibui e dagodo gai tai e dee maua i de hano gi ui ai. Denga beau e hadihadi mai, aagai e dee maua i de oha; denga beau e hagangolo mai, aagai e dee maua i de hulo gi ui ai.

Psalm 111:9

Ia ne hagaola ono dangada; ia ne hai dana hagatoo donu hagaheloongoi gi dagodo ga hano ai, dono ingoo e dabu gai e hagamaatagu.