Deuteronomy 28:52 - De Beebaa Dabu

⁵² Gai gilaadeu e loomai naa ga duuli oo aduhale alodahi, ga dae ai gi delaadeu oha denga aduhale buibui i honga doo henua alodahi, aau e tali hagalodolodo ange naa aagena. Gilaadeu e duuli naa goe gi dee maua i de ssao mai i lodo aduhale, i de henua alodahi a Tagi Maolunga doo Maadua e gaavadu gi de goe.

Deuteronomy 28:52 Referans Kwoze

Matthew 22:7

Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.

Zechariah 14:2

Au e hagabuni mai naa denga huaahenua alodahi gi hebagi ange gi Jerusalem, gai de aduhale e gaavee naa, denga goloa i lodo hale e gaiaadia naa, gai denga haahine e haia naa gi de mahi. Dahi luu baasi o dangada i de aduhale e noonoodia naa ga gaavee gi dahi henua gee, aagai dangada e doe e dee kave gee mai naa i de aduhale.

Zechariah 12:2

“Tilo, au gu dai hai naa Jerusalem gi bei de ubu e haia laa ga ssenga denga huaadangada alodahi i luoono baasi. De masavaa naa huu alaadeu e hebagi ange ai gi Jerusalem, gai gilaadeu e hebagi ange naa hogi gi Judah.

Daniel 9:26

Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Jeremiah 37:8

Gai de gau Babylon e aahe mai ange naa ga hebagi ange gi de aduhale nei; gilaadeu e hagadee kii naa de aduhale ga dudu i de ahi.’

Jeremiah 10:18

Gai e hagadaba Tagi Maolunga: “Tilo, au e maga naa gi daha dangada e nnoho i de henua nei; au e hai naa gi humai de hai ngadaa gi gilaadeu, gi langona iho ai e gilaadeu dogu lili.”

Isaiah 62:8

Tagi Maolunga gu haalo dono lima madau ma gu hagatoo donu i dono sauaa ma gu hagadaba, “Au e dee ahe ange naa donu e gaavange oodou grain e gai oodou hagadaumee, gai de gau henua gee e dee aahe ange naa donu e unu uvaini hoou oodou ne hagadaalea ange aagena;

Isaiah 1:7

Doodou henua gu ngadi dagodo, oodou aduhale gu dudu i de ahi; de gau henua gee gu kave oodou gelegele i oodou madamada alodahi; de henua gu ngadi dagodo gai gu oohaa e de gau henua gee.

2 Kings 18:13

Gai de madaangahulu ma haa huu ngadau o Hezekiah ne hodooligi ai, gai Sennacherib, de hodooligi o Assyria, ne humai ga hebagi ange gi Judah, ga kave denga aduhale buibui i kilaa.

Leviticus 26:25

Gai au e hagaduasala naa goodou i de gadilaasa, e sui adu ai doodou oha dagu hagatoo donu hagaheloongoi. Gai de masavaa naa huu oodou e hagabuni i lodo oodou aduhale, gai au e gaamai naa denga mee hagamaakau gi daia goodou, ma de dugu ange oodou hagadaumee gi hagadee kii ina goodou.

Deuteronomy 28:51

Gilaadeu e loomai naa ga kave au manu haangai ma hua o manu ssomo i honga doo gelegele, ga dae ai gi delaadeu oha goe. Gai gilaadeu e dee dugu adu naa hanu hua grain maau, be ni uvaini, be ni lolo, aabe go hanu dama a au kaau be go dama a au ssiibi, ga dae ai gi delaadeu oha goe.

2 Kings 6:29

Gai gimaau ne boale dagu dama ga gai. Gai au ne hai ange gi de ia i de laangi i ono dua, ‘Gidaau ga daa dau dama e gai,’ aagai ia ne kave dana dama ga hagammuni.”

Jeremiah 10:17

Goodou e nnoho laa i de mommee e duuli ina i denga hagadaumee, sabaia age oodou sabiningaa mee i honga de gelegele.

Lamentations 2:2

De Ia Aamua tee lodo aloha ange donu gai ne oha mommee nnoho alodahi o Jacob; ia ne oha mommee buibui makaga o tamaa hine o Judah i dono bole. Ia ne oha iho dono nohoanga hodooligi, ma de hai gi dee hagadubulia ono dagi.