Deuteronomy 28:4 - De Beebaa Dabu

⁴ Koe e manuuia naa i denga dama aau e haanau, ma hua o manu i honga doo gelegele ma dama a au manu e haanau — go dama a au kaau ma dama a au ssiibi.

Deuteronomy 28:4 Referans Kwoze

Proverbs 10:22

De hagamanuuia a Tagi Maolunga e gaamai de lava, gai e deai donu se mee hagadaemaha iai.

Deuteronomy 7:13

Ia e aloha naa i goodou ma de hagamanuuia goodou, ga hai goodou gi hagadili gi soa. Ia e hagamanuuia naa oodou dama, ma manu ssomo i honga oodou gelegele — go oodou grain, ma oodou uvaini hoou ma oodou lolo — ma de hai oodou manu gi hagadili gi lagolago, ma dama a oodou ssiibi, i de henua aana gu hagatoo donu ange gi oodou dubuna madagidagi bolo e gaavadu gi goodou.

Genesis 49:25

Gai de Maadua o doo damana e bale adu naa goe, gai de Ia Mmahi Mmao laa e hagamanuuia naa goe i denga manuuia i lo te langi i lunga, ma manuuia i lo te gelegele i lalo de henua, ma denga manuuia o de gaanuunu ma de mommee o denga dama.

Psalm 128:3

Doo bodu e bei naa de grapevine e hua lagolago i doo hale; au dama e bei naa denga uli o de olive i luu baasi doo deebele.

Deuteronomy 28:11

Tagi Maolunga e hai naa goe gi lava — i denga dama aau e haanau, ma dama a au manu haangai, aama hua o manu i honga doo gelegele, i de henua a Tagi Maolunga gu hagatoo donu ange gi oo dubuna madagidagi, bolo e gaavadu gi goodou.

Psalm 107:38

Ia ne hagamanuuia gilaadeu, gai gilaadeu ne hagadili ga kona de soa; gai ia tee hai gi sogoisi mai alaadeu manu haangai.

Leviticus 26:9

Gai au e abodonu adu naa gi goodou ga hai gi hagadili goodou gi soa, ma de hagasula dagu hagatoo donu hagaheloongoi gu hai madali goodou.

Proverbs 13:22

Tangada danuaa e bolo ange dahi mee gi ono mogobuna, aagai de lava o tangada baubau e doange moo tangada heohi.

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

1 Timothy 4:8

go hiidinga de agoago ga hagaabo de angaanga e hanu ono haigamaiana, aagai de hai lodo o de Maadua e haigamaiana ange gi mee alodahi, go hiidinga go kilaa iai de hagatoo donu ange gi de mouli nei aama de mouli e humai.

Psalm 127:3

Tilo, denga dama se boolonga mai i daho Tagi Maolunga, denga dama se manuuia mai i ono daha.

Genesis 39:5

Gai mai i de masavaa a Potiphar ne hai ai Joseph go tagi o dono hale ma ono goloa alodahi, gai Tagi Maolunga ne hagamanuuia de huaabodu laa ma mee alodahi o taane Egypt laa, i hiidinga o Joseph. Gai Tagi Maolunga ne hagamanuuia mee alodahi i dono hale aama ana veelenga.

Deuteronomy 28:3

Koe e manuuia naa i lo te aduhale, gai e manuuia i de mommee iai veelenga.

Deuteronomy 28:5

Dau gede ma dau gumedi mmili pelaoaa e manuuia naa.

Deuteronomy 28:18

Au dama e haanau ma hua o doo gelegele e hagamalaia naa, ma dama a au kaau ma au ssiibi.