Deuteronomy 28:38 - De Beebaa Dabu

³⁸ Gai koe e mmoli naa hanu golee lagolago gi lodo au veelenga, gai e momo naa donu huu au mee e hagihagi ai, i hiidinga denga hua e gaina naa i denga itebuubuu.

Deuteronomy 28:38 Referans Kwoze

Haggai 1:6

Goodou e doo manu lagolago, aagai e sogoisi donu huu oodou mee e hagihagi. Goodou e gaimee aagai e dee boobosu. Goodou e unu, aagai e goi hieunu huu. Goodou e kahu i denga malo, gai e dee maua gi mahanahana. Goodou e kave oodou hagaoanga, gai e dagodo be goodou e hhao ange gi lo te beagi e avaava tagelo.

Micah 6:15

Koe e doo naa au manu, aagai e dee go koe e hagihagia; koe e kumi naa lolo o denga olive, aagai e dee go koe e hai mee ai, koe e dagadagahi naa denga grape, aagai e dee go koe e unumia uvaini e maua ai.

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.

Amos 4:9

Gu lagolago hanonga aagu ne oha ai oodou veelenga ma oodou veelengaa grape, ma de hai gi mmagi oodou manu ma de dongidongi. Gai denga itebuubuu ne gai oodou fig ma oodou olive aagai goodou tee aahe mai gi de au, go Tagi Maolunga e hagadaba.

Joel 2:25

Au e hagaahe adu naa gi goodou mee i ngadau a de hagabuulingaa itebuubuu gu gai — go itebuubuu e tolo, ma de oha, aama de duuduudia mee — go de hagabuulinga hebagi soa aagu ne hai gi loadu gi oodou magavaa.

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Isaiah 5:10

Gai de madaangahulu acre o denga veelengaa grape e dahi donu huu bath uvaini e maua ai, e dahi homer golee e doo naa aagai e dahi ephah e maua ai.”

Exodus 10:4

Gai noo koe e dee dugu dogu huaadangada gi hulo, gai au e gaamai naa denga itebuubuu gi honga doo henua daiao.

Deuteronomy 28:42

Gai denga itebuubuu e oha naa denga manu ssomo ma olaadeu hua i lo tau veelenga.

1 Kings 8:37

De masavaa naa huu e humai ai de onge be go de mee hagamaakau gi honga de henua, be go manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Jeremiah 12:13

Gilaadeu e doo denga grain aagai e hagihagi denga manu daladala; gilaadeu ne ngadi hagadaalea donu huu gilaadeu, aagai e deai donu mee e maua ai. Gilaadeu e dookaa i de momo alaadeu mee ne hagihagi, go hiidinga de lili o Tagi Maolunga gu laumalie.”

Malachi 2:3

Tilo, au e hagaduasala naa oodou hagadiilinga, ma de hulu oodou mada i denga duudae o denga manu e hai ai laa oodou sigidaumaha, gai goodou e gaavee gee naa madali mee nei,

Haggai 1:9

Goodou e tali bolo oodou mee e lagolago naa, aagai ne sogoisi donu oodou mee ne mau. Gai au ne hai gi deai mee oodou ne gaamai gi oodou hale. Aahee hiidinga? go Tagi o denga hagabuulinga hebagi e siilia adu. Go hiidinga dogu hale gu maoha ma e dagodo ai, gai tangada nei ma tangada nei e dee saohia donu huu i de hai dono hale.