Deuteronomy 28:33 - De Beebaa Dabu

³³ Dahi huaahenua aau e dee iloo laa e loomai naa ga gai huamanu i honga oo gelegele ma de hagadanuaa i au hegau ne hai; gai koe go de vaivai haia ma de hagaduasala donu huu aau e gidee.

Deuteronomy 28:33 Referans Kwoze

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Jeremiah 8:16

De haganngolo usu o denga hoosa a de hagadaumee e langona mai loo i Dan; gai de hagalongaa o alaadeu hoosa daane, gu hai ma gu bolebole de henua alodahi. Gilaadeu gu loomai e oha de henua ma mee alodahi iai; de aduhale ma dangada alodahi e nnoho i kilaa.”

Jeremiah 5:15

Tilo, dangada o Israel, au e hai naa gi humai dahi huaahenua i de mommee mmao gi hebagi adu gi goodou, go Tagi Maolunga e hagadaba. Se huaahenua gu dahi madagidagi gai gu daulooloa, gai se henua niiodou e dee iloo alaadeu muna aabe e tonu ange gi alaadeu muna.

Jeremiah 4:17

Gilaadeu gu duuli de aduhale bei denga daane e hagaloosia laa dahi veelenga, go hiidinga ia gu hai baasi mai gi de au,’ go Tagi Maolunga e hagadaba.

Isaiah 1:7

Doodou henua gu ngadi dagodo, oodou aduhale gu dudu i de ahi; de gau henua gee gu kave oodou gelegele i oodou madamada alodahi; de henua gu ngadi dagodo gai gu oohaa e de gau henua gee.

Deuteronomy 28:51

Gilaadeu e loomai naa ga kave au manu haangai ma hua o manu ssomo i honga doo gelegele, ga dae ai gi delaadeu oha goe. Gai gilaadeu e dee dugu adu naa hanu hua grain maau, be ni uvaini, be ni lolo, aabe go hanu dama a au kaau be go dama a au ssiibi, ga dae ai gi delaadeu oha goe.

Leviticus 26:16

gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Deuteronomy 28:34

Gai koe e hano naa ga senga i dau gidee mee nei.

Isaiah 62:8

Tagi Maolunga gu haalo dono lima madau ma gu hagatoo donu i dono sauaa ma gu hagadaba, “Au e dee ahe ange naa donu e gaavange oodou grain e gai oodou hagadaumee, gai de gau henua gee e dee aahe ange naa donu e unu uvaini hoou oodou ne hagadaalea ange aagena;

Ezekiel 25:4

deenei ai, tilo, au e gaavange naa doodou henua gi de gau i baasi dua gi henua ai. Gilaadeu e loomai naa ga hagatuu olaadeu mommee nnoho gaainga, ma olaadeu hale malo ga nnoho ai i oodou magavaa; gilaadeu e gai naa oodou huamanu, ma de unu oodou vai uu.

Hosea 5:11

Ephraim gu hagahai ngadaa ina, ma de maoha i de hagaduasala, ia gu hagammahi e daudali i denga diinonga.

Judges 6:3

Gai de masavaa naa huu a de gau Israel e doo ai alaadeu veelenga, gai de gau Midian ma de gau Amalek, aama dangada i baasi i dua ga loomai ga hebagi ange gi gilaadeu.

Judges 6:5

Gai gilaadeu e loomai ma alaadeu manu haangai ma olaadeu hale malo. E soa gilaadeu ne loomai bei de lagolago o de hagabuulingaa itebuubuu; gai gilaadeu ma alaadeu gamelo e dee maua donu hogi i de dau. Deelaa ai, gilaadeu ne oha mee i honga de henua i de masavaa olaadeu ne loomai ai.

De Beebaa go Job 20:18

Ia e hagaahe ange naa ana mee ne hai hegau ange laa aagena, gai tigi gai, gai e dee hagadanuaa naa donu ana mee e mau i de hagao mee.

Isaiah 42:22

Aagai de huaadangada nei gu gaiaadia ma de haia gi de mahi olaadeu goloa; gilaadeu alodahi gu nnoho i lodo haonga ma de pono ange i lodo hale pono. Gilaadeu gu gaiaadia olaadeu goloa, gai e deai donu se dangada e hagaola ina gilaadeu; gilaadeu gu bei goloa e maua i de hebagi, gai e deai donu se dangada e hagadaba, “Hagaahea mai gilaadeu!”

Hosea 8:7

Gilaadeu ne doo de madangi, gai e hagihagi naa hua o ssio. Alaadeu grain e deai olaadeu hua, gai e dee maua i de hai ai pelaoaa. Gai noo e hanu olaadeu hua grain, gai de gau henua gee e loomai naa ga kave.