Deuteronomy 28:32 - De Beebaa Dabu

³² Koe e gidee naa de noonoodia o au dama daane ma au damaa hine ga gaavange gi hanu dangada henua gee; koe e gidee naa mee nei ma de hinangalosaa i gilaadeu i de laangi ga boo ai, aagai koe gu dee maua i de hai dahi mee daudahi.

Deuteronomy 28:32 Referans Kwoze

Joel 3:6

Goodou ne hagao ange dangada o Judah ma Jerusalem gi de gau Greek, gai koe ga hai ai gilaadeu gi hulo gi dahi mommee mmao gee mai i delaadeu henua.

Deuteronomy 28:41

Koe e hagadili naa denga dama daane ma damaa hine, aagai gilaadeu e dee nnoho naa donu i oo daha, go hiidinga gilaadeu e noonoodia naa ga gaavee gi dahi henua gee.

2 Chronicles 29:9

Tilo, aanei hiidinga o odaadeu maadua ne daia laa ga maakau i de gadilaasa, gai adaadeu dama daane ma damaa hine aama odaadeu bodu gu noonoodia ma gu gaavee gee.

Micah 4:10

Tamaa hine o Zion, dangi ma gi dige saele i doo mmae, bei de hine gu hai ono hagalangona, go hiidinga koe gu dai hano gee naa i de aduhale ga nnoho gaainga i lodo henua. Koe e hano naa gi Babylon; gai koe e hagaola mai naa i kilaa. Gai Tagi Maolunga e hagao mai naa goe i daho oo hagadaumee.

Amos 5:27

Deenei ai, au e hai naa goodou gi hulo gi dahi henua e mmao gee mai i Damascus,” go Tagi Maolunga e hagadaba, dono ingoo laa go de Maadua o denga hagabuulinga hebagi.

Ezekiel 24:25

Gai koe, tama a tangada, de laangi naa huu aagu e kave gee ai delaadeu mommee buibui makaga, go de mommee olaadeu e malangilangi ai ma delaadeu mommee mahamaha, gai go mommee olaadeu e malangilangi mmao ai, aama alaadeu dama daane ma damaa hine —

Lamentations 5:17

Gimaadeu gu mmae omaadeu lodo i hiidinga o de mee nei, omaadeu ganomada gu dee kide i hiidinga o mee nei.

Lamentations 4:17

Gimaadeu gu daalea i de tali, i teai donu se bale e humai; gimaadeu ne dagitilo mai i omaadeu hale hagaloosi maolunga be e dahi laa huaahenua e maua i de hagaola gimaadeu.

Lamentations 2:11

Luoogu mada gu hhua i dogu dangi, gai gu dee baba ogu lodo; ogu lodo gu kona mmao de hinangalosaa i hiidinga ogu dangada gu maakau, gai denga gauligi ma gaagaa gu hiikai i honga denga haiava o de aduhale.

Isaiah 38:14

Au e goo naa bei de swallow, ma de crane, au e goo naa bei de manu kono. Luoogu mada gu daalea i de galo age gi de langi, dogu Ia Aamua, au gu duasala, balea mai au!

Psalm 119:123

Luoogu mada gu dalea mmao i de dagitilo de masavaa aau e hagaola ai, ma de hai gi bei dau hagatoo donu heohi.

Psalm 119:82

Gu daulooloa mmao dagu tali de hagasula o dau hagatoo donu; gai au e ssili, “Go aahee maa aau e hagaaneane ai ogu lodo?”

Psalm 69:3

Au gu dalea mmao i de dangidangi i de bale; dogu holomanga gu mmasa gee. Luoogu mada gu daalea i de dagitilo de humai o dogu Maadua.

De Beebaa go Job 17:5

Tangada e hagabaubau ina ono soa gi maua ai e ia dahi hagaoanga, e hai naa ga dee gidee e ana dama de mee heohi.

De Beebaa go Job 11:20

Aagai de gau baubau e dee gidee de mee heohi; gai gilaadeu e dee maua gi ola. Delaadeu tali e bei naa alaadeu manava hagaodi.”

Deuteronomy 28:65

Gai goodou e dee nnoho paba naa i daho denga huaahenua, gai e deai se mommee e hagammabu iho ai oodou vae. Aagai Tagi Maolunga e hai naa ga manavasaa oo lodo, gai koe e ino naa gi lalo, gu deai donu sau tali.

Deuteronomy 28:18

Au dama e haanau ma hua o doo gelegele e hagamalaia naa, ma dama a au kaau ma au ssiibi.

Numbers 21:29

De gau Moab, goodou e vakaa naa! Dangada o Chemosh, goodou e maakau donu! Ia gu tili ana dama gi silivaahea saele, gai ana damaa hine gu noonoodia ma gu gaavee gi Sihon, de hodooligi o de gau Amor.

Deuteronomy 28:31

Koe e gidee naa de daa o au kaau, gai e deai donu se mee daudahi aau e gai ai. Koe e gidee naa de gaavee gee au donkey mai i oo daha, gai e dee hagaahe adu naa donu gi de goe. Au ssiibi e gaavange naa gi oo hagadaumee, aagai e deai naa donu se dangada e balea adu goe.

Lamentations 1:18

“Tagi Maolunga e heohi, aagai au ne hai baasi ange gi ana muna. Denga huaadangada alodahi, goodou hagalaangona, gai kalo mai diiloo dogu mmae. Agu dama daane ma damaa hine gu gaavee gi dahi henua gee.

Micah 2:1

E vakaa naa dangada e hagatau ina de hai de baubau, ma gilaadeu e haia denga hagasaele baubau i honga olaadeu moenga! Gilaadeu e oho age i de gohugohu ga hai hegau nei, i hiidinga gilaadeu e maua i de hai mee nei.

De Beebaa go Job 31:8

gai hanu dangada gee gi gaina mee aagu ne doo, gai gi unuunusia age agu manu gu doo.