Deuteronomy 28:29 - De Beebaa Dabu

²⁹ Gai koe e seesee saele naa ga haahaa saele i de laangi, bei dagodo o tangada dee gide i lo te gohu. Gai koe e dee maua naa donu gi hagadagadaga age. Gai koe e vaivai haia naa ma de gaiaadia au mee i masavaa alodahi, aagai e deai naa donu dangada e balea adu goe.

Deuteronomy 28:29 Referans Kwoze

Isaiah 59:10

Gimaadeu e haahaa saele i gaogao de buibui bei dagodo o de gau dee kide, gimaadeu e haahaa saele bei dagodo o dangada e deai olaadeu ganomada. Gimaadeu e baakuu saele i lo te laangi e dagodo be gu dai gohugohu de mee; gimaadeu e bei dagodo o de gau maakau i magavaa o denga daane mmahi.

De Beebaa go Job 5:14

Gilaadeu e hedae ange naa gi de gohu i de laangi, gilaadeu e haahaa saele naa i de laangi bei de boo.

Judges 13:1

Gai de gau Israel ne aahe ange hogi ga hai denga dahulinga baubau i mada luu mada o Tagi Maolunga. Gai Tagi Maolunga ga dugu ange de gau Philistia gi hagadee kii ina gilaadeu i e madahaa ngadau.

Judges 10:8

gai gilaadeu ga vaivai hai ma de hagaduasala de gau Israel. Gai ne madaangahulu ma valu ngadau alaadeu ne vaivai hai ai de gau Israel alodahi, i baasi dua o Jordan i Gilead, i de henua o de gau Amor.

Judges 3:14

Gai de gau Israel ga hai hegau ange gi Eglon, de hodooligi o Moab, i e madaangahulu ma valu ngadau.

Romans 11:25

Denga daina, au e lodo goodou gi tonu ange gi dagodo o de mee nogo dee iloo laa, gi dee hagataba ai goodou bolo goodou e heiangi i doodou hagassoenga: hanu dangada Israel ne hagamakaga olaadeu lodo ga dae ai gi de odi ange taelodo o denga Gentile i de loomai.

Acts 21:24

Gai koe ga kave gilaadeu ga hagagilimalali goe madali gilaadeu, ma de hagao delaadeu hagagilimalali, gi maua ai e gilaadeu i de dahi olaadeu biho, gi iloo ai e dangada, bolo alaadeu longo gu langona i oo dagodo e dee ni muna abodonu, aagai koe e daudali donu i de hainga.

Zephaniah 1:17

Au e hagahai ngadaa naa dangada, gai gilaadeu e seesee saele naa bei dagodo o de gau dee kide, go hiidinga gilaadeu gu haisala ange gi Tagi Maolunga. Olaadeu dodo e hagassii saele naa bei de mama o de gelegele, gai olaadeu angaanga e bei naa denga mee hakino gee.

Lamentations 5:17

Gimaadeu gu mmae omaadeu lodo i hiidinga o de mee nei, omaadeu ganomada gu dee kide i hiidinga o mee nei.

Lamentations 5:8

Gai gu ni dangada hai hegau e dagina gimaadeu; gu deai hogi dangada e hagaola ina mai gimaadeu i olaadeu daha.

De Beebaa go Job 12:25

Gilaadeu e haahaa saele i lo te gohu e deai se maalama iai, ma de hai gilaadeu gi ssee saele bei dagodo o tangada gu unu mee vii.

Nehemiah 9:37

Gai hua manu lagolago o de gelegele gu gaavange gi denga hodooligi aau gu hai gi dagina gimaadeu, i hiidinga omaadeu haisala; go gilaadeu hogi e huahua i omaadeu angaanga ma de hai olaadeu mee e llodo ai i amaadeu manu haangai, gai gimaadeu gu duasala mmao.

Genesis 19:11

Gai gilaau ga hai gu dee kide denga daane i tua de haitoga o de hale, mai i tama daane ga dae ai gi taane madua, gai gilaadeu ne hagammahi ga haahaa saele e ssala de haitoga.

Exodus 10:21

Gai Tagi Maolunga ga hai ange gi Moses, “Haalo ina doo lima gi lo te langi i lunga gi gohu ai honga de henua o Egypt i de gohu boo dangodango.”

Deuteronomy 28:28

Gai Tagi Maolunga e hai naa goe gi libolibo ange doo biho, ma tee gide aama de buni ange oo lodo.

Jeremiah 9:19

De leo o tangi see e langona mai i Zion: ‘Gidaadeu gu odi i de maoha! Gidaadeu gu kona mmao i de dookaa. Gidaadeu e hulo gee donu i taadeu henua i hiidinga odaadeu hale gu maoha.’ ”

Lamentations 4:14

Gilaadeu ne haahaa saele bei dagodo o tangada dee gide i honga denga haiava; Gilaadeu gu baalau i denga dodo, deelaa ai, gu deai donu dangada e llodo e poo ange gi olaadeu malo.