Deuteronomy 28:22 - De Beebaa Dabu

²² Tagi Maolunga e hai naa goe gi mmagi iviivi, ma de mahana, ma de hua doo angaanga ma de vvela, ma teai vai i honga de henua, ma manu ma mee dongidongi e daia laa denga manu ssomo. Mee nei e hai adu naa donu gi de goe ga dae ai gi doo magau.

Deuteronomy 28:22 Referans Kwoze

Amos 4:9

Gu lagolago hanonga aagu ne oha ai oodou veelenga ma oodou veelengaa grape, ma de hai gi mmagi oodou manu ma de dongidongi. Gai denga itebuubuu ne gai oodou fig ma oodou olive aagai goodou tee aahe mai gi de au, go Tagi Maolunga e hagadaba.

Leviticus 26:16

gai deenei dagu hai e hai ai goodou: au e hai naa gi moolau de tae mai denga mee hagamaatagu gi goodou, ma de magi iviivi, ma de vvela o de angaanga e haia laa ga dee gide tangada, gai mahi o tangada e hagadagadaga mai. Goodou e doo naa oodou veelenga gai e dee haigamaiana adu gi goodou, i hiidinga go oodou hagadaumee e gaina.

Haggai 2:17

Au ne hai gi mmae ma de dongidongi oodou manu, ma de gaamai denga dibadibaa haisi gi oohaa oodou manu; aagai goodou tee aahe mai gi de au, go Tagi Maolunga e hagadaba.

1 Kings 8:37

De masavaa naa huu e humai ai de onge be go de mee hagamaakau gi honga de henua, be go manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Jeremiah 14:12

Gai ga hagahiikai naa donu gilaadeu, aagai au e dee hagallongo donu alaadeu dalodalo. Gai e dee galemu naa donu delaadeu hai denga sigidaumaha dudu ma sigidaumaha o grain, aagai au e dee malangilangi donu i mee nei. Aagai au e daa gilaadeu gi maakau i de gadilaasa, ma de onge aama de mee hagamaakau.”

2 Chronicles 6:28

De masavaa naa huu e humai ai de onge be go de mee hagamaakau gi honga de henua, be go de manu e haia ga mmae ma de dongidongi denga manu ssomo, be go de loomai o denga itebuubuu ma madanigono, be go de masavaa o de hagadaumee e duuli ai hanu olaadeu aduhale, aabe go de tae mai o de hai ngadaa ma de magi,

Deuteronomy 4:26

gai au e hagahi de langi ma henua i lalo e hagadonu ai bolo goodou e moolau naa donu doodou maakau ga dee maaleva i de henua oodou ga hulo naa e henua ai i baasi dai o Jordan. Goodou e dee maua naa donu gi nnoho daulooloa i honga de henua laa, aagai goodou e odi naa donu i de daia ga maakau.

Deuteronomy 28:23

Lo te langi i lunga e bei naa dagodo o de bronze, gai honga de gelegele e bei naa dagodo o de iron.

Deuteronomy 32:24

Gilaadeu e hiikai naa i de onge laumalie, ma de vvela olaadeu angaanga i de magi, ma de mee hagamaakau. Au e hai naa gi loomai denga manu alasala gi gadigadia gilaadeu, ma labodo hagammau e tolo i honga de gelegele.

Haggai 1:11

Au gu hagahi tau laohie gi hano iho gi honga oodou veelenga ma honga mounga, ma honga denga grain, ma grapevine, ma denga olive e hai ai laa lolo, ma honga mee alodahi e ssomo i honga de gelegele, ma honga o dangada, ma denga manu haangai, aama hegau alodahi oodou e hai.”

Zechariah 14:12

Gai deenei de mee hagamaakau a Tagi Maolunga e hagaduasala ai denga huaahenua ne hebagi ange gi Jerusalem: olaadeu angaanga e daamada naa de pobo i de masavaa olaadeu goi tuu ai gi lunga, olaadeu hadu mada e pobo naa i lodo olaadeu duulanga, olaadeu alelo e pobo naa hogi i lodo olaadeu ngudu.

1 Kings 17:7

Muli mai gai de vai laa gu masa, go hiidinga teai se langi e pala i honga de henua.

Jeremiah 16:4

Gilaadeu e mmagi naa ga maakau. Gai e deai naa donu dangada e tangi aabe danumia gilaadeu, aagai gilaadeu e bei naa denga duudae e daakodo saele laa i honga de gelegele. Gilaadeu e maakau i de gadilaasa ma de onge, gai olaadeu angaanga e gaina naa e denga manu llele ma manu dolodolo o de henua.”

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”