Deuteronomy 28:16 - De Beebaa Dabu

¹⁶ Koe e hagamalaia naa i denga aduhale aama i de mommee iai veelenga.

Deuteronomy 28:16 Referans Kwoze

Malachi 2:2

Noo goodou e dee hagallongo mai, noo goodou e dee daohi muna nei i oodou lodo, e hagadubu ai dogu ingoo, go Tagi o denga hagabuulinga hebagi e hagadaba, gai au e hai naa gi humai de malaia gi goodou, gai au e hai naa doodou manuuia gi se malaia. Ni muna abodonu, au gu hagamalaia donu mee nei, i hiidinga goodou e dee daohi mee nei i oodou lodo.

Joel 2:3

De ahi e dudu naa mee i ono mada i mua, gai de ula o de ahi e hanadu naa i olaadeu dua. De henua gu bei de veelenga o Eden i olaadeu mada i mua, gai olaadeu dua gu lodo henua e ngadi dagodo, gai e deai donu mee e maua gi ola mai i gilaadeu.

Joel 1:4

Mee ne doe i gai a denga itebuubuu, gai de hagabuulingaa itebuubuu gu gai; mee ne doe mai i de hagabuulingaa itebuubuu gai denga itebuubuu e tolo laa gu gai; mee ne doe mai i denga itebuubuu e tolo laa gai denga itebuubuu ange laa gu gai.

Jeremiah 44:22

Gai Tagi Maolunga tee maua i de golomagi ono lodo i hiidinga o oodou dahulinga baubau ma de hakino gee ne hai. Gai doodou henua gu se mommee e ngadi dagodo, gu se muna hagamalaia, ma teai dangada e nnoho ai, bei ono dagodo anailaa nei.

Jeremiah 14:18

Noo au e hano gi tua de aduhale, gai au e gidee dangada gu daia i de gadilaasa. Gai noo au e hano gi lo te aduhale, gai au e gidee dangada e mmagi i hiidinga o de onge. Gai de pelaabisi ma tangada haimeedabu e hagadaga saele ma e hai alaau hegau i honga de henua, gai gilaau e dee iloo donu alaau mee e hai.’ ”

Proverbs 3:33

Tagi Maolunga e hagamalaia de hale o tangada baubau, aagai e hagamanuuia de mommee noho o tangada heohi.

Malachi 4:6

Gai ia e hagadanuaa naa magavaa o denga maadua ma alaadeu dama, ma magavaa o denga dama ma olaadeu maadua; kana hanadu au ga oha de henua ga hagamalaia.”

Lamentations 5:10

Omaadeu gili gu vvela bei de mommee dao gai, gai gu mahanahana i demaadeu hiikai.

Lamentations 1:1

De aduhale nogo soa laa dangada e nnoho ai gu se mommee e ngadi dagodo! De aduhale maolunga i magavaa o denga huaahenua gu bei dagodo o de hine gu magau dono bodu! De aduhale nogo maolunga ange laa i denga aduhale gu hai ma gu se dangada hai hegau.

Jeremiah 26:6

gai au e hai naa de temple nei gi bei dagodo o Shiloh, gai de aduhale nei gi se muna hagamalaia i daho denga huaahenua alodahi o henua i lalo.’ ”

Jeremiah 9:11

“Au e hai naa Jerusalem gi bei de hagabuudungaa mee maoha, gai gi se mommee e nnoho ai denga jackal. Gai au e oha naa denga aduhale o Judah ga hai gi se mommee e deai dangada e nnoho ai.”

Isaiah 43:28

Gai au e hagangadi mee naa denga dagi o doo mommee dabu, ma de hai gi oohaa Jacob, ma de hai gi hagangadi ina Israel.

1 Kings 17:12

Gai de hine laa ga hai ange, “Au e hai adu i de mouli o Tagi Maolunga, doo Maadua, bolo e deai donu agu pelaoaa mmoa, gai ni momo pelaoaa mada donu huu e doe i lo te ssaa, ma hanu momo lolo i lo te ssaa. Gai au e hano nei ma e hagabudu hanu lahhie e dunu ai momo mee e doe laa, e gai gimaau ma dagu dama daane, muli mai gai gimaau ga maakau ai.”

1 Kings 17:5

Gai ia ne hai ga bei muna a Tagi Maolunga ne tala ange. Ia ne hano ga noho i gaogao ssaalingaa vai go Kerith i baasi dua o Jordan.

1 Kings 17:1

Gai Elijah, taane Tishbe mai i Gilead, ne hai ange gi Ahab, “Au e hagatoo donu adu gi de goe i de mouli o Tagi Maolunga, de Maadua o Israel, go de ia oogu e hai hegau ange nei aagena, bolo e deai naa donu se mee maluulu aabe se langi e pala i hanu ngadau, gai go dagu hagadaba donu huu bolo ga hai mee nei.”

Deuteronomy 28:55

ia e dee gaavange naa donu hanu kano o ana dama aana e gai laa gi gilaadeu. Go hiidinga gu deai ange donu gai, i de masavaa a oo hagadaumee e hagaduasala ai goe i lodo oo aduhale, i delaadeu duuli luu baasi oo aduhale.

Genesis 5:29

ga hagaingoo ange ia go Noah, i hiidinga ia ne hagadaba, “Tama nei e hagaaneane mai naa gidaadeu, i adaadeu hegau hai ngadaa e hai, i honga de gelegele a Tagi Maolunga gu hagamalaia laa.”

De Beebaa go Job 24:18

Ia e moolau donu tee maleva bei ebuebu i honga vai; delaadeu duuhanga i honga de henua go de hagamalaia, gai gu deai e hulo e denga veelengaa grape.

Zechariah 5:4

Tagi o denga hagabuulinga hebagi e hagadaba: Au e hai naa gi humai de hagamalaia gi ulu i de hale o tangada gaiaa, ma de hale o tangada e basa hagatoo donu i de hadu muna i dogu ingoo; gai e dagodo naa i dono hale ga dae ai gi dana oha ga odi denga laagau ma hadu iai.”