Deuteronomy 26:17 - De Beebaa Dabu

¹⁷ Anailaa nei goodou gu hagataba bolo Tagi Maolunga go doodou Maadua donu, gai goodou e daudali i denga hainga gu hagasauaa, ma ana hainga aama ana mee gu hagamodu.

Deuteronomy 26:17 Referans Kwoze

Isaiah 12:2

Tilo, de Maadua go dogu Ia Hagaola; au e hagadonu ia, deelaa ai, au e dee madagu. De Ia Aamua, Tagi Maolunga, go ogu mahi ma dagu daahili, gai go ia dogu Ia Hagaola.”

Exodus 24:7

Gai ia ga kave de beebaa e sisi ai laa de hagatoo donu hagaheloongoi ga dau ange muna e sisi ai gi dangada. Gai gilaadeu ga hai ange, “Gimaadeu e daudali naa donu i muna alodahi a Tagi Maolunga gu tala.”

2 Corinthians 8:5

Gai de mee alaadeu ne daohi age e kii ange donu i mee amaadeu ne maanadu; aagai gilaadeu ne dugu ange gilaadeu i mua gi Tagi Maolunga aama gi gimaadeu bei dagodo lodo o de Maadua.

Romans 6:13

Goodou aude dugua ange oodou angaanga gi ni goloa hai hegau niio de baubau, aagai gi dugua ange oodou angaanga gi de Maadua, bei dagodo o dangada gu maakau laa ma gu mouli age ange, gai gaavange oodou angaanga alodahi gi de Maadua e hai ai de mee heohi.

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

Isaiah 44:5

Dahi e hagadaba naa, ‘Au se dangada niio Tagi Maolunga,’ gai dahi e kave naa de ingoo go Jacob; gai tangada ange laa e sisi ange naa gi honga dono lima, ‘Nii Tagi Maolunga’, ma de kave de ingoo go Israel.”

Joshua 22:5

Aagai goodou kana ange daohia muna ma de daudali i hainga a Moses, tangada hai hegau o Tagi Maolunga gu tala adu gi goodou, ma de aaloha i Tagi Maolunga doodou Maadua, ma de hai ono lodo alodahi, ga hagallongo ange gi ana muna, ma de hagapigi ange gi de ia ga daumaha ange gi de ia i oodou lodo alodahi aama oodou hagasaalunga alodahi.”

Deuteronomy 30:16

Gai au e hai adu gi goodou ailaa nei, goodou aaloha i Tagi Maolunga doodou Maadua, ma de daudali i ono lodo ma de daohi ana hainga ma ana hainga gu hagasauaa ma ana hagamodu, gi mouli ai goodou ga hagadili gi soa. Gai Tagi Maolunga doodou Maadua ga hagamanuuia ai goodou, i doodou nnoho i de henua oodou ga hulo naa e kave e henua ai.

Deuteronomy 15:5

noo goodou e hagallongo ange gi Tagi Maolunga doodou Maadua, aama de kana ange ga daohi ana muna alodahi, aagu gu tala adu nei gi goodou anailaa nei.

Deuteronomy 13:18

noo goodou e hagallongo ange gi muna a Tagi Maolunga doodou Maadua, ma de daohi ana hainga alodahi aagu gu tala adu gi goodou anailaa nei, ma de hai de mee heohi i mada luu mada o Tagi Maolunga doodou Maadua.

Exodus 20:19

gai gilaadeu ga hai ange gi Moses, “Go koe donu e basa mai gi gimaadeu, gai gimaadeu ga hagallongo au muna; aagai e dee go de Maadua e basa mai gi gimaadeu, ana vakaa ga maakau gimaadeu.”

Zechariah 13:9

Gai au e hai naa tahi diba i diba e dolu nei gi hulo laa lo te ahi; gai au ga hagagilimalali ai gilaadeu bei denga selevaa, ma de hagatale ange olaadeu dagodo bei denga goolo. Gilaadeu e hagaagahi naa dogu ingoo, gai au ga basa ange gi gilaadeu. Au e hagadaba naa, ‘Gilaadeu go ogu dangada,’ gai gilaadeu e hagataba naa, ‘Tagi Maolunga go taadeu Maadua.’ ”

2 Chronicles 34:31

Gai de hodooligi ne duu i dono duulanga ga hai ai dahi hagatoo donu hagaheloongoi i mada luu mada o Tagi Maolunga, bolo ia e daudali ange i Tagi Maolunga ma de daohi ana hainga, ma ana muna gu tala hagadonu ma gu hagasauaa, i ono lodo alodahi ma dono hagasaalunga alodahi, ma de hai gi bei muna o de hagatoo donu hagaheloongoi gu sisi laa i lo te beebaa laa.

Exodus 15:2

Go Tagi Maolunga ogu mahi ma dagu daahili, gai go ia dogu Ia Hagaola. Go ia dogu Maadua, gai au e tuhi naa donu ia; ia go de Maadua o dogu damana, gai au e daahili e tuhi ia.

Genesis 28:21

gai au e mouli naa ga ahe mai gi de hale o dogu damana, gai au e hai Iahweh go dogu Maadua.

Exodus 19:8

Gai dangada alodahi ne pasa ange, ga hai ange, “Gimaadeu e paba ange donu e daudali i mee alodahi a Tagi Maolunga gu tala adu gi de goe.” Gai Moses ga ahe age e hagailoo ange muna laa gi Tagi Maolunga.

Psalm 48:14

bolo deenei de Maadua, taadeu Maadua, ga hano ai e dee ngado mai. Go ia e dagina gidaadeu ga hano ai.

Deuteronomy 27:10

Deenei ai, goodou hagallongo ange gi Tagi Maolunga doodou Maadua, ma de daohi ana hainga ma ana mee gu hagasauaa, go mee aagu gu tala adu gi goodou anailaa nei.”

Deuteronomy 29:12

Goodou gu tuu i kinei e hai ai dahi hagatoo donu hagaheloongoi madali Tagi Maolunga doodou Maadua, se hagatoo donu nii Tagi Maolunga doodou Maadua gu hai madali goodou anailaa nei ga hagailonga i dahi hagatoo donu,

Joshua 24:22

Gai Joshua ga hai ange, “Go goodou e hagadonu ai bolo goodou gu hilihili e daumaha ange gi Tagi Maolunga.” Gilaadeu ne hai ange, “Go gimaadeu donu e hagadonu ai mee nei.”