Deuteronomy 25:2 - De Beebaa Dabu

² Gai noo gu modu e hagailiili tangada iai ssala, gai tangada hagamodu muna gi haia ia gi dagodo gi lalo, gai dahi dangada gi hagailiilihia ia, gi odi ange hanonga oona e hagailiili ai, gi bei dagodo o dana hegau baubau gu hai laa.

Deuteronomy 25:2 Referans Kwoze

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

1 Peter 2:20

Aagai e heohi donu de tuhi a dangada goodou, noo goodou e golomagi oodou lodo i doodou hagaduasala, i hiidinga o oodou hegau baubau? Aagai noo goodou e golomagi oodou lodo i doodou hagaduasala, i hiidinga doodou hai tanuaa, gai de Maadua e malangilangi i goodou.

Acts 5:40

Gai gilaadeu ne hagahi de gau tala gi ulu mai, gai gilaadeu ga hagailiili gilaadeu, ga hai ange gilaadeu gi dee aahe ange gi agoago i de ingoo o Iesu, ma de dugu gilaadeu gi hulo.

Matthew 27:26

Gai Pilate ga hagasao mai Barabbas ga gaavange gi gilaadeu, gai ia ga hai gi hagailiilia Iesu, ma de gaavange ia e daudau i de laagau lui.

Matthew 10:17

Goodou dagidiiloo iho goodou, go hiidinga dangada e gaavange naa goodou gi de hagabuulinga hagasaele, ma de hagailiili goodou i lodo olaadeu synagogue.

Acts 23:3

Gai a Paul ne hai ange gi de ia, “De Maadua gi hagailihia hogi goe! Koe e bei donu dagodo o de buibui gu lebu tea laa! Koe e noho ma e hagamodu ogu muna i de hainga, gai koe e oha hogi de hainga, i dau hai gilaadeu gi hagailihia dogu ngudu!”

Nehemiah 13:25

Gai au ga hagasee gilaadeu ma de hagamalaia gilaadeu. Au ne daa hanu daane i olaadeu magavaa ga vele olaadeu biho. Au ne hai hogi gilaadeu gi hagatoo donu i de ingoo o de Maadua, gi hagataba, “Goodou e dee gaavange oodou damaa hine gi hai bodu ange gi alaadeu dama daane, be kave hanu alaadeu damaa hine gi hai bodu ange gi oodou dama daane, aabe gi hai bodu adu gi goodou.

Proverbs 19:29

De hagaduasala e baba ange gi de gau doo mee, gai de hagailiili se mee ange gi dua o de gau lodo ssenga.