Deuteronomy 24:17 - De Beebaa Dabu

¹⁷ Aude hagahaisala ina de hagamodu heohi ange gi tangada henua gee, be go de gauligi e deai sono damana, aabe gi gaavee gee de malo laa daha o de hine gu magau dono bodu, e hagadonu ai de hagao ana muli.

Deuteronomy 24:17 Referans Kwoze

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

Deuteronomy 27:19

“E malaia tangada e dee hai hegau i de heohi ange gi tangada henua gee, ma de gauligi gu deai sono damana, aama de hine gu magau dono bodu.” Gai dangada alodahi gi hai ange, “Amen!”

Exodus 23:6

Aude buibuia de hagamodu heohi ange gi tangada hagaau aloha, i de masavaa e hagamodu ai ono muna.

Micah 7:3

Luu lima ngaadahi gu aabo i de hai de baubau; gai tagi ma tangada hagamodu muna e hai gi de mahi denga mee ngadi gaavange, ma de kave mee ngadi gaavange hagasenga; de gau maolunga e tala ange gi dangada olaadeu mee e llodo ai — gilaadeu e hagaheloongoi i olaadeu magavaa.

Jeremiah 5:28

gai gu pedi ma de malali olaadeu gili. E deai donu se tuu mai o alaadeu hegau baubau; gilaadeu e dee hagamodu muna o denga gauligi gu deai olaadeu damana i de heohi gai gilaadeu e dee tala hagadonu heohi o de gau hagaau aloha.

Isaiah 1:23

Oodou dagi ni dangada hai alaadeu hai, gilaadeu ni soa niio de gau gaiaa. Gilaadeu alodahi e malangilangi i ngadi gaavange hagasenga ma de llodo i denga mee ngadi gaavange. Gilaadeu e dee bale ange de gauligi gu deai sono damana, be go de hine gu magau dono bodu.

Deuteronomy 1:17

Gai goodou e dee hilihili dangada i doodou hagamodu muna; goodou hagamodu ina muna o de gau maolalo ma de gau maolunga gi se dagodo daudahi. Goodou gi dee maatagu i dahi dangada daudahi, i hiidinga go de Maadua e hagamodu ina muna. Gai be se aha naa huu e hai ngadaa adu gi goodou, gai goodou gaamai, gai au ga hagallongo.”

Exodus 23:9

Aude vaivai haia tangada henua gee; goodou gu tonu ange donu gi dagodo o tangada henua gee, go hiidinga goodou nogo ni dangada henua gee i de henua go Egypt.

Exodus 23:2

Aude ago ange i dangada soa gi haia ai de baubau, aabe gi hagahaisala ina de hagamodu heohi, i doo hagabuni ange gi dangada soa,

James 2:6

Aagai goodou gu hagangadi mee tangada hagaau aloha. Gai e dee go de gau lava e vaivai haia naa goodou ma de gaavange goodou gi de hainga?

Luke 3:14

Denga daane hebagi ne ssili ange hogi gi de ia, “Gai gimaadeu, ni aha amaadeu e hai?” Ia ne hai ange gi gilaadeu, “Goodou e dee hai gi de mahi sseene a dangada, aabe gi hagabuuia ange ssala gi gilaadeu i de muna hadu; gai goodou gi malangilangi i oodou hagaoanga.”

Malachi 3:5

“Gai au e humai naa e hagamodu oodou muna. Gai e moolau naa donu dagu hagabaubau de gau hai huuhuaa mee, ma de gau dagodo haisala, ma gilaadeu e hagatoo donu i de hadu muna, ma gilaadeu e daohia hagaoanga o de gau hai hegau, ma gilaadeu e vaivai haia denga haahine gu maakau olaadeu bodu ma denga gauligi gu deai olaadeu damana, ma gilaadeu e dee abodonu ange gi de gau henua gee, aagai e dee maatagu i de au,” go Tagi o denga hagabuulinga hebagi e hagadaba.

Zechariah 7:10

Goodou gi dee vaivai haia de hine gu magau dono bodu, aabe go de gauligi gu deai sono damana, ma tangada gau henua gee, aabe go tangada hagaau aloha. Gai gi deai se goodou e haia dahi hagatau baubau, e hai baasi ange ai gi dahi dangada gee.’

Ezekiel 22:29

Dangada e nnoho i honga de henua e hai hegau hagasenga ma de gaiaa. Gilaadeu e vaivai hai de gau hagaau aloha ma gilaadeu e duasala, aama de gau henua gee.

Ezekiel 22:7

Gilaadeu ne hagangadi mee denga damana ma dinana i oo daha, ma de vaivai hai de gau henua gee, ma denga gauligi gu deai olaadeu damana aama haahine gu maakau olaadeu bodu.

Jeremiah 22:3

E hagadaba Tagi Maolunga: Goodou hai hegau i de mee heohi ma de soe. Gai hagaola ina tangada gu gaiaadia ono goloa, i tangada vaivai dagodo. Goodou aude haia de baubau aabe gi vaivai haia tangada henua gee, de gauligi gu deai sono damana, aabe go de hine gu magau dono bodu. Gai goodou aude daia gi magau tangada tigi haisala i de mommee nei.

Isaiah 33:15

Tangada e seesee i de heohi, ma de tala de muna abodonu, gai e kino i goloa e maua i de hai gi de mahi, gai ia e dee kave mee ngadi gaavange hagasenga, gai se dangada e dee hagalaangona denga hagatau e daa ai dangada gi maakau, aama tee tilo denga dahulinga baubau —

Isaiah 3:15

Gu aha goodou gu vaivai hai ai naa ogu dangada, ma de hagaduasala de gau hagaau aloha?” go de Ia Aamua, Tagi o denga hagabuulinga hebagi e hagadaba.

Ecclesiastes 5:8

Koe gi dee lele oo mouli i dau gidee de vaivai haia o de gau hagaau aloha i dahi ungaamee, ma teai se hagamodu heohi ma heohi o dangada; go hiidinga dahi dagi maolunga e dagitilo tagi i ono lalo, gai denga dagi i olaau elunga e dagitilo gilaau.

Proverbs 31:5

kana unu gilaadeu ga ssenga ga ngalo denga hainga gu hagasauaa, gai gilaadeu ga kave gee de heohi o dangada alodahi e duasala.

Deuteronomy 24:13

Gai koe hagaahea ange gi de ia dono malo, i de masavaa e danu ai de laa, gi maua ai e ia i de gahu i dono malo e seni ai. Gai ia ga hagamanuuia ai goe, gai Tagi Maolunga doo Maadua, e dau naa goe gi se dangada heohi i dau hai de hegau nei.

Deuteronomy 24:6

Tangada e dee kave gee de hadu mmili be go de hadu mmili e mua gi lunga, e hagadonu ai de hagao muli a dahi, go hiidinga de hadu laa se mee e hai ai de hagamouli o tangada.

Leviticus 19:33

Aude vaivai haia tangada henua gee e noho laa madali goodou i doodou henua.

Deuteronomy 24:18

Goodou manadua bolo goodou nogo ni dangada hai hegau i Egypt, gai Tagi Maolunga doodou Maadua ne hagaola mai goodou i kilaa. Deenei ai, au e tala adu goodou gi haia de mee nei.

De Beebaa go Job 22:6

Koe ne hai gi de mahi oo daina gi hagaahe adu au mee i teai hiidinga; koe ne kave olaadeu malo ga hai gilaadeu gi gilisau.

De Beebaa go Job 24:3

Gilaadeu e kave gee donkey a de gauligi gu deai sono damana, ma de kaau a de hine gu magau dono bodu, e hagadonu ai de hagaoa o alaadeu muli.

Exodus 22:20

Be goai e sigidaumaha ange gi dahi diinonga, e dee go Tagi Maolunga, e daa donu gi magau.