Deuteronomy 22:6 - De Beebaa Dabu

⁶ Noo koe e gidee dahi manu lele e noho i honga dono hoohanga, i honga de gelegele be go honga dahi laa manu, gai e hanu ana dama be ni ngago, gai koe e dee poo ngaadahi tinana ma ana dama.

Deuteronomy 22:6 Referans Kwoze

Leviticus 22:28

Gai goodou aude daia gi maakau dahi kaau hahine ma dana dama aabe go dahi ssiibi hahine ma dana dama i de laangi daudahi.

Proverbs 12:10

Tangada heohi e tilo danuaa ange ana manu dolodolo, aagai de lodo aloha o de gau baubau e vaivai hai dangada.

Luke 12:6

E dee lua laa donu huu sseene e hagao ai e lima sparrow? Gai de Maadua e dee ngalo donu dahi gilaadeu.

Genesis 8:17

Hagassao ina mai hogi denga hagadaagangaa manu alodahi e mouli laa madali goe — go denga manu llele, ma manu dolodolo, aama manu e tolo i honga de gelegele — gai gilaadeu ga hagadili ai gi lagolago i honga de henua.”

Hosea 10:14

deenei ai, de hagalongaa o de hebagi e dae mai naa gi oo dangada, gai oo mommee buibui makaga alodahi e oha naa — bei de hai a Shalman ne oha ai laa Beth Arbel i de masavaa o de hebagi, ma de masavaa o denga dinana ma alaadeu dama ne dagadagahia ai gi lo te gelegele.

Genesis 32:11

Au e dangidangi adu, koe gi hagaola ina au mai i dogu daina go Esau, go hiidinga au e madagu ia kana humai ga hebagi mai gi gimaadeu ma denga dinana aama denga gauligi.

Deuteronomy 22:5

De hine e dee gahu i malo o denga daane, gai taane e dee gahu i malo o denga haahine; go hiidinga Tagi Maolunga doodou Maadua e kino i tangada e haia de hegau nei.