Deuteronomy 22:24 - De Beebaa Dabu

²⁴ gai goodou gaavee gilaau ngaadahi gi de haitoga o de aduhale ga maga ai gilaau gi maakau i denga hadu. Goodou e maga tamaa hine laa i hiidinga de hegau laa ne hai i lo te aduhale gai ia tee oo. Gai goodou e maga taane laa i hiidinga ia ne hano ga dagodo haisala ma de bodu o dahi daane gee. Gai goodou ga aau gee ai de baubau i oodou magavaa.

Deuteronomy 22:24 Referans Kwoze

1 Corinthians 5:13

Aagai go de Maadua e hagamodu ina muna o de gau tua de mee. “Goodou dilia gee tangada baubau mai i oodou magavaa.”

Deuteronomy 21:14

Gai noo koe gu dee malangilangi i de ia, gai koe gi dugua ia gi hano be go hee oona e lodo e hano aagena. Koe aude hagao ina ia gi daha aabe e hai ia gi se dangada hai hegau, i hiidinga koe gu hagangadi mee ia.

1 Corinthians 5:2

Gai goodou e hagamaolunga! Gai de mee e heohi doodou hai go de daemaha oodou lodo ma aau gee tangada gu haia de hegau nei mai i oodou magavaa!

Matthew 1:24

Gai de masavaa huu o Joseph ne alahage ai, gai ia ga hai gu bei muna a tangada de langi o Tagi Maolunga gu tala ange laa gi de ia; ia ne hai bodu ange gi Mary,

Matthew 1:20

Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu.

Deuteronomy 13:5

Aagai de pelaabisi aabe go tangada e haia denga midi e daa donu gi magau, go hiidinga ia gu hai dangada gi hai baasi ange gi Tagi Maolunga doodou Maadua, go ia ne hagassao ina mai goodou i de henua go Egypt, ma de hagaola goodou mai i de henua oodou nogo hai hegau hagaduasala ina ai. De gau bee nei ne hai goodou gi daahuli gee, i de haiava a Tagi Maolunga doodou Maadua gu tala adu goodou gi daudali ai. Goodou aaua gee donu de baubau nei mai i oodou daha.

Genesis 29:21

Gai Jacob ne hai ange gi Laban, “Gaamai dogu bodu, go hiidinga gu odi ange denga ngadau e hidu, gai au ga hano e hagahebaa ma ia.”

Deuteronomy 22:23

Noo dahi bua moe gu hagababa ange gi dahi daane, e hedae ange gi dahi daane gee i lo te aduhale, gai taane laa ga hai gi de mahi tamaa hine laa, ga dagodo haisala ma ia,

Deuteronomy 22:25

Aagai noo dahi daane e hedae ange gi dahi bua moe i tua de aduhale gu hagababa laa e hai bodu, gai ia ga hai gi de mahi ia ga dagodo haisala ma ia, gai taane laa e daa donu gi magau.

De Beebaa go Job 31:11

Gai de hegau laa se baubau donu, se baubau e hagaduasala ai tangada i daho de gau hagamodu muna.

Leviticus 20:10

Noo dahi daane gu dagodo haisala ma de bodu o dahi dangada gee, gai gilaau ngaadahi e daa donu gi maakau.

Deuteronomy 17:7

Gai go de gau tala hagadonu e daamada ina de daa tangada laa gi magau, gai muli mai go dangada alodahi. Deenei doodou hai e hai ai gi deai se baubau i oodou magavaa.

Ezekiel 16:38

Gai au e hagamodu naa oo muna bei dagodo o de hine dau bodu dagodo haisala ma de daa dangada ga maakau; au e sui adu naa au hegau ga daa goe gi magau i hiidinga dogu bole ma dogu maagoda.