Deuteronomy 21:6 - De Beebaa Dabu

⁶ Gai denga daane maatua alodahi o de aduhale, e baa ange laa gi de mommee ne gidee ai tangada magau laa, gi loomai gi huuia olaadeu lima i honga de kaau gu hhadi laa dono ua i lo te geelonga,

Deuteronomy 21:6 Referans Kwoze

Psalm 73:13

Ni muna abodonu, teai donu haigamaiana dagu hai gi gilimalali ogu lodo, ma de daohi luoogu lima gi dee haisala.

Psalm 26:6

Tagi Maolunga, au e hhui luoogu lima i dogu dee haisala, ma de holiage luu baasi doo mommee o ssigidaumaha;

Hebrews 9:10

Gai mee nei ni mee ange donu huu gi denga gai, ma mee unu, aama de hai e hagagilimalali ai. Mee nei alodahi ni hainga ange gi mee e hai ange gi de angaanga ga dae ai gi de masavaa o de hagatau hoou.

Jeremiah 2:22

Gai ga gaugau naa donu goe i denga lye ma de soobe i soobe lagolago, gai oo baubau goi daakodo donu i ogu mada i mua, go de Ia Aamua go Iahweh e hagadaba.

Psalm 51:14

De Maadua, hagaola ina mai au i de magau; de Maadua go koe dogu hagaola, gai au e daahili naa ga tuhi dagodo o doo heohi.

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Psalm 51:2

Sooloa gi odi ogu baubau alodahi, ma de hagagilimalali au mai i ogu haisala.

Psalm 19:12

Goai e maua gi iloo ono haisala? Koe gi degi mai gi ogu haisala e dee iloo laa.

De Beebaa go Job 9:30

Gai ga gaugau naa donu au i hanu snow, ma de hagagilimalali luoogu lima i hanu lye,

Deuteronomy 21:7

gai gilaadeu gi daalaa hagadonu gi hagataba, “E dee go gimaadeu ne daia tangada nei ga magau, gai gimaadeu tee gidee hogi de hai mee nei.

2 Samuel 3:29

Gai de hegau baubau nei e dau ange gi Joab ma dono hagadiilinga. Masavaa alodahi gai gi hanu dangada i de huaabodu o Joab e hano ai de vai, ma de mmagi lebelaa, gai go hegau donu huu a denga haahine alaadeu e maua i de hai, ma de daia ga maakau i de gadilaasa, aama teai alaadeu gai.”