Deuteronomy 21:22 - De Beebaa Dabu

²² Gai noo dahi dangada gu hai dahi baubau e heohi ai laa dono daa gi magau, gai goodou ga daa ia ga daudau age dono angaanga i dahi manu somo,

Deuteronomy 21:22 Referans Kwoze

Acts 26:31

gai de masavaa huu olaadeu ne hulo gee ai i kilaa, gai gilaadeu ga pasa i olaadeu magavaa, ga hagataba, “Taane nei tigi hai donu dahi mee daudahi e heohi ai dono daa gi magau, aabe go dono tili ange gi lo te hale pono.”

Acts 23:29

Gai au gu iloo bolo ia ne hagabaubau ina donu huu i hanu alaadeu hainga, aagai alaadeu mee e hagabaubau ai ia ni mee donu e dee heohi ai dono magau, aabe go dono hhao gi lo te hale pono.

Luke 23:33

Gai ga tae huu gilaadeu gi de mommee e hagaingoo ange laa go de Ivi o de Biho, gai gilaadeu ga daudau ia ma luu daane ne oohaa de hainga i kilaa, dahi i dono baasi madau, gai dahi i dono baasi masui.

Matthew 26:66

Dee hee doodou mee gu hagamodu?” Gilaadeu ne hai ange, “E heohi donu dono daa gi magau.”

Deuteronomy 22:26

Aagai e deai donu au mee e hai ange gi tamaa hine laa, i hiidinga tigi ai donu ana mee ne hai e heohi ai dono daa gi magau. De mee nei e bei hogi de daa ga magau a dahi dangada tangada e baa ange gi de ia,

Acts 25:11

Gai noo au se dangada e haia de baubau, ma de hai dahi mee e heohi ai dogu daa gi magau, aagai au e dee ssala donu gi ola mai au i de magau. Aagai noo e dee se mee abodonu alaadeu e hagabaubau ai nei au, gai e deai donu se dangada e maua i de gaavange au gi gilaadeu. Au e dangidangi i de hagamodu ogu muna i mada i mua o Caesar.”

Mark 14:64

Goodou gu langona dana hagangadi mee de Maadua. Dee hee doodou mee gu hagamodu?” Gai gilaadeu alodahi ne hagamodu e daa ia gi magau.

2 Samuel 21:9

Gai ia ne gaavange gilaadeu gi de gau Gibeon gi daia gi maakau, gai gilaadeu ga daa gilaadeu ga daudau age i honga de mounga i mada luu mada o Tagi Maolunga, gai gilaadeu dogohidu laa gu maakau alodahi. Gilaadeu ne daa ga maakau i laangi ne daamada ai de hagihagi denga barley.

2 Samuel 21:6

gai gaamai e dogohidu daane mai i dono hagadiilinga, gai gimaadeu ga daa gilaadeu gi maakau e daudau age i denga manu i mada luu mada o Tagi Maolunga i Gibeah o Saul, de ia a Tagi Maolunga ne hili.” Gai de hodooligi ga hai ange, “Au e gaavadu donu gilaadeu gi goodou.”

2 Samuel 4:12

Gai David ne basa ange gi ono daane, gai gilaadeu ga daa gilaau gu maakau, ga duuduu olaau lima ma olaau vae, gai ga daudau age gilaau i gaogao de vai i Hebron. Aagai gilaadeu ne kave de biho o Ish-Bosheth ga danu i lo te daanunga a Abner i Hebron.

1 Samuel 26:16

Dau hegau e hai naa e dee danuaa. Au e hagatoo donu i de mouli o Tagi Maolunga, bolo goodou e daa donu gi magau, go hiidinga goodou tee hagaloosi doodou dangada aamua, de ia a Tagi Maolunga ne hagadabu i de lolo. Diiloo be e daakodo laa huu tao ma de manu vai a de hodooligi i ono ulu?”

Joshua 10:26

Muli mai gai Joshua ga daa gilaadeu gu maakau ga daudau age olaadeu angaanga gi honga e lima manu ssomo. Gai olaadeu angaanga ne daudau i kilaa ga dae ai gi de ahiahi.

Joshua 8:29

Gai Joshua ga daudau age de angaanga o de hodooligi o Ai i dahi manu somo ga dae ai gi de ahiahi. Gai ga dai danu huu de laa, gai ia ga hai hanu gi dugua iho dono angaanga gi dilia ange gi ma te haitoga o de aduhale. Gai gilaadeu ga hagabudubudu age denga hadu gi ono elunga, gai hadu laa e daakodo donu i kilaa ga dae mai ai gi anailaa nei.

Deuteronomy 19:6

Kana dolohia e tangada e suuia ange de baubau i dono lili ga daea ia, i hiidinga de mommee iai de aduhale o de hagaola e kona de mmao, gai tangada laa ga daa ia gu magau, e dee galemu donu e dee heohi dono magau, i hiidinga ia tee hagatau e daa tangada gi magau.

Acts 25:25

Aagai au tee gidee dahi mee daudahi e heohi ai dono daa gi magau. Gai go hiidinga ia gu hagadaba bolo e hagamodu ono muna i mada i mua o Caesar, gai au gu hagatau e kave ia gi dae gi Rome.

Numbers 25:4

Gai Tagi Maolunga ga hai ange gi Moses, “Boogia denga dagi o dangada, mage daia gilaadeu gi maakau i mada luu mada o Tagi Maolunga i de laangi, gi ui ai de lili o Tagi Maolunga i de gau Israel.”

Joshua 10:27

Gai ga danu huu de laa, gai Joshua ga hai ange gi hanu gilaadeu gi dugua iho olaadeu angaanga, gai gilaadeu ga dugu iho olaadeu angaanga, ga maga ange gi lo te haonga olaadeu nogo mmuni ai laa. Gai gilaadeu ga hai hanu hadu nui ga pono ai ma te haonga laa, gai hadu laa e daakodo donu ga dae mai ai gi anailaa nei.

Genesis 40:19

E dolu ange naa donu huu laangi, gai Pharaoh e hagasao mai naa goe ga tuu doo ua ga daudau age doo angaanga i dahi manu somo. Gai denga manu llele e loomai naa ga gai kano o doo angaanga.”

2 Samuel 21:10

Gai Rizpah, tamaa hine a Aiah, ne kave dahi malo daladala ga hhola i honga dahi hadu ga noho ai, mai de taamada o de masavaa o de hagihagi ga dae ai gi de masavaa ne pala iho ai de langi gi honga olaadeu angaanga. Ia tee dugu ange donu denga manu llele gi toga ange gi honga olaadeu angaanga i de laangi, aabe go denga manu alasala i de boo.