Deuteronomy 21:18 - De Beebaa Dabu

¹⁸ Noo tangada e dahi ana dama daane hagamaolunga ma de hagamanege, gai e dee hagallongo i muna a dono damana ma dono dinana, gai ia e dee hagallongo ange donu hogi gi gilaau i de masavaa alaau e haele ai ia,

Deuteronomy 21:18 Referans Kwoze

Leviticus 19:3

Tangada gi hagadubu ina dono dinana ma dono damana, ma de daohi agu Sabbath. Go au donu go Iahweh doodou Maadua.

Exodus 20:12

Hagadubu ina doo damana ma doo dinana, gi daulooloa ai doo mouli i honga de henua, a Tagi Maolunga doo Maadua e gaavadu gi de goe.

Isaiah 1:5

Gu aha gu hai ai gi duudagi doodou hagailiilia? Gai gu aha gu duudagi ai doodou hagamaanege? De biho alodahi gu magi, gai de lodo alodahi gu baageaa.

Isaiah 1:2

De langi ma henua i lalo, nnoho mai hagalaangona; go hiidinga Tagi Maolunga e basa: “Au ne haele hanu dama ga maatua, aagai gilaadeu gu hai baasi mai gi de au.

Proverbs 30:17

Tangada e hakadanga i dono damana ma de kino i de hagallongo ange gi dono dinana e naonao ina naa luoono hadu mada i denga raven o de geelonga, ma de gaina i denga vulture.

Proverbs 29:17

Haelea dau dama, gai ia ga hai ai gi noho baba goe; ia e hai naa goe ga malangilangi.

Proverbs 20:20

Tangada e basa baubau i dono damana aabe go dono dinana, dono mouli e bei naa de laama e diinei laa i lo te gohu boo dangodango.

Proverbs 19:18

Haelea dau dama, i de masavaa goi hanu ai haigamaiana; aude lodo i dono magau.

Ezekiel 24:13

Koe gu hakino gee i hiidinga o au dahulinga baubau; au ne hagatale de hagagilimalali goe, gai koe tee gilimalali donu. Deelaa ai, koe e dee maua donu gi gilimalali ga dae ai gi de sili dogu bole i dua dagu hagaduasala goe.

Ezekiel 22:7

Gilaadeu ne hagangadi mee denga damana ma dinana i oo daha, ma de vaivai hai de gau henua gee, ma denga gauligi gu deai olaadeu damana aama haahine gu maakau olaadeu bodu.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Proverbs 30:11

E hanu dangada e hagamalaia olaadeu damana gai e dee hagamanuuia olaadeu dinana.

Proverbs 28:24

Tangada e gaiaa ina laa mee a dono damana aabe go dono dinana, ga hagadaba, “Au tigi haisala donu” — se soa donu niio tangada e oohaa ina mee.

Proverbs 22:15

De lodo senga e dagodo i lodo o de gauligi, aagai de laagau haele e aau gee de lodo senga mai i ono daha.

Proverbs 15:5

Tangada lodo senga e hagangadi mee de haelenga a dono damana, aagai tangada e anga ange laa gi dono hagaheohi ina se dangada maanetonu.

Proverbs 13:24

Tangada e daohia de laagau haaele, e kino i dana dama, aagai tangada e aloha laa i dana dama, e kana ange ga haele ia.

Proverbs 1:8

Dagu dama, hagalaangona muna a doo damana e hagaheohi adu ai goe, gai aude dilia agoago a doo dinana.

2 Samuel 7:14

Au e hai naa go dono damana, gai ia go dagu dama. Gai de masavaa naa huu oona e haisala ai, gai au e haele ia i de laagau, bei de hai a dahi damana e haele ai laa dana dama.

Deuteronomy 27:16

“E malaia tangada e dee hagadubu ina dono damana ma dono dinana.” Gai dangada alodahi gi hai ange, “Amen!”

Deuteronomy 8:5

Gai goodou gi tonu ange bolo Tagi Maolunga doodou Maadua ne haele goodou bei de haele a tangada dana dama donu.

Leviticus 21:9

Gai noo tamaa hine a dahi dangada haimeedabu gu se hine hai be se manu, ga hagangadi mee ai dono damana, gai ia e dudu donu gi magau i de ahi.

Exodus 21:17

Be goai e basa hagamalaia ina dono damana aabe go dono dinana, gai ia e daa donu gi magau.

Exodus 21:15

Gai be goai e hagailihia dono damana, aabe go dono dinana, gai ia e daa donu gi magau.

Deuteronomy 21:19

gai luu maadua gi boogia ia gi gaavee gi denga dagi i de haitoga o dono aduhale e noho ai laa.

1 Samuel 3:13

Gai au gu tala ange gi de ia, bolo au e hagaduasala donu dono huaabodu ga hano ai, i hiidinga o haisala o luaana dama daane aana gu iloo laa; gilaau ne hagangadi mee au, aagai ia tee hai gilaau gi dee haia.

Jeremiah 5:23

Aagai de huaadangada nei e makaga olaadeu lodo ma de hagamaanege; gilaadeu gu huuhuli ma gu hulo gee.