Deuteronomy 2:15 - De Beebaa Dabu

¹⁵ Gai go Tagi Maolunga donu ne hebagi ange gi gilaadeu, ga daia gilaadeu ga odi, gu deai gilaadeu e doe i de mommee nnoho gaainga.

Deuteronomy 2:15 Referans Kwoze

Psalm 106:26

Deelaa ai, ia ne haalo age dono lima ga hagatoo donu ange gi gilaadeu bolo ia e daa donu gilaadeu gi maakau i de vao,

1 Corinthians 10:5

Aagai de Maadua tee malangilangi donu i de baasi soa o de gau laa; gai gilaadeu ne maakau ga daakodo saele i de vao.

Isaiah 66:14

Goodou e malangilangi naa i de masavaa oodou e gidee ai mee nei, gai oodou ivi e ssomo danuaa naa bei denga helii; gai Tagi Maolunga e hai naa gi iloo e ono dangada hai hegau dagodo o dono sauaa, aagai ia e hai naa gi iloo e ono hagadaumee dagodo o dono lili.

Psalm 78:33

Gai ia ne hai gi llilo olaadeu laangi bei de madangi o de manava, gai olaadeu ngadau e hoohonu i mee hagamaatagu.

Psalm 32:4

De laangi ma de boo gai doo lima e hagadaemaha mmao au; gai gu deai ogu mahi bei de mahana o de masavaa hagamahana. Selah

1 Samuel 7:13

Gai de gau Philistia gu maakulu, gai gilaadeu tee aahe mai ange donu gi de henua o de gau Israel. Gai Tagi Maolunga ne hagadee kii gilaadeu i taulooloa de mouli o Samuel.

1 Samuel 5:11

Gai gilaadeu ga aalu gi denga dagi alodahi o de gau Philistia, ga hai ange, “Hagaahea de ngavesi a de Maadua o Israel gi dono mommee donu, gi dee maakau ai gidaadeu ma odaadeu dangada.” Go hiidinga dangada i lo te aduhale laa alodahi gu maatagu mmao. Gai de lima sauaa o de Maadua gu kona mmao de hagaduasala dangada i kilaa;

1 Samuel 5:9

Aagai dua huu delaadeu kave de ngavesi laa gi kilaa, gai de lima sauaa o Tagi Maolunga ga hagaduasala dangada i de aduhale laa, ga hai gilaadeu gi hellumi ma de gaamai dahi magi hagamaakau gi dangada alodahi i de aduhale, go denga gauligi ga dae ai gi de gau maatua.

1 Samuel 5:6

Gai de lima sauaa o Tagi Maolunga ne hai baasi ange gi de gau Ashdod; gai ia ga hagahai ngadaa gilaadeu ma de hai gi ssomo denga hagahoa i dangada o Ashdod ma ono ungaamee ange laa.

Judges 2:15

Masavaa alodahi olaadeu e hulo ai e hebagi, gai Tagi Maolunga ga hai gi dee kii gilaadeu, bei dana hai gu tala ange ai, ma de hagatoo donu ange ai gi gilaadeu. Gai gilaadeu gu hai ngadaa mmao.

Jude 1:5

Goodou gu iloo donu mee nei, gai au e lodo e hagamaanadu adu bolo Tagi Maolunga ne hagaola ono dangada ga hagassao mai i Egypt, muli mai gai ia ne daa ga maakau gilaadeu tee hagadonusia laa.

Numbers 14:28

Gai gooluu hai ange gi gilaadeu, ‘E hagadaba Tagi Maolunga, au e hagatoo donu i dogu mouli, bolo au e hai adu naa gi goodou gi bei muna oodou gu langona naa: