Deuteronomy 18:6 - De Beebaa Dabu

⁶ Gai noo dahi dangada de aamuli o Levi e ngalue gee i dahi aduhale o Israel oona e noho ai laa, ga humai gi de mommee a Tagi Maolunga gu hili,

Deuteronomy 18:6 Referans Kwoze

Deuteronomy 12:5

Aagai goodou e ssala de mommee a Tagi Maolunga doodou Maadua e hili e dugu ai dono ingoo, ma de hai ai dono mommee e noho, i magavaa o oodou aamuli alodahi. Gai go kilaa oodou e hulo aagena,

1 Peter 5:2

goodou diiloo ange de hagabuulingaa ssiibi a de Maadua i oodou daha naa, ma de hai hegau gi bei dagodo o denga dagi abodonu, e dee go hiidinga donu huu se hegau gu gaavadu goodou gi haia, aagai go hiidinga doodou malangilangi i de hai lodo o de Maadua; e dee go hiidinga goodou e kave dahi hagaoanga, aagai go hiidinga goodou e llodo abodonu.

1 Timothy 3:1

Muna nei ni muna abodonu: noo dahi dangada e lodo ia gi se dagi i de nohoanga dabu, gai ia e lodo i dahi hegau danuaa.

Psalm 84:10

Dahi laangi i lo too hale e danuaa ange i e mano laangi i dahi mommee ange. Au e kii ange dogu lodo gi se dangada hagaloosi i de haitoga o de hale o dogu Maadua i dogu noho i de hale o tangada baubau.

Psalm 84:5

E manuuia gilaadeu aau e hagammahi ina, gai olaadeu lodo gu paba ange e hulo gi Zion.

Psalm 27:4

E dahi mee aagu e dangidangi ange ai gi Tagi Maolunga, gai deenei dagu mee e ssala: go dogu noho i lo te hale o Tagi Maolunga i taulooloa dogu mouli, e daumada ai de mahamaha o Tagi Maolunga ma de ssili i ono daha i lo tono temple.

Psalm 26:8

Tagi Maolunga, au e malangilangi i de hale oou iai, go de mommee iai doo mahamaha.

Deuteronomy 16:2

Gai goodou ga hai ai ssigidaumaha o Taonga Hagasili, ange gi Tagi Maolunga doodou Maadua i oodou ssiibi ma kaau, i de mommee a Tagi Maolunga doodou Maadua gu hili e dugu ai dono ingoo.

Deuteronomy 12:11

Gai de mommee a Tagi Maolunga doodou Maadua e hili e dugu ai dono ingoo, go kilaa hogi oodou e gaamai aagena, mee alodahi aagu gu tala adu gi goodou: go oodou sigidaumaha dudu, ma sigidaumaha ange laa, ma tahi diba i diba e madaangahulu, ma oodou mee ngadi gaavange, aama oodou mee gu hagatoo donu ange ai gi Tagi Maolunga.

Deuteronomy 18:7

gai ia gi hai hegau i mada luu mada o Tagi Maolunga dono Maadua, bei ono dangada i de aamuli o Levi e hai hegau laa i mada luu mada o Tagi Maolunga.

Numbers 35:5

Gai goodou haidea tua denga aduhale laa gi luamano sugilima i baasi dua, e luamano sugilima i baasi ngaage, e luamano sugilima i de baasi dai, gai e luamano sugilima i baasi ngaiho, gai de aduhale i lo te ungaalodo; de mommee iai helii se mommee ange gi dangada i denga aduhale laa.

Deuteronomy 12:14

Gai haia donu huu oodou sigidaumaha i de mommee a Tagi Maolunga gu hilihili, i daho dahi aamuli i oodou magavaa. Go kilaa oodou e hai ai oodou sigidaumaha dudu, bei dagu hai gu tala adu gi goodou.