Deuteronomy 18:22 - De Beebaa Dabu

²² deenei doodou hai e iloo ai: de masavaa naa huu a dahi pelaabisi e tala ai hanu muna i de ingoo o Tagi Maolunga, gai ana muna tee ssula, aabe tee hai ga bei, gai muna nei e dee go Tagi Maolunga ne daalaa, gai de pelaabisi laa ne basa hagasoenga, gai goodou aude maatagu donu i de ia.

Deuteronomy 18:22 Referans Kwoze

Deuteronomy 18:20

Gai tangada e basa pelaabisi ga tala hanu muna i dogu ingoo, gai e dee go au ne daalaa ange muna laa gi de ia, aabe ia e basa pelaabisi i de ingoo o hanu diinonga gee, gai de pelaabisi laa e daa donu gi magau.”

2 Kings 20:1

De masavaa laa gai Hezekiah ne magi ga dai magau. Gai de pelaabisi go Isaiah, tama daane a Amoz ne humai gi ono daha, ga hai ange, “E hagadaba Tagi Maolunga: Hagadabena ina mee i doo hale, go hiidinga koe e dee ieiangi naa donu gai e magau.”

Jonah 4:2

Gai ia ne dalodalo ange gi Tagi Maolunga, ga hai ange, “Tagi Maolunga, e dee aanei agu mee ne tala adu gi de goe i dogu masavaa goi noho ai laa i dogu henua? Aalaa donu ogu hiidinga ne hagamoolau ai laa ga hano gi Tarshish. Au e iloo bolo koe se Maadua e degi, ma de lodo aloha, gai e dee moolau de lili, aama de honu i de aloha, gai e moolau de helui oo lodo ga dee ssui ange de baubau.

Isaiah 41:22

Gaamai oodou diinonga gi daalaa mai mee gu dai hai. Daalaa mai gi gimaadeu dagodo o mee ne hai madagidagi, gai gimaadeu ga hagasaele olaadeu dagodo, gi iloo ai e gimaadeu mee e hai i de hagaodi, ma de tala mai gi gimaadeu dagodo o mee e loomai.

Proverbs 26:2

De hagamalaia gai teai hiidinga e dee duu adu naa donu gi de goe, bei de sparrow e ngadi gabagaba laa, aabe go de swallow e ngadi lele saele laa.

Jonah 3:4

Gai Jonah ne daamada de hagadaga i lo te aduhale laa i de hagadahi laangi, gai ia ga oo ga hagadaba, “E madahaa ange laangi gai Nineveh gu oha!”

Deuteronomy 18:21

Gai noo goodou e ssili i oodou lodo, “Dee hee demaadeu hai e iloo ai bolo e dee go Tagi Maolunga ne daalaa muna nei?” —

1 Kings 22:28

Gai Micaiah ga hai ange, “Noo koe e ahe mai i de hebagi i de baba, gai Tagi Maolunga tee tala ana muna i ogu daha.” Ia ne hai ange hogi gi dangada, “Dangada alodahi, goodou nnoho mai hagalaangona agu muna!”

1 Samuel 3:19

Gai de masavaa o Samuel e somo age ai, gai Tagi Maolunga ne noho i ono daha, gai teai donu sana muna daudahi tee sula.

Zechariah 2:13

Dangada alodahi, goodou gi dee mmuu i mada luu mada o Tagi Maolunga, go hiidinga ia gu daamada ana hegau i dono mommee noho dabu.”