Deuteronomy 18:18 - De Beebaa Dabu

¹⁸ Au e hagasula age naa dahi pelaabisi bei goe i magavaa olaadeu daina donu. Gai au e hhao ange naa agu muna gi lo tono ngudu, gai ia ga tala ange ai gi gilaadeu agu muna gu tala ange gi de ia.

Deuteronomy 18:18 Referans Kwoze

John 8:28

Gai Iesu ga hai ange, “Dua naa huu doodou hagaduu age Tama a Tangada, gai goodou gu iloo bolo go au donu go ia, gai au e dee hai donu dahi mee daudahi i dogu sauaa donu huu, aagai au e tala donu huu mee a Tamana gu agoago mai ai au.

Deuteronomy 18:15

Gai Tagi Maolunga doodou Maadua e hagasula age naa dahi pelaabisi bei ogu dagodo i oodou magavaa, ia se daina donu niiodou. Goodou hagallongo ange gi de ia.

John 4:25

De hine laa ne hai ange gi de ia, “Au e iloo bolo de Messiah (go de ia e hagabinga ange laa go Klisdo) e humai naa. Gai dono masavaa naa huu e humai ai, gai ia ga hagadonu mai mee alodahi gi gidaadeu.”

Luke 24:19

Ia ne ssili ange gi gilaau, “Ni aha gu hai?” Gilaau ne hai ange gi de ia, “Go mee gu hai ange laa gi Iesu taane Nazareth; ia se pelaabisi e sauaa ana muna ma ana hegau i mada luu mada o de Maadua aama dangada alodahi.

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Isaiah 51:16

Au gu hhao agu muna gi lo too ngudu, ma de haoli goe i de malu o dogu lima; go au donu ne hagaduulia de langi, ma henua i lalo i olaau mommee, go au ne hagadagodo denga dagelo o henua i lalo, gai go au ne hai ange gi Zion, ‘Go goodou ogu dangada.’ ”

John 17:8

Gai au gu tala ange gi gilaadeu au muna gu tala mai gi de au, gai gilaadeu gu hagadonusia muna nei. Gai gilaadeu gu iloo bolo ni muna abodonu, au ne humai i oo daha, gai gilaadeu gu hagadonusia bolo go koe donu ne haia nei au gi humai.

1 Timothy 2:5

E dahi donu huu Maadua, gai e dahi donu huu hogi Dangada e hano i magavaa o de Maadua ma dangada, go tangada go Klisdo Iesu,

John 17:18

Au e hai gilaadeu gi hulo gi henua i lalo, bei dau hai ne hai ai au gi humai gi henua i lalo.

John 15:15

Au e dee hagadaba bolo goodou ni dangada hai hegau, go hiidinga tangada hai hegau e dee iloo, be ni aha a dono dangada aamua e hai. Gai au e hagadaba bolo goodou go ogu soa, go hiidinga au gu tala adu agu mee alodahi gu langona i daho dogu Damana.

Psalm 110:4

Tagi Maolunga gu hagatoo donu gai ia e dee sui naa donu dana hagatoo donu: “Koe se dangada haimeedabu ga hano ai, bei dagodo o Melkizedek.”

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Hebrews 7:22

De hagatoo donu nei ne hai Iesu go de ia e haia gi too donu de hagatoo donu hagaheloongoi e danuaa ange laa.

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Deuteronomy 33:5

Tagi Maolunga gu hodooligi i Jeshurun, i de masavaa o denga dagi o de huaadangada ma denga aamuli o Israel ne hagabuni ai.

Numbers 12:13

Gai Moses ga dalodalo ange gi Tagi Maolunga, ga hai ange, “De Maadua, au e dangidangi adu, hagaieiangi ina ia.”

Deuteronomy 5:5

De masavaa laa gai au ne duu i oodou magavaa ma Tagi Maolunga, ga tala adu ai gi goodou muna a Tagi Maolunga, go hiidinga goodou ne maatagu i de ahi ula laa, gai tee loage gi de mounga laa. Gai ia ne hai adu,

John 1:21

Gilaadeu ne ssili ange hogi gi de ia, “Gai go koe donu goai? Go koe go Elijah?” Gai ia ga hai ange, “E deai!” “Gai go koe de pelaabisi laa?” Ia ne hai ange, “E deai.”

John 1:25

ne ssili ange gi de ia, “Noo e dee go koe de Klisdo, be go Elijah, aabe go de pelaabisi laa, gai gu aha goe gu babudaisi ai naa dangada?”

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

Acts 3:22

Moses ne hagadaba, ‘Tagi Maolunga, doodou Maadua, e hagasula age naa dahi pelaabisi mai i magavaa o oodou dangada bei ogu dagodo. Gai goodou hagalaangona mee alodahi aana e tala adu gi goodou.

Acts 7:37

Deenei de Moses ne hai ange laa gi de gau Israel, ‘De Maadua e hagasula age naa dahi pelaabisi moodou bei ogu dagodo.’

Exodus 4:12

Iainei gai koe hannoo, gai au e hano madali goe, ga tala adu gi de goe au muna alodahi e tala.”

Exodus 4:15

Gai koe basa ange gi de ia, ga tala ange ana muna e tala; gai au ga tala ai agu muna i ooluu ngudu aama de agoago adu gooluu i ooluu mee e hai.

Numbers 23:5

Gai Tagi Maolunga ga tala ange ana muna gi Balaam, ga hai ange, “Ahe gi daho Balak, daalaa ange muna nei gi de ia.”

Deuteronomy 34:10

Gai tigi ai ange donu se pelaabisi o Israel ne bei dagodo o Moses, Tagi Maolunga ne hakide ange ga basa ange gi de ia.

Isaiah 51:4

“Ogu dangada, goodou hagalaangona agu muna; dogu huaahenua, nnoho mai hagalaangona: de hainga se mee mai i ogu daha, gai dagu hagamodu heohi e hagamaalama naa denga huaahenua.

Jeremiah 1:9

Gai Tagi Maolunga ne haalo mai dono lima ga poo mai dogu ngudu, ga hai mai, “Tilo, au gu hhao adu agu muna gi lo too ngudu.

Amos 2:11

Au ne hai hogi hanu oodou dama daane gi ni pelaabisi, gai hanu ni Nazirite i magavaa oodou dama daane. De gau Israel, e aha, e dee se muna abodonu deenei? go Tagi Maolunga e hagadaba.

Numbers 23:16

Gai Tagi Maolunga ne hedae ange gi Balaam ga tala ange ana muna, ga hai ange, “Ahe gi daho Balak, gai aanei au muna e tala ange gi de ia.”

Hosea 12:14

Aagai Ephraim ne hai ga kona dono lili; gai dono Ia Aamua e hagabaubau naa ia dana daa dangada ga maakau, ma de hagao ange ia i dana hagangadi mee dono Ia Aamua.