Deuteronomy 17:6 - De Beebaa Dabu

⁶ Gai haia gi dogolua aabe gi dogodolu dangada tala hagadonu, gai ga maua i de daa gi magau tangada; aagai e deai donu se dangada e daa gi magau noo e dahi donu huu dangada tala hagadonu.

Deuteronomy 17:6 Referans Kwoze

Numbers 35:30

Noo dahi dangada e daa dahi dangada ga magau, gai ia e daa donu gi magau noo e dogohia donu dangada e daalaa hagadonu ai ana mee gu hai; aagai goodou e dee daa donu dahi dangada gi magau noo e dahi donu huu dangada tala hagadonu.

Hebrews 10:28

Tangada tee daudali laa i hainga a Moses ne daa donu ga magau, gai tee degi ange donu noo ne dogolua be ne dogodolu dangada ne tala hagadonu.

1 Timothy 5:19

Aude anga ange gi de hagabaubau ina o dahi dagi noo tigi dogolua, aabe dogodolu dangada ne gidee dana hai mee laa.

Matthew 18:16

Aagai noo ia e dee lodo e hagallongo adu gi de goe, gai koe gaavee e dahi aabe e dogolua dangada hagadonu madali goe, gai mee alodahi e hagadonu i muna a e dogolua aabe e dogodolu dangada hagadonu.

Deuteronomy 19:15

Muna a dahi dangada tala hagadonu e dee maua i de hagahaisala tangada, i dahi mee oona gu hagabaubau ina ai, aabe go dono mee gu haisala ai. Gai mee alodahi e hagadonu i muna a e dogolua aabe e dogodolu dangada tala hagadonu.

2 Corinthians 13:1

Deenei tolu hanonga oogu e hanadu ai gi oodou daha. “Mee alodahi e hagadonu i muna a e dogolua aabe e dogodolu dangada tala hagadonu.”

John 7:51

“E aha, taadeu hainga e hagabaubau laa dahi dangada noo tigi hai ssiilingaa muna ma de hai gi iloo be ni aha aana gu hai?”