Deuteronomy 17:12 - De Beebaa Dabu

¹² Gai tangada e hagangadi mee ina muna a tangada hagamodu muna, ma tangada haimeedabu e haia hegau i mada luu mada o Tagi Maolunga doodou Maadua, e daa donu gi magau. Deenei doodou hai e hai ai gi dee dagodo de baubau i daho de gau Israel.

Deuteronomy 17:12 Referans Kwoze

Deuteronomy 13:5

Aagai de pelaabisi aabe go tangada e haia denga midi e daa donu gi magau, go hiidinga ia gu hai dangada gi hai baasi ange gi Tagi Maolunga doodou Maadua, go ia ne hagassao ina mai goodou i de henua go Egypt, ma de hagaola goodou mai i de henua oodou nogo hai hegau hagaduasala ina ai. De gau bee nei ne hai goodou gi daahuli gee, i de haiava a Tagi Maolunga doodou Maadua gu tala adu goodou gi daudali ai. Goodou aaua gee donu de baubau nei mai i oodou daha.

Numbers 15:30

Aagai noo tangada se hagabau donu ga hagangadi mee ai Tagi Maolunga, e dee hilihili be se dangada de henua donu, aabe se dangada henua gee, gai tangada laa e vvae gee donu mai i daho ono dangada.

1 Timothy 5:20

Gai koe hagaseegina gilaadeu e aheahe ange ma e haisala i madamada o dangada alodahi, gi maatagu ai de gau ange laa.

1 Thessalonians 4:8

Deenei ai, tangada e hagangadi mee ina hainga nei e dee hagangadi mee dangada, gai ia e hagangadi mee donu de Maadua, go de ia ne gaavadu gi goodou dono Hagasaalunga Dabu.

Hosea 4:4

Aagai gi deai se dangada e hagadau hebagi, gai gi deai dangada e hagadau hagabaubau i olaadeu magavaa, tangada haimeedabu, go koe aagu e hagabaubau.

Ezra 10:8

Gai be goai naa huu tee humai i dua e dolu laangi, gai denga dagi, aama denga daane maatua gu hagamodu bolo ono goloa alodahi e kave gee donu mai i ono daha, gai ia e vvae gee gi dee noho madali dangada gu aahe mai laa gi de henua.

Deuteronomy 18:7

gai ia gi hai hegau i mada luu mada o Tagi Maolunga dono Maadua, bei ono dangada i de aamuli o Levi e hai hegau laa i mada luu mada o Tagi Maolunga.

Deuteronomy 18:5

Go hiidinga Tagi Maolunga doodou Maadua gu hili Levi ma ana dama daane i magavaa o denga aamuli o Israel, gilaadeu gi tuu gi hai hegau i mada luu mada o Tagi Maolunga i masavaa alodahi.

Deuteronomy 17:7

Gai go de gau tala hagadonu e daamada ina de daa tangada laa gi magau, gai muli mai go dangada alodahi. Deenei doodou hai e hai ai gi deai se baubau i oodou magavaa.

Deuteronomy 10:8

De masavaa laa gai Tagi Maolunga ne hili ange de aamuli o Levi, gi sabaia de ngavesi o de hagatoo donu hagaheloongoi a Tagi Maolunga, ma de hai hegau a Tagi Maolunga i dono hale, aama de hagamanuuia i dono ingoo, ga dae mai ai gi anailaa nei.

1 Thessalonians 4:2

Goodou gu iloo denga agoago amaadeu gu agoago adu ai goodou i de ingoo o Tagi Maolunga go Iesu.

John 20:23

Noo goodou e tala haisala o dangada, gai olaadeu haisala gu maatala donu; gai noo goodou e dee tala haisala o dangada, gai olaadeu haisala e dee maatala donu.”

John 12:48

Tangada e kino i de au ma tee daohi agu muna e dahi donu mee e hagamodu ai ono muna; go agu muna gu tala e hagamodu ai ono muna i de laangi hagaodi.

Luke 10:16

Tangada e hagalaangona oodou muna e hagallongo donu agu muna; gai tangada e kino i goodou e kino donu i de au. Aagai tangada e kino i de au e kino donu hogi i de ia ne haia nei au gi humai.”

Matthew 10:14

Gai noo e deai dangada e abodonu adu gi goodou, aabe hagalaangona oodou agoago, gai goodou luuluuia gelegele i oodou vae, i de masavaa oodou e ssao ai e hulo gee i de hale aabe go de aduhale laa.

Proverbs 21:11

Noo gu hagaduasala tangada doo mee, gai tangada lodo senga gu kii ange de heiangi; gai de masavaa naa huu e agoago ange ai tangada heiangi, gai ia gu iloo mee.

Psalm 19:13

Buibuia hogi doo dangada hai hegau gi dee haisala i de hai ogu lodo; gai ogu haisala gi dee dagina hogi au. Gai gi dee haisala ai au i de haisala laumalie.

Deuteronomy 18:20

Gai tangada e basa pelaabisi ga tala hanu muna i dogu ingoo, gai e dee go au ne daalaa ange muna laa gi de ia, aabe ia e basa pelaabisi i de ingoo o hanu diinonga gee, gai de pelaabisi laa e daa donu gi magau.”

Deuteronomy 13:11

Gai ga langona naa huu e de gau Israel alodahi mee nei, gai gilaadeu gu maatagu, gai gilaadeu gu dee aahe ange e hai de baubau nei i olaadeu daha.

1 Corinthians 5:13

Aagai go de Maadua e hagamodu ina muna o de gau tua de mee. “Goodou dilia gee tangada baubau mai i oodou magavaa.”

Deuteronomy 1:43

Gai au ne tala adu ana muna gi goodou, aagai goodou tee hagallongo mai; aagai goodou ne hai oodou hai, ga hai baasi ange gi muna a Tagi Maolunga. Goodou ne daga ga hulo gi de mommee iai mounga i doodou hagamaolunga hagassoenga.

Deuteronomy 17:13

Gai gi maatagu ai dangada alodahi, i de masavaa alaadeu e langona ai mee nei, gai gilaadeu gu dee aahe ange e hai hegau nei.

Judges 20:13

Gai goodou gaamai denga daane baubau o Gibeah gi omaadeu daha, gai gimaadeu ga daa gilaadeu gi maakau, e aau gee ai de baubau nei i Israel.” Aagai de aamuli o Benjamin tee hagallongo ange gi olaadeu daina, go denga daane Israel.

1 Samuel 3:13

Gai au gu tala ange gi de ia, bolo au e hagaduasala donu dono huaabodu ga hano ai, i hiidinga o haisala o luaana dama daane aana gu iloo laa; gilaau ne hagangadi mee au, aagai ia tee hai gilaau gi dee haia.

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Numbers 15:31

Ia gu hagangadi mee muna a Tagi Maolunga, ma de oha dana hainga, deelaa ai, tangada laa e aau gee mai i daho dangada; gai ono haisala e dau ange donu gi de ia.’ ”

Deuteronomy 13:6

Gai noo dahi oo daina donu, be go dau dama daane, be go dau damaa hine, be go doo bodu oou e aloha ai laa, aabe go doo soa hagamogomogo e hagatale goe i dooluu masavaa e dogolua ai, e hai adu, “Gidaau ga hulo e daumaha ange gi hanu diinonga,” (oodou ma oodou dubuna madagidagi tigi iloo,

Joshua 1:18

Gai be goai e hai baasi adu gi au muna, aabe e dee hagallongo adu gi au muna alodahi e tala ange gi de ia, e daa donu gi magau. Gai koe gi lodo mmahi ma de lo taane.”