Deuteronomy 15:14 - De Beebaa Dabu

¹⁴ Gai koe vaaea ange hanu au ssiibi, ma hanu grain, aama hanu uvaini. Gai koe gaavange gi de ia, gi bei de hai o Tagi Maolunga doo Maadua gu hagamanuuia ai goe.

Deuteronomy 15:14 Referans Kwoze

1 Corinthians 16:2

Denga dahi laangi alodahi o de uvigi, gai dahi ma dahi gi vaaea gee dana sseene e daohi age ga doange, e dee tali donu go dogu masavaa e dae adu ai e daohi age ai de mee a tangada.

Acts 20:35

Au ne hagaago adu gi goodou i mee alodahi bolo e heohi doodou hai hegau ga bale ai hogi gilaadeu e baageaa, ma de hagamaanadu muna a Tagi Maolunga go Iesu ne hagadaba ai laa, ‘E kii ange de laumalie de manuuia i de ngadi gaavange i taadeu kave dahi mee.’ ”

Proverbs 10:22

De hagamanuuia a Tagi Maolunga e gaamai de lava, gai e deai donu se mee hagadaemaha iai.

Psalm 68:10

Oo dangada gu nnoho i kilaa; de Maadua, koe ne hagadanuaa gilaadeu e duasala i doo abodonu.

Nehemiah 8:10

Gai ia ne hai ange gi gilaadeu, “Goodou hulo gaina gai moomuna ma de unu uvaini maimai, ma de duha ange gai gi gilaadeu tigi ai alaadeu mee gu hagadabena, go hiidinga anailaa nei se laangi e dabu ange gi taadeu Ia Aamua. Goodou aude llodo baubau, go hiidinga de malangilangi o Tagi Maolunga e hagammahi goodou.”

Deuteronomy 15:13

Gai de masavaa naa huu aau e dugu ai ia gi hano, aagai koe e dee hai ia gi ngadi hano ma teai ana mee.

Deuteronomy 15:15

Gai koe manadua bolo koe se dangada nogo hagahai hegau hagaduasala ina i de henua go Egypt, gai Tagi Maolunga doo Maadua ne hagaola goe. Aanei hiidinga aagu e tala adu ai nei mee nei gi goodou anailaa nei.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.