Deuteronomy 14:29 - De Beebaa Dabu

²⁹ Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

Deuteronomy 14:29 Referans Kwoze

Deuteronomy 15:10

Gai koe lodo aloha ange gi de ia ga gaavange gi lava danuaa ana mee. Gai noo koe gu hai de mee nei, gai Tagi Maolunga doo Maadua ga hagamanuuia au hegau alodahi e hai.

Deuteronomy 14:27

Gai koe aude ngalo dangada o de aamuli o Levi e noho laa i doo aduhale, go hiidinga teai se mommee ne vvae ange gi gilaadeu madali goodou.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Deuteronomy 16:11

Gai goodou ga hai ai taonga ma de malangilangi i mada luu mada o Tagi Maolunga doodou Maadua; go goodou alodahi ma oodou dama daane, ma oodou damaa hine, ma oodou daane ma haahine hai hegau, madali de aamuli o Levi i doodou aduhale, ma de gau henua gee, ma denga gauligi e deai olaadeu damana, aama haahine gu maakau olaadeu bodu, i de mommee a Tagi Maolunga doodou Maadua ne hili e dugu ai dono ingoo.

Proverbs 11:24

Dahi dangada e abodonu i de ngadi gaavange mee, aagai ia e kii ange naa donu de lagolago ana mee; tangada ange laa e daohi mee e heohi dana gaavange, aagai ia e hano naa donu ga hagaau aloha.

Psalm 41:1

E manuuia tangada e abodonu ange gi tangada hagaau aloha! Tagi Maolunga e hagaola naa ia i de masavaa oona e hai ngadaa ai.

Deuteronomy 16:14

Gai goodou ma oodou dama daane ma damaa hine, ma oodou daane ma haahine hai hegau, ma de aamuli o Levi, ma de gau henua gee, ma denga gauligi gu deai olaadeu damana, aama haahine gu maakau olaadeu bodu i oodou aduhale, ga hai taonga ga malangilangi ai.

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Leviticus 19:34

Gai haia tangada henua gee e noho i oodou daha gi bei dagodo o tangada de henua donu, gai goodou aaloha i de ia bei doodou aaloha donu i goodou; i hiidinga goodou ni dangada henua gee i de masavaa oodou nogo nnoho ai i de henua go Egypt. Go au donu go Iahweh doodou Maadua.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

Numbers 18:20

Gai Tagi Maolunga ne hai ange gi Aaron, “E deai donu se mommee e bolo adu gi de goe i de henua, gai e deai soo vaaenga madali gilaadeu; gai go au doo duuhanga aama doo boolonga madali de gau Israel.

Deuteronomy 6:11

ma denga hale e hoohonu i mee danuaa, gai e dee ni goloa niiodou ne hhao gi lodo hale laa, ma mommee hhao vai hoda gi lodo hadu, e dee ni vai niiodou ne hoda, ma veelengaa grape ma denga olive, ni manu niiodou tee doo, gai goodou gu gaimee ai ma gu boobosu danuaa,

Deuteronomy 10:9

Deelaa ai, de aamuli o Levi teai donu selaadeu vaaenga ne bolo ai madali olaadeu daina ange laa, go hiidinga delaadeu boolonga go Tagi Maolunga, bei de hai a Tagi Maolunga doodou Maadua gu tala ange ai gi gilaadeu.)

Psalm 94:6

Gilaadeu gu daa denga haahine gu maakau olaadeu bodu ma de gau henua gee, aama denga gauligi gu deai olaadeu damana.

Isaiah 1:17

gai agoagona de hai tanuaa! Hagaduu ngae saalaa de hagamodu heohi, balea ange gilaadeu e duasala. Balea ange denga gauligi gu deai olaadeu damana, buibuia denga haahine gu maakau olaadeu bodu.

Deuteronomy 23:21

Gai noo koe gu hagatoo donu ange gi Tagi Maolunga doodou Maadua i dahi mee, gai koe hagamoolau haia gi bei, gi dee haisala ai goe i de mee nei. Gai Tagi Maolunga doodou Maadua e hai naa donu goe gi hagasula ina de mee nei.

Deuteronomy 28:8

Gai Tagi Maolunga e hagamanuuia naa doo hale doange gai aama au hegau alodahi e hai; Tagi Maolunga doo Maadua e hagamanuuia naa goe, i de henua aana e gaavadu gi de goe.

Psalm 41:2

Tagi Maolunga e buibui naa ia ma de daohi dono mouli; ia e hagamanuuia naa ia i honga de henua, gai e dee dugu ange ono hagadaumee gi haia ange gi de ia olaadeu mee e llodo ai.