Deuteronomy 13:13 - De Beebaa Dabu

¹³ bolo hanu dangada baubau i oodou magavaa gu hagabasa dangada i de aduhale laa gi daumaha ange gi denga diinonga oodou e tee iloo laa,

Deuteronomy 13:13 Referans Kwoze

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

Deuteronomy 13:2

gai noo de hagailonga ma de mee hagalele mouli aana gu tala laa ne sula, aagai noo ia e hai adu, “Gidaadeu ga hulo e daudali ange i hanu diinonga gee” (go diinonga oodou tigi iloo laa), “ma de daumaha ange gi gilaadeu,”

Jude 1:19

Aanei gilaadeu e hagadee heloongoi ina dangada, gilaadeu e daudali i olaadeu lodo donu huu, gai de Hagasaalunga ⌊Dabu⌋ e dee nnoho i olaadeu lodo.

2 Corinthians 6:15

E aha, e maua i de hai gi nnoho hagabuni Klisdo ma Belial? Gai e aha a tangada gu hagadonusia e buni ange ai gi tangada e dee hagadonusia?

John 8:44

Goodou ni dama donu nii de ia hagabaubau laa, gai goodou e hai lodo o doodou damana. Ia se dangada daa dangada mai i taamada age, ia e dee daohi de muna abodonu, go hiidinga e deai donu se muna abodonu i ono daha. Ia e hadu muna i hiidinga aalaa donu ono dagodo: ia se dangada hadu muna gai go tamana donu o de muna hhadu.

1 Kings 21:13

Gai luu daane baubau laa ne loomai ga nnoho i ono gaogao, gai gilaau ga hagabaubau Naboth i madamada o dangada, ga hagataba, “Naboth gu basa hagamaolunga i de Maadua ma de hodooligi.” Gai gilaadeu ga kave ia gi tua de aduhale ga maga ia gu magau i denga hadu.

1 Kings 21:10

Gai goodou ga hai e dogolua daane baubau gi nnoho i ono gaogao, gai gilaau gi hai ange, ‘Koe gu basa hagamaolunga i de Maadua aama de hodooligi.’ Gai goodou ga kave ia gi tua de aduhale ga maga ai ia gi magau.”

2 Samuel 20:1

Gai e dahi daane baubau i kilaa, dono ingoo go Sheba, tama daane a Bicri, gai se daane de aamuli o Benjamin. Ia ne ili de hanga manu, ga hagadaba, “Gidaadeu e dee dau ange gi David, gai e deai sedaadeu diba i daho tama a Jesse! Dangada alodahi o Israel, goodou aahe gi oodou hale!”

2 Samuel 16:7

Gai Shimei ne hagamalaia, ga hai ange, “Hannoo donu, hannoo donu, koe se daane daa dangada, ma teai oo haigamaiana!

1 Samuel 25:17

Deenei ai, koe gi iloo mee nei ma de hagasaele be se aha aau e hai; go hiidinga dahi hai ngadaa gu dai hai ange donu gi taadeu dangada aamua, ma dangada alodahi i dono hale. Ia se daane baubau mmao, gai e deai donu se dangada e maua i de tala ange dahi mee gi de ia.”

1 Samuel 2:12

Gai luu dama daane a Eli ni daane baubau; gilaau ne hagangadi mee Tagi Maolunga.

Judges 20:13

Gai goodou gaamai denga daane baubau o Gibeah gi omaadeu daha, gai gimaadeu ga daa gilaadeu gi maakau, e aau gee ai de baubau nei i Israel.” Aagai de aamuli o Benjamin tee hagallongo ange gi olaadeu daina, go denga daane Israel.

Judges 19:22

Gai de masavaa olaadeu e nnoho ai ma e malangilangi, gai hanu daane baubau o de aduhale laa ne loomai ga holiage luu baasi de hale laa. Gai gilaadeu ga dugidugi de abaaba ga hai ange gi taane madumadua niiona de hale, “Hagassao ina mai taane ne humai naa gi doo hale, gai gimaadeu ga dagodo haisala ma ia.”

Deuteronomy 13:6

Gai noo dahi oo daina donu, be go dau dama daane, be go dau damaa hine, be go doo bodu oou e aloha ai laa, aabe go doo soa hagamogomogo e hagatale goe i dooluu masavaa e dogolua ai, e hai adu, “Gidaau ga hulo e daumaha ange gi hanu diinonga,” (oodou ma oodou dubuna madagidagi tigi iloo,

1 John 3:10

Gai deenei taadeu hai e madea ai dama a de Maadua ma dama a de ia hagabaubau laa: tangada e dee haia de mee heohi e dee se dama nii de Maadua, aabe go tangada e dee aloha i dono daina.

2 Chronicles 13:7

Gai hanu daane baubau ne hagabuni ange gi de ia ga hai baasi ange ai gi Rehoboam, tama daane a Solomon, i de masavaa oona e gauligi ai, gai tigi madua danuaa dana maanadu, aama tee maua i de hebagi ange gi gilaadeu.

2 Kings 17:21

De masavaa aana ne vvae gee ai Israel mai i de huaabodu o David, gai gilaadeu ga hai Jeroboam, tama daane a Nebat gi hodooligi. Gai Jeroboam ne dagi gee de gau Israel gi dee daudali ange i Tagi Maolunga, ma de hai gi kona mmao delaadeu haisala.

2 Samuel 23:6

Aagai de gau baubau e tili naa bei dagodo o denga manu daladala; e dee maua laa i de poo i lo te lima o tangada,

1 Samuel 25:25

Gai koe, dogu dangada aamua, gi dee anga ange gi Nabal, taane baubau naa; go hiidinga ia e hai hegau donu bei de hagadoonunga o dono ingoo. Dono ingoo go Nabal, ia se daane lodo senga. Aagai au, doo hahine hai hegau, tee gidee donu denga daane a dogu dangada aamua ne hai laa gi loomai.

1 Samuel 10:27

Aagai hanu dangada baubau ne hagataba, “E maua nei donu taane nei i de hagaola gidaadeu?” Gai gilaadeu ne hagangadi mee a Saul, gilaadeu tee gaamai hogi hanu mee ngadi gaavange gi de ia. Gai a Saul ne golomagi ono lodo i mee nei.

Deuteronomy 4:19

Goodou kana ange hogi gi dee kalo age goodou gi lo te langi ga gidee de laa ma de maasina, aama denga heduu, go mee alodahi i lo te langi, gai goodou gu llodo e daumaha ange ma de hai hegau ange gi gilaadeu, go mee a Tagi Maolunga doodou Maadua gu gaavange gi dangada alodahi i henua i lalo.

Deuteronomy 13:12

Noo goodou gu langona i dahi oodou aduhale a Tagi Maolunga doodou Maadua e gaavadu gi nnoho ai,

Deuteronomy 13:14

gai goodou ga hai ssiilingaa muna. Gai noo se muna abodonu de mee nei, gai goodou gu iloo bolo de hegau baubau laa gu hai i oodou magavaa,

Deuteronomy 17:4

gai noo gu daalaa adu e dahi ma gu iloo e goe mee nei, gai koe ga ssili ga hagadonu mee nei. Gai noo de mee nei se muna abodonu, gai gu sula danuaa mai bolo de mee hakino gee nei gu hai i daho denga aamuli o Israel,