Deuteronomy 12:23 - De Beebaa Dabu

²³ Aagai goodou dagidiiloo gi dee gaina e goodou kano manu iai dodo, i hiidinga todo go de mouli, gai goodou e dee gai de mouli madali denga kano.

Deuteronomy 12:23 Referans Kwoze

Leviticus 17:11

Go hiidinga de mouli o de mee mouli go lodo dodo iai, gai au gu dugu adu gi goodou e tala ai oodou haisala; i hiidinga go dodo e tala ai haisala o tangada, i hiidinga iai de mouli.

Genesis 9:4

Aagai goodou e dee gai donu kano iai de mouli, e bei go kano go iai ono dodo.

Deuteronomy 12:16

Goodou e dee gai donu dodo; gai liingia gi honga de gelegele bei vai.

Revelation 5:9

Gai gilaadeu ne daahili i dahi daahili hoou ga hagataba, “Koe e bau ange gi de kave de beebaa mulo ga oha ono mee hagamakaga, go hiidinga koe ne daa ga magau, e hagao ai dangada i oo dodo ga hagaahe mai gi de Maadua, mai i denga aamuli alodahi, ma dangada e pasa i denga hagadaagangaa muna alodahi, ma denga huaadangada aama huaahenua alodahi.

Matthew 20:28

bei dagodo o Tama a Tangada, ia tee humai gi hai hegau ange dangada gi de ia, aagai ne humai e hai hegau ange gi dangada, ma de gaavange dono mouli e hagaola ai dangada soa.”

Acts 15:20

Aagai gidaadeu ga sisi e hai ange gilaadeu gi dee gaina mee gu hakino gee i hiidinga o denga diinonga, gilaadeu gi dee dagodo haisala, gai gi dee gaina kano o manu ne milo olaadeu ua, aama dodo.

Leviticus 7:26

Goodou e dee alaange donu i de gai dodo o dahi manu lele aabe se manu dolodolo, i mommee alodahi oodou e nnoho ai.

Leviticus 17:10

Noo dahi dangada Israel be se dangada henua gee i oodou magavaa e gai kano manu iai dodo — gai au e hai baasi ange donu gi tangada e gaina kano iai dodo, ga vvae gee ia mai i daho ono dangada.

Leviticus 19:26

Goodou e dee gai kano manu iai dodo. Goodou e dee hai buubuu e tala i mee e dee iloo, aabe e hai denga huuhuaa mee.

Deuteronomy 12:22

Goodou e maua i de gai kano o manu nei, bei doodou hai e gai ai laa kano o de gazelle aabe se dia. Gai dangada alodahi e gilimalali aabe e dee gilimalali e maua i de gai.

Deuteronomy 12:24

Gai goodou e dee gai donu dodo; gai liingia gi honga de gelegele bei denga vai.

Deuteronomy 15:23

Aagai goodou e dee gai dodo, gai liingia gi honga de gelegele bei denga vai.

1 Samuel 14:32

Gai dangada ne hagamoolau ga hulo, gi de mommee iai goloa ne maua mai i de hebagi, gai gilaadeu ga kave hanu ssiibi ma kaau aama hanu kaau gauligi, ga daa i honga de gelegele i kilaa ga gai mada madali denga dodo.

1 Samuel 14:33

Gai hanu ne tala ange gi a Saul, ga hai ange, “Tilo, denga daane gu haisala ange gi Tagi Maolunga i delaadeu gai kano mada iai dodo.” Saul ne hai ange, “Goodou tee hai hegau i de mee abodonu. Hagadigelia mai dahi hadu laumalie gi kinei.”

Ezekiel 33:25

Deenei ai, hai ange gi gilaadeu, ‘E hagadaba de Ia Aamua go Iahweh: Go hiidinga goodou gu gai kano iai dodo, ma de duudagi de daumaha ange gi oodou diinonga, aama de daa gi maakau dangada, gai e heohi ai naa doodou henua i de henua?