Deuteronomy 12:20 - De Beebaa Dabu

²⁰ Gai de masavaa naa huu a Tagi Maolunga doodou Maadua e hagalaumalie ai doodou henua, bei dana hai gu tala adu ai gi goodou, gai koe e hagadaba, “Au e lodo e gai hanu kano manu,” go hiidinga koe gu llodo e gai hanu kano manu, gai koe gaina be aahee maa de lagolago au mee e lodo e gai.

Deuteronomy 12:20 Referans Kwoze

Deuteronomy 19:8

Gai noo Tagi Maolunga doodou Maadua e hagalaumalie ange doodou mommee, bei dana hai gu hagatoo donu ange ai laa gi oodou dubuna madagidagi, gai ia e gaavadu naa donu gi goodou de henua alodahi aana gu hagatoo donu e gaavange gi oodou dubuna madagidagi,

Deuteronomy 11:24

Mommee alodahi e tuu ange aagena oodou vae e gaavadu naa gi goodou: mai i de vao ga hano ai ga dae gi Lebanon, aama mai i ssaalingaa vai go Euphrates ga dae ai gi tai i baasi dai.

Exodus 34:24

Au e hai naa gi hulo gee denga huaahenua mai i oodou mada i mua, ma de hagalaumalie doodou mommee; gai e deai naa donu dangada e nnoo ange gi oodou gelegele, i de masavaa oodou e loomai ai gi mada luu mada o Tagi Maolunga doodou Maadua, i e dolu hanonga i de ngadau.

Genesis 28:14

Gai oo hagadiilinga e soa naa bei de lagolago o denga gelegele i honga de henua, gai koe e hhao naa ga honu de henua mai i dai ga hano ai gi dua, ma mai i ngaiho ga hano ai gi ngaage. Gai hagadiilinga alodahi o henua i lalo e manuuia naa i oodou hiidinga ma doo hagadiilinga.

Psalm 107:9

Ia e hagaunu gi boobosu gilaadeu e hieunu, gai e haangai gi boobosu gilaadeu e hiikai i mee danuaa.

1 Chronicles 4:10

Gai Jabez ne dalodalo ange gi de Maadua o Israel, ga hai ange, “De Maadua, gaamai gi de au de manuuia ma de hai gi laumalie dogu mommee. Gai koe noho i ogu daha ma de buibui au i denga hai ngadaa alodahi, gi dee hagammae ina ai au.” Gai de Maadua ne hai ga bei dono mee ne dangidangi ai.

Deuteronomy 12:15

Aagai goodou e maua i de daa oodou manu bei de gazelle be se dia ga gai denga kano oodou e llodo ai i oodou aduhale alodahi, i mee a Tagi Maolunga doodou Maadua gu hagamanuuia ai goodou. Gai dangada alodahi e dee gilimalali aabe e gilimalali e maua i de gaimee ai.

Exodus 23:31

Au e hagatuu naa oodou goinga mai i Tai Mmea ga hano ga duu i Tai o Philistia, ma mai i de vao ga dae ai gi ssaalingaa vai go Euphrates. Gai au e hai naa gi kii goodou i dangada e nnoho i de henua, gai goodou ga aau gee ai gilaadeu gi dee nnoho i oodou daha.

Philippians 1:8

Gai go de Maadua dogu dangada tala hagadonu, i dagu tala adu bolo au e buliaamou mmao i goodou alodahi bei de aloha o Klisdo Iesu.

2 Corinthians 9:14

Gai gilaadeu gu aaloha hogi i goodou ma de dalodalo i goodou, i hiidinga de abodonu laumalie o de Maadua adu gi goodou.

Psalm 119:174

Tagi Maolunga, au gu lodo mmao gi dae mai dau hagaola, gai au e malangilangi i dau hainga.

Psalm 119:40

Tilo, au e lodo mmao i au muna gu hagasauaa. Koe gi daohia dogu mouli i hiidinga koe e heohi.

Psalm 119:20

Au e kona mmao de maanadu au hagamodu i masavaa alodahi.

Psalm 84:2

Au e hinangalosaa aama de lodo mmao e tilo de buibui o de hale o Tagi Maolunga; ogu lodo ma dogu ngudu e daahili i de malangilangi ange gi de Maadua e mouli laa.

Psalm 63:1

De Maadua, go koe dogu Maadua, au e hagaduu ngae e ssala goe; dogu hagasaalunga e lodo mmao i de goe; dogu angaanga e buliaamou mmao i de goe, i de henua mmasa ma de hagadaalea, go de mommee e deai vai iai.

2 Samuel 23:15

Gai David ne hagadaba age, “Mee naa gi dahi dangada e hano e gaamai hanu vai mai i de vai geli i gaogao de haitoga o de buibui o Bethlehem, e unu au!”

2 Samuel 13:39

Gai de hodooligi gu buliaamoou mmao i Absalom, i hiidinga gu ui dono buliaamoou i de magau o Amnon.

Numbers 11:34

Deelaa ai, de mommee laa gu hagaingoo ange go Kibroth Hattaavah, go hiidinga go kilaa ne danu ai de gau aagai.

Numbers 11:20

aagai goodou e gai naa denga giidagi i dahi huaamalama, ga dae ai gi doodou kino i de gai, i hiidinga goodou ne hagangadi mee Tagi Maolunga e noho laa i oodou magavaa, gai goodou ne nnanu ange gi de ia, ga hai ange, “Gu aha gu hagassao mai ai nei gimaadeu i Egypt?” ’ ”

Numbers 11:4

Gai de gau henua gee ne hulo laa madali gilaadeu e kona de llodo e gai kano manu; gai de gau Israel ne tangi hogi ga hagataba, “Mee naa gi hanu amaadeu giidagi e gai!

Genesis 31:30

Koe ne hano gee i hiidinga koe gu buliaamoou i dangada i doo huaabodu, aagai gu aha goe gu gaiaa ai laa ogu diinonga?”

Philippians 2:26

Go hiidinga ia gu kona mmao dono buliaamoou i goodou alodahi, ma dono daemaha i hiidinga ia gu iloo bolo goodou gu langona bolo ia nogo magi.

Deuteronomy 12:21

Gai noo de mommee a Tagi Maolunga doo Maadua e hili e dugu ai dono ingoo, e mmao gee i goodou, gai goodou e maua i de daa hanu oodou kaau be ni ssiibi, a Tagi Maolunga gu gaavadu gi goodou, ga gai oodou mee e llodo e gai i lodo oodou aduhale, bei dagu hai gu tala adu ai gi goodou.