Deuteronomy 11:27 - De Beebaa Dabu

²⁷ se hagamanuuia noo goodou e hagallongo ange gi muna a Tagi Maolunga doodou Maadua, aagu gu tala adu gi goodou anailaa nei,

Deuteronomy 11:27 Referans Kwoze

Isaiah 1:19

Noo goodou e llodo ma de hagallongo mai gi agu muna, gai goodou e gai naa hua danuaa hugadoo o de henua;

Isaiah 3:10

Daalaa ange gi gilaadeu e heohi bolo gilaadeu e duadonu naa, gai gilaadeu e gai naa hua o alaadeu hegau.

Luke 11:28

Iesu ne hai ange gi de ia, “Gai e kii ange donu de manuuia o dangada e hagalaangona muna a de Maadua ga daudali ai!”

John 13:17

Noo goodou gu iloo mee nei, gai goodou e manuuia noo goodou e hai hegau ai.

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Psalm 19:11

Muna nei e hagakana ange lodo o doo dangada hai hegau; gai e laumalie donu de hagaoanga o tangada e daohia muna nei.

James 1:25

Aagai tangada e diiloo mee i lo te hainga e honu abodonu laa, go de hainga o de ilaage, ma de duudagi de hai de mee nei — gai ia e dee ngalo ana mee gu langona, aagai e hai hegau ai — tangada bee nei e manuuia i mee alodahi aana e hai.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Jeremiah 11:4

go agu muna gu tala ange gi oodou dubuna madagidagi, i de masavaa aagu ne hagassao mai ai gilaadeu i Egypt, go de ahi mmahi e hagavaivai ai laa denga iron. Gai au ne hai ange, ‘Goodou hagallongo mai gi de au, ma de hai mee alodahi aagu gu tala adu gi goodou, gai au ga hai ai goodou go ogu dangada, gai au go doodou Maadua.