Deuteronomy 11:21 - De Beebaa Dabu

²¹ gi lagolago ai oodou laangi ma oodou dama e nnoho ai, i honga de henua a Tagi Maolunga gu hagatoo donu e gaavange gi oodou dubuna madagidagi, i taulooloa de dahi langi i lunga i honga henua i lalo.

Deuteronomy 11:21 Referans Kwoze

Proverbs 4:10

Dagu dama, hagalaangona ma de daudali i agu muna, gi lagolago ai oo ngadau e mouli ai.

Proverbs 3:2

gi lagolago ai oo laangi ma ngadau e mouli ai gai e hai naa ga laumalie doo noho baba.

Proverbs 9:11

Go de heiangi e haia ga daulooloa doo mouli, ma de hai ga lagolago oo ngadau e mouli ai.

Psalm 72:5

Gai dangada gi maatagu i de goe i taulooloa de aheahe ange o de laa ga sobo age, ma de maasina, i denga atangada alodahi!

Deuteronomy 4:40

Deenei ai, goodou daohia ana mee gu hagasauaa aama ana hainga gu tala adu gi goodou, go hainga aagu e tala adu nei gi goodou anailaa nei, gi danuaa adu ai gi goodou ma oodou dama e loomai i oodou dua, gai goodou ga nnoho ai i de henua a Tagi Maolunga doodou Maadua e gaavadu gi goodou ga hano ai.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

Isaiah 65:20

Gai e deai ange naa donu se gaagaa daudahi i kilaa e sogoisi ono laangi e mouli ai, aabe se dangada madumaatua e tuu mai ono ngadau e mouli ai; tangada e mouli laa ga dae ai gi de lau ono ngadau e hagabinga naa bolo goi gauligi donu huu, gai tangada e dee duu laa de lau ono ngadau e hagabinga naa bolo gu malaia.

Proverbs 3:16

De mouli daulooloa e daohi i dono lima madau, gai de lava ma de hagadubu i dono lima masui.

Deuteronomy 5:16

Hagadubu ina doo damana ma doo dinana, bei de hai a Tagi Maolunga doo Maadua gu tala adu ai gi de goe, gi daulooloa ai doo mouli, ma doo noho baba i honga de henua a Tagi Maolunga doo Maadua e gaavadu gi de goe.

Deuteronomy 6:2

gai gi maatagu ai goodou, ma oodou dama, ma oodou mogobuna i Tagi Maolunga doodou Maadua, gai goodou ga daohi ai ana mee alodahi gu hagasauaa, ma ana muna gu tala mai au gi daalaa adu gi goodou, gi daulooloa ai oodou mouli, ma de lagolago oodou laangi e mouli ai.

Deuteronomy 11:9

Gai gi daulooloa ai hogi doodou mouli, i honga de henua a Tagi Maolunga gu hagatoo donu ange gi oodou dubuna madagidagi, bolo ia e gaavange gi gilaadeu ma olaadeu hagadiilinga, dahi henua iai vai uu ma hooni lagolago.

Psalm 89:30

Gai noo ana dama e tili dagu hainga ma tee daudali i agu mee gu hagamodu;