Deuteronomy 11:14 - De Beebaa Dabu

¹⁴ gai ia e hai naa gi pala iho de langi gi honga doodou henua i ono masavaa donu, go de langi i taamada ma de hagaodi o de ngadau, gi maua ai e goodou i de hagabudu oodou grain, ma de hai oodou uvaini hoou ma lolo olive.

Deuteronomy 11:14 Referans Kwoze

James 5:7

Deenei ai, denga daina, golomagi ina oodou lodo ga dae ai gi de humai o Tagi Maolunga. Goodou kalo ange diiloo de hai a tangada hai veelenga i dana tali de hua manu i honga dono gelegele, ia e golomagi ono lodo ga tali ai de pala de langi i de hagaodi ma taamada o de ngadau.

Leviticus 26:4

gai au e hai naa gi pala de langi i ono malama donu, gi hhua lagolago ai manu i lodo veelenga, gai manu ssomo i honga de henua e hhua naa hogi.

Ezekiel 34:26

Gai au e hai naa gilaadeu ma mommee i luu baasi dogu mounga dabu gi manuuia; gai au e hai naa gi pala de langi i malama o de langi; gai se langi e hagamanuuia ai.

Deuteronomy 28:12

Gai Tagi Maolunga e hhuge adu naa gi de goe de langi, go de mommee e doange ono goloa lagolago, ma de hai gi pala iho de langi gi honga doo henua i malama o tau langi, ma de hagamanuuia au hegau alodahi e hai. Koe e gaavange naa mee gi denga huaahenua soa, gai koe e dee kave donu dahi mee mai i olaadeu daha.

Jeremiah 14:22

Gu hanu laa ngadi diinonga i magavaa diinonga o denga huaahenua e maua i de hai gi pala de langi? E aha, e maua e de langi i de hai gi pala iho de langi? E deai, gai go Iahweh demaadeu Maadua e haia mee nei. Deenei ai, go koe demaadeu tali hagalodolodo, gai go koe e haia mee nei alodahi.

Acts 14:17

Aagai ia ne hai donu gi dahi mee e hagadonu ai ono dagodo: ia ne abodonu adu gi goodou i dana gaavadu gi goodou de langi pala mai i de langi ma denga huamanu i de masavaa e hhua ai; ia ne hai gi boobosu goodou i de gaimee ma de hai gi malangilangi oodou lodo.”

Leviticus 26:3

Noo goodou e daudali i agu hainga gu hagasauaa ma de kana ange ga hagallongo mai gi agu muna,

Isaiah 30:23

Gai ia e hai naa gi pala iho de langi, e hagamaluulu ai oodou golee e doo i lo te gelegele, gai e maua mai i honga de gelegele e moomuna naa ma de lagolago. De laangi laa gai oodou manu haangai e gaimee naa i mommee iai helii lau kohu.

Jeremiah 5:24

Gai gilaadeu e dee hagataba i olaadeu lodo, ‘Gidaadeu ga maatagu i Tagi Maolunga taadeu Maadua, go de ia ne gaamai de langi i de hagaodi ma taamada o de ngadau i de masavaa gu dugu, gai go de ia ne gaamai gi gidaadeu denga uvigi o de hagihagi.’

Joel 2:19

Gai Tagi Maolunga e basa ange naa ga hai ange gi gilaadeu: “Tilo, au e gaavadu naa gi goodou denga grain, ma uvaini hoou, aama lolo lagolago, goodou e gaimee naa ga boobosu; gai au e dee ahe ange naa donu e dugu ange denga huaahenua gi hagangadi mee ina goodou.

Malachi 3:11

Gai au e hai naa gi dee gaina oodou huamanu, gai denga grapevine i honga oodou gelegele e dee tuu naa donu de hhua lagolago, go Tagi o denga hagabuulinga hebagi e hagadaba.