Deuteronomy 10:17 - De Beebaa Dabu

¹⁷ Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

Deuteronomy 10:17 Referans Kwoze

Acts 10:34

Aagai Peter ne daamada de basa ga hai ange, “Au e iloo bolo ni muna abodonu de Maadua e dee vae dangada,

Romans 2:11

Go hiidinga de Maadua e dee vae dangada.

Galatians 2:6

Gai gilaadeu e hagabinga laa bolo ni dagi — olaadeu duulanga aamua e dee ni mee dau donu i ogu daha; de Maadua e dee vae dangada donu — gai teai hogi alaadeu muna ne bale mai ai au.

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

De Beebaa go Job 34:19

Go ia e dee hilihili dangada ange gi dagi o de henua, gai e dee kii ange dono abodonu ange gi de gau lava i de gau hagaau aloha, go hiidinga go ia ne haia gilaadeu alodahi.

Nehemiah 9:32

Deenei ai, demaadeu Maadua, go de Maadua maolunga ma de mmahi aama de hagamadagu, go de ia e daohia de hagatoo donu hagaheloongoi o dono lodo aloha, koe gi dee hagangadi mee ina denga hai ngadaa alodahi gu paa nei i gimaadeu, ma omaadeu hodooligi, ma omaadeu dagi, ma omaadeu dangada haimeedabu, ma omaadeu pelaabisi, ma omaadeu maadua aama oo dangada alodahi, mai i de masavaa o denga hodooligi o Assyria ga dae mai ai gi anailaa nei.

Deuteronomy 7:21

Goodou aude maatagu donu i gilaadeu, go hiidinga Tagi Maolunga doodou Maadua e noho i oodou daha, gai ia se Maadua maolunga ma de hagamaatagu.

Revelation 19:16

Gai honga dono malo ma honga dono dege e sisi ange aagena de ingoo nei: “De Hodooligi o denga hodooligi ma Tagi Maolunga o denga dagi”.

Ephesians 6:9

De gau aamua, goodou hai hegau ange hogi bee nei gi oodou dangada hai hegau. Goodou gi dee hagamaatagu ina gilaadeu, i doodou tonu iho bolo goodou ma oodou dangada hai hegau e dahi donu huu oodou Dagi Aamua i de langi, gai ia e dee vae dangada donu.

Joshua 22:22

“De Maadua Mmahi Mmao laa, de Maadua, go Iahweh! De Maadua Mmahi Mmao laa, de Maadua, go Iahweh! Ia e iloo! Gai Israel gi iloo! Noo de mee nei ne hai baasi ange aabe se dee hai hegau i de mee abodonu ange gi Tagi Maolunga, gai daia donu gimaadeu gi maakau ailaa nei!

Revelation 17:14

Gai gilaadeu e hulo naa ga hebagi ange gi Ssiibi Gauligi, aagai Ssiibi Gauligi e hagadee kii naa gilaadeu, go hiidinga go ia Tagi Maolunga o denga dagi, ma de Hodooligi o denga hodooligi. Gai dangada madali ia gu lava i de hagahi, ma de hili, gai gilaadeu e hai hegau i de mee abodonu.”

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Psalm 99:3

Dangada gi duuhia doo ingoo maolunga ma de hagamaatagu! Ia e dabu mmao.

Nehemiah 1:5

Au ne hai ange: “Tagi Maolunga de Maadua o de langi, gai se Maadua maolunga ma de hagamaatagu, gai e daohi dau hagatoo donu heloongoi ma doo abodonu ange gi gilaadeu e aaloha i de goe aama de daohi au muna;

Jeremiah 20:11

Aagai Tagi Maolunga madali au bei dagodo o taane hebagi mmahi; deelaa ai, ogu hagadaumee e maakulu naa donu ma tee kii i de au. Gilaadeu e dee kii naa donu ma de dookaa, gai e dee maua naa donu gi ngalo delaadeu dee hagadubulia.

Nehemiah 4:14

Gai dua huu dagu tilo dagodo o mee nei, gai au ga hidi age ga hai ange gi de gau aamua, ma denga dagi aama dangada ange laa, “Goodou aude maatagu i gilaadeu. Gai goodou manadua de Ia Aamua maolunga ma de hagamaatagu, gai goodou hebagi i hiidinga oodou daina daane, ma oodou dama daane, ma damaa hine, ma oodou bodu aama oodou hale.”

2 Chronicles 19:7

Goodou gi maatagu i Tagi Maolunga; gai dagidiiloo gi danuaa oodou mee e hai, go hiidinga Tagi Maolunga taadeu Maadua e dee haisala donu dana hagamodu aabe hilihili dangada, ia e dee kave hogi denga mee ngadi gaavange hagasenga.”

1 Peter 1:17

Gai noo goodou e hagahi ange Tamana, go de ia e hagamodu ina muna o dangada, gai e dee vae dangada, gai goodou mouli i de hagadubu ma de maatagu i doodou nnoho gaainga i henua i lalo nei.

Colossians 3:25

Go hiidinga tangada e haia de baubau e kave naa donu de hagaoanga o ana hegau baubau, gai de Maadua e dee vae dangada donu.

Mark 12:14

Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”

1 Timothy 6:15

gai de mee nei e hai donu i de masavaa gu hagamodu laa i daho de ia e heohi taadeu tuhi, go de Ia Maolunga e dahi laa donu huu, go de Hodooligi o denga hodooligi aama Tagi Maolunga o denga dagi.

Exodus 23:8

Aude gaavee de mee ngadi gaavange hagasenga; go hiidinga de mee bee nei e hai dangada gi dee gidee e gilaadeu de mee heohi ma de hagahaisala muna a dangada heohi.

Deuteronomy 1:17

Gai goodou e dee hilihili dangada i doodou hagamodu muna; goodou hagamodu ina muna o de gau maolalo ma de gau maolunga gi se dagodo daudahi. Goodou gi dee maatagu i dahi dangada daudahi, i hiidinga go de Maadua e hagamodu ina muna. Gai be se aha naa huu e hai ngadaa adu gi goodou, gai goodou gaamai, gai au ga hagallongo.”

Deuteronomy 16:19

Aude hagahaisala de hagamodu heohi, aabe gi hilihili dangada. Aude gaavee de mee ngadi gaavange hagasenga, go hiidinga de ngadi gaavange hagasenga e hai ga dee gidee e tangada heiangi de mee heohi, ma de hagahaisala muna a dangada e heohi laa.

Deuteronomy 24:17

Aude hagahaisala ina de hagamodu heohi ange gi tangada henua gee, be go de gauligi e deai sono damana, aabe gi gaavee gee de malo laa daha o de hine gu magau dono bodu, e hagadonu ai de hagao ana muli.

Deuteronomy 27:25

“E malaia tangada e gaavee de ngadi gaavange hagasenga, gai ia ga daa ai gi magau tangada tigi haisala.” Gai dangada alodahi gi hai ange, “Amen!”

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Isaiah 37:16

“Tagi o denga hagabuulinga hebagi, de Maadua o Israel e noho laa i magavaa luu cherubim, go koe donu huu de Maadua o denga nohoanga hodooligi alodahi i henua i lalo; go koe ne haia de langi ma henua i lalo.

Daniel 2:45

Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

Jeremiah 32:18

Koe e lodo aloha ange gi dangada soa, aagai koe e hagao ange baubau o denga damana, gi alaadeu dama e loomai i olaadeu dua. Go koe de Maadua maolunga ma de mmahi, gai doo ingoo go Iahweh o denga hagabuulinga hebagi;