Deuteronomy 10:15 - De Beebaa Dabu

¹⁵ Aagai Tagi Maolunga ne aloha i oodou dubuna madagidagi, ga hili goodou, olaadeu hagadiilinga, i magavaa o denga huaahenua alodahi, bei doodou hai gu gidee ai naa anailaa nei.

Deuteronomy 10:15 Referans Kwoze

Deuteronomy 4:37

Gai go hiidinga ia e aloha i oodou dubuna madagidagi, deelaa ai, ia ne hili olaadeu aamuli ne haanau i olaadeu dua, gai ia ne hagassao ina mai goodou i Egypt i dono sauaa mmahi,

Numbers 14:8

Noo Tagi Maolunga e malangilangi i gidaadeu, gai ia e kave naa donu gidaadeu gi tae gi de henua laa ma de gaamai gi gidaadeu, de henua iai laa vai uu ma hooni lagolago.

Romans 11:28

Gai e soa dangada Ssuu gu hai ma gu ni hagadaumee niio de Maadua i oodou hiidinga, i hiidinga delaadeu dee hagadonu de longo danuaa. Aagai gilaadeu ni dangada niio de Maadua e aloha ai, i hiidinga ia ne hili olaadeu dubuna madagidagi.

1 Peter 2:9

Aagai goodou se huaadangada gu lava i de hili, goodou ni dangada haimeedabu niio de Hodooligi, se huaahenua dabu, gai se huaadangada hagamogomogo niio de Maadua, gai goodou ga tuhi ai de ia ne hagahia goodou, ma de hagassao mai goodou i lo te gohu, ga gaamai gi de maalama danuaa mmao.

Psalm 44:3

Gai e dee go alaadeu gadilaasa alaadeu ne kave ai de henua, aabe go olaadeu mahi ne haia ga kii gilaadeu; aagai go doo lima madau, ma doo lima mmahi, aama de maalama o luoo mada, go hiidinga koe ne malangilangi i gilaadeu.

Psalm 135:4

Tagi Maolunga gu hili Jacob gi se dangada niiona, gai ne hai Israel go dono huaadangada hagamogomogo.

1 Chronicles 16:13

De aamuli o Israel, dono dangada hai hegau, de hagadiilinga o Jacob, go dangada aana gu hili.

Amos 3:2

“Go goodou donu huu i denga huaabodu o henua i lalo alodahi aagu gu iloo; deenei ai, au e hagaduasala naa goodou i hiidinga oodou baubau alodahi.”