Deuteronomy 1:30 - De Beebaa Dabu

³⁰ Tagi Maolunga doodou Maadua e hano i oodou mada i mua, gai go ia donu e hebagi ange gi gilaadeu, bei dana hai ne hebagi ange ai gi Egypt i oodou hiidinga, bei doodou hai ne gidee ai laa.

Deuteronomy 1:30 Referans Kwoze

Exodus 14:14

Gai goodou nnoho donu huu ma gi dee mmuu, gai Tagi Maolunga ga sui goodou e hebagi ai.”

Nehemiah 4:20

Gai be go hee naa huu oodou e langona ai de ili o de hanga manu, gai goodou ga hagabuni mai gi omaadeu daha i kilaa. Gai taadeu Maadua e hebagi naa donu i odaadeu hiidinga.”

Romans 8:37

E deai, i mee nei alodahi gai gidaadeu e kii ange donu i dangada gu kii laa i de hebagi, i hiidinga o de ia e aloha laa i gidaadeu.

Romans 8:31

Gai aahee ai adaadeu muna ange gi de mee nei? Noo de Maadua e bale mai gidaadeu, gai goai ai naa e maua i de hai baasi mai gi gidaadeu?

Deuteronomy 3:22

Goodou gi dee maatagu i gilaadeu, i hiidinga go Tagi Maolunga doodou Maadua e hebagi e sui ai goodou.”

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Joshua 10:42

Joshua ne hagadee kii denga hodooligi laa alodahi, ga kave olaadeu henua i de masavaa laa, i e dahi donu huu hanonga, go hiidinga Tagi Maolunga de Maadua o Israel, ne hebagi i hiidinga o Israel.

2 Chronicles 32:8

Dono bale go mahi o dangada, aagai taadeu bale go Tagi Maolunga taadeu Maadua, gai go ia e balea mai gidaadeu ga hebagi ai.” Gai dangada gu lodo mmahi i hiidinga muna a Hezekiah, de hodooligi o Judah.

Exodus 14:25

Gai ia ne hai gi llave hagasii o denga hada hebagi gi lo te gelegele gi dee maua ai gi ngalungalue, gai gu dee maua i de saavini. Deelaa ai, denga daane o Egypt ne hagataba, “Gidaadeu ga saavini e hulo gee mai i de gau Israel; go hiidinga Tagi Maolunga e sui naa gilaadeu e hebagi mai ai gi gidaadeu.”

Deuteronomy 1:29

Gai au ne hai adu gi goodou, “Goodou aude manavasaa oodou lodo aabe gi maatagu i gilaadeu.

Joshua 10:14

Gai tigi ai ange donu se laangi bee nei i mua ga dae mai ai gi iainei, go de laangi a Tagi Maolunga ne hagallongo ange ai dahi dangada. Go hiidinga Tagi Maolunga ne hebagi i hiidinga o de gau Israel.

Joshua 23:3

Gai goodou ne gidee mee alodahi a Tagi Maolunga doodou Maadua ne hai ange gi denga huaahenua alodahi i oodou hiidinga, go hiidinga Tagi Maolunga doodou Maadua ne hebagi ange ai gi odaadeu hagadaumee.

Nehemiah 4:14

Gai dua huu dagu tilo dagodo o mee nei, gai au ga hidi age ga hai ange gi de gau aamua, ma denga dagi aama dangada ange laa, “Goodou aude maatagu i gilaadeu. Gai goodou manadua de Ia Aamua maolunga ma de hagamaatagu, gai goodou hebagi i hiidinga oodou daina daane, ma oodou dama daane, ma damaa hine, ma oodou bodu aama oodou hale.”

Exodus 10:21

Gai Tagi Maolunga ga hai ange gi Moses, “Haalo ina doo lima gi lo te langi i lunga gi gohu ai honga de henua o Egypt i de gohu boo dangodango.”

Exodus 19:4

‘Goodou gu gidee dagu hai ne hai ai de gau Egypt, aama dagu hai ne hagauda ai goodou i honga luoogu bakau bei de igele, ga gaamai goodou gi ogu daha i kinei.

Deuteronomy 4:34

Gai gu dahi laa maadua ne hagataalea de kave dahi huaadangada mai i dahi huaahenua e hai ai ono dangada, i denga hagaduasala, ma hagailonga, ma mee hagalele mouli, ma de hebagi, i dono lima sauaa mmahi, aama denga hegau hagamaatagu, bei hegau a Tagi Maolunga doodou Maadua ne hai adu gi goodou i Egypt, bei doodou hai gu gidee ai laa?

Deuteronomy 7:18

goodou aude maatagu i gilaadeu, gai goodou manadua mee a Tagi Maolunga doodou Maadua ne hai ange gi Pharaoh ma dangada alodahi o Egypt.

Deuteronomy 11:3

ma ana hagailonga, ma ana hegau hagalele mouli ne hai ange gi de hodooligi o Egypt go Pharaoh, ma dangada alodahi i dono henua;

Deuteronomy 29:2

Gai Moses ne hagahi de gau Israel alodahi ga hai ange: Goodou ne gidee mee alodahi a Tagi Maolunga ne hai i de henua go Egypt, ange gi Pharaoh, ma ono dangada hai hegau alodahi, aama dono henua.

Deuteronomy 31:3

Gai go Tagi Maolunga doodou Maadua, e hano i oodou mada i mua. Ia e daa naa ga maakau denga huaahenua i oodou mada i mua, gai goodou ga henua ai i olaadeu henua. Gai go Joshua e dagina goodou gi de baasi laa o Jordan, bei de hai a Tagi Maolunga gu tala ai.

Deuteronomy 34:11

Tigi ai ange hogi dangada ne haia denga hagailonga ma mee hagalele mouli a Tagi Maolunga ne hai ia gi hano gi haia i de henua go Egypt — ange gi Pharaoh ma ono dangada hai hegau alodahi, aama dono henua alodahi,