Deuteronomy 1:25 - De Beebaa Dabu

²⁵ Gai gilaadeu ne hagihagi hanu huamanu gai i de henua laa ga gaamai madali gilaadeu, gai gilaadeu ne tala mai gi gidaadeu bolo de henua a Tagi Maolunga taadeu Maadua gu dai gaamai gi gidaadeu se henua danuaa.

Deuteronomy 1:25 Referans Kwoze

Exodus 3:8

Gai au gu hano iho e hagaola gilaadeu mai i ssauaa o de gau Egypt, e kave gee gilaadeu i de henua laa, gi dahi henua danuaa ma de laumalie, se henua iai vai uu ma hooni lagolago, go de henua o de gau Canaan, ma de gau Heth, ma de gau Amor, ma de gau Perez, ma de gau Hiv, aama de gau Jebus.

Numbers 13:20

gai aahee dagodo o de gelegele, e danuaa be deai. Gai diiloo be e lagolago manu e ssomo ai be deai. Gai goodou hagammahi gaamai hanu huamanu i de henua madali goodou.” (Gai de masavaa laa go de masavaa e daamada ai de lleu denga grape.)

Numbers 13:27

Gai gilaadeu ne tala ange gi Moses, ga hai ange, “Gimaadeu ne hulo gi de henua aau ne hai gimaadeu gi hulo aagena; gai de henua laa iai vai uu ma hooni lagolago, gai aanei hanu huamanu o de henua laa.

Numbers 14:7

ga hai ange gi de hagabuulingaa dangada o Israel, “De henua amaadeu ne hulo ga mulidagi se henua danuaa mmao.

Deuteronomy 1:24

Gai gilaadeu ne hulo ga loage gi de mommee iai denga mounga, ga hulo gu tae gi de geelonga o Eshcol ga mulidagi ai dagodo o de mommee laa.

Deuteronomy 1:26

Gai goodou tee llodo e hulo e kave de henua laa, aagai ne hai baasi ange gi muna a Tagi Maolunga doodou Maadua.