Deuteronomy 1:16 - De Beebaa Dabu

¹⁶ Gai au ne hai ange gi oodou dangada hagamodu muna i de masavaa laa, “Go goodou e hagalaangona gi danuaa ga hagamodu denga dee heloongoi i magavaa o de gau Israel donu aama magavaa o dahi dangada Israel ma dahi dangada henua gee.

Deuteronomy 1:16 Referans Kwoze

John 7:24

Goodou aude hagamodu ina muna i oodou mee e gide, gai hagamodu ina i de heohi.”

Leviticus 24:22

Gai se hainga daudahi e hagamodu ai muna o tangada henua gee, aama tangada de henua. Go au donu go Iahweh doodou Maadua.’ ”

Exodus 22:21

Aude haia ange de baubau aabe gi vaivai haia tangada henua gee, i hiidinga goodou nogo nnoho gau mai vaga i de henua go Egypt.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

Psalm 58:1

Denga dagi, e aha, goodou e tala naa donu de mee heohi? Goodou e hagamodu naa muna o dangada i de heohi?

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

Deuteronomy 31:14

Gai Tagi Maolunga ga hai ange gi Moses, “Tilo, gu baa mai de laangi oou e magau ai. Hagahia Joshua ma gooluu loomai gi de hale malo hagabuni, gai au ga hagadabu ai ia.” Gai Moses ma Joshua ne hulo ga tuu i lo te hale malo hagabuni.

Deuteronomy 27:11

Gai Moses ne tala ange gi dangada i de laangi laa, ga hai ange:

Deuteronomy 24:14

Aude vaivai haia tangada hagaau aloha aau gu hagao, gi hai hegau adu gi de goe, e dee hilihili be ia se dangada Israel aabe se dangada henua gee e noho i dahi aduhale i doodou henua.

Numbers 27:19

Gai koe ga hai ia gi duu i mada i mua o tangada haimeedabu go Eleazar, aama de hagabuulingaa dangada alodahi, gai koe ga hagadabu ia i madamada dangada alodahi.

Leviticus 19:15

Aude hagahaisala ina de hagamodu muna heohi; aude haia gi dagodo gee dau hai e hai ai tangada hagaau aloha ma tangada lava, aagai koe gi hagamodu ina muna o tangada e baa adu gi de goe i de heohi.

1 Thessalonians 2:11

Goodou e iloo hogi bolo gimaadeu ne hai hegau adu gi goodou bei dagodo o tamana ange gi ana dama;

Genesis 18:25

E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Deuteronomy 1:15

Gai au ne hili hanu dagi mai i oodou aamuli, ni daane heiangi gai e maua i de dagi, ga hai gilaadeu gi dagina goodou — hanu ne dagi e dagimano, hanu e dagillau, hanu e dagidinolima, gai hanu e dagidinoangahulu, gai ni dagi i oodou aamuli.

Deuteronomy 25:1

Noo gu dee heloongoi dangada i dahi mee, gai gilaadeu gi gaavee de mee laa gi de mommee hagamodu muna, gai de gau hagamodu muna ga hagamodu ai mee i olaadeu magavaa; gilaadeu gi degi ange gi tangada e dee haisala, gai ga hagaduasala tangada iai ssala.

Proverbs 31:9

Basa mage hagamodu ina muna i de heohi, daalaa heohi o de gau hagaau aloha ma de duasala.”